Tunning uzun, tim qora sochlarini silayman,
Olisdagi dildorim qaro ko'zin eslayman.
Hamma uyqu ogushida tushlar ko'rganda,
Men bedorlik onlarini quchib yiglayman.

Yo'q o'ylamang ko'z-yosh to'kib o''tiribdi,deb,
Allaqaysi dildorini soginibdi,deb.
Men bedorman yurt ishqida,hurlik ishqida,
Ko'z ongimdan ketmas sira mute halq hadeb.

Mayli zahmat cheksam mayli Ona yurt uchun,
Biroq zahmat besamardir biror nafi yo'q.
Halq yupundir,halq ochlikda,yo'q bagri butun,
Men qandayin orom olay va yurayin to'q.

Ogzimdagi bir chimdim qand zahardayindir,
Tatimaydi bir oshamdir luqma bo'lsa ham.
Ayting ahir men qandayin tunda uhlayin,
Halq boshida tursa to'la kulfatu alam.

Rizo OBID