Chimildiq qurilgan uyga bir qarang,
Farishtalar bazmi qizib boradi.
Kokilin silaydi kelinchagining,
Visoldan entikkan kuyov turadi.

Yuzlari olovday issiq kelinchak,
Hayoni dugona etar jilmayib.
Chimildiq guvohdir ahdu paymonga,
Yigit roz aytadi biroz iymanib.

O'ng oyoqla kirgan bugun ikki yosh,
Chimildiq chetidan hayot yo'liga.
Bir yostiqqa qo'yishgan umid bilan bosh,
Uyni to'ldirmoqchun qizu o'gilga.
Rizo OBID.