Iymonidir turkning TURKISTON!
Ahmad YASSAVIY.

* * *

Go'zal TURKISTON sanga na bo'ldi?
Abdulhamid CHO'LPON.

* * *

Tushummu yo o'ngummu bilmadim halqim ado bo'ldi,
Halokat maydoninda Turkistonimdan ayrildim.
Abdurahmon VODILIY.

BITIKTOSH

Firdavsiy bir zamon aytgani kabi
Har ne o'tkinchidir, fanoning o'zi,
Faqat ikki narsa qolur abadiy-
Botirning shavkati,dononing so'zi.

Ajdodlar Vatan deb jon fido qilgan,
Behuda gap sotib yurmagan ular.
Mana,ming yillarni opichlab kelgan
Bitiktosh ona-er haqida kuylar.

Vaqt quyunida ne davru davron,
Bu - toshga aylangan erkdir,bardoshdir.
Bu - Turon atalgan muqaddas armon.

Unga qaraymanu bir his tuyaman.
Bu yurtim timsoli mangulik toshdir...
Yuragim toshiga she'rim o'yaman.

Ushbu she'rni tayyorlab, yo'llovchi: Dilmurod Sayyid.
Toshkent.