Gapning ochigi hali hozirgacha O'zbekistonda ham,mana Vatandan olisda yurib ham bu qadar ko'p tabrik maktublari va ezgu tilaklar bitilgan samimiy qutlovlar olmagan edim.Mening shodliklarimning cheki yo'q.Chunki men yolgiz emas ekanman!Siz Aziz o'quvchiga,Siz Aziz Vatandoshga ushbularni qanchalik his-hayajon bilan bitayotganimni so'z bilan ta'riflashga ojizman.
Birgina Demokratik O'zbekiston Kongressi faollarining mingdan ortigi qutlug Navro'zi Olam bayrami bilan muborakbod etishgan.Ularning hammasini o'qib chiqish uchun tunni-tongga ulab, o'zimni ular bilan yonma-yon-elkadosh his qildim.
Tashakkurlarimning cheki yo'q.
Ular qatorida ''BIRLIK'' Halq Harakati,BIRDAMLIK,OZOD DEHQONLAR partiyalari va yana ko'plab harakat,jamoalardan ham samimiy tilaklar bitilgan tabriklar oldim.
Barcha-barchangizni shahsan o'z nomimdan, chin ko'ngildan muborakbod etaman va nimaiki ezgu orzu-niyatlarni dilingizga jo etgan esangiz ijobat bo'lishini yaratgandan so'rayman!
Yana bir bor: NAVRO'ZI OLAM MUBORAK!
Ollohning marhamati bilan Sizlarning hammalaringizni muborakbod etishga imkon bergan yaratganga shukurlar bilan: Rizo OBID.