Авваломбор сог-омон эканлигингиз, бунинг устига Ватан кайгуси билан беллашингиз мени жуда кувонтирди. Менга булган ишончингиз ва хурматингиз олдида таъзим киламан.

Голландияда булганим рост, у ерда катта бир йигин бахонасида бир канча ташкилотларга кириб чиккандим, балки ушалардан эшитган булишингиз мумкин. У ерда бизга ёрдам килиши мумкин булганлар куп.

Номзод масаласига келсак, биласизку, менинг кай еримни кесса, уша ердан БИРЛИК деган суз кон билан кушилиб сизиб чикади. Шундай экан, мен аъзо булган партиянинг рахбари бу ёкда колиб, мен президентликка уз номзодимни куя олмайман. Бирлик партиясининг рахбари Абдурахим Пулат экан, демак президентликка номзод факат шу одамгина курсатилиши керак ва мантикан хам тугри булади деб хисоблайман. У одамнинг албатта Узбекистонга келишига купчилик ишонади, лекин бугунги кунда кайсидир бир маънода Узбекистонга келиши ва хавфсизлиги учун кафолатлар етарли эмас. Бугунги кунда бизнинг кучсизлигимиз, бир ёкадан бош чикара олмаслигимиз, таркоклигимиз мен назарда тутган кафолатни минг афсуски беролмайди. Лекин биз харакатдан тухтаганимиз йук ва албатта имконимиз борича олдинга кадамлар куйишни бошлаганмиз. Бу жуда мушкул ва анчайин хатарли. Булмаса сафларимиз бу даражада камайиб колмаган, сафдошларимиз дунёнинг хар чеккасига таркалиб кетмаган буларди. Лекин локайдлик балосига берилмай бизга хамнафас экансиз, сафимизда Сизнинг булишингиз, каторимиз айникса Сизга ухшаган мард йигитларнинг булиши бугунги кунда мухим.

Менинг бу фикрларимни сайт оркали эълон килишингиз мумкин.

Сизга ва якинларингизга, курашимиз, харакатларимиздан хабардор булганлар ва бирга-бирга харакат килганларга яна бир марта таъзим киламан хамда барчангизда яратгандан сихат-саломатлик, тинчлик-хотиржамлик ва оилангизга бахт-саодат тилайман.

Васила