Якинда мен, Саида Курбон, ва бир гурух хукук химоячилари Пахтакор туман ахолисининг иктисодий кийинчиликлари, турмуш тарзининг тобора кийинлашиб бораётганлиги, айникса туман ИИБ ходимлари томонидан туман фермерларининг ишига ноконуний зуровонлик билан аралашаётганлиги, хатто фермерларнинг калтакланаётганлиги тугрисида дунё оммавий ахборот воситалари (ОАВ)га интервю берган эдик. Бирок, куп вакт утмасдан, махаллий хукуматнинг хар бир буйругига «лаббай» деб тайёр турадиган бир гурух ошиги олчи «фермерлар» хамда «оксоколлар» томонидан Жиззах вилоят ва туман ОАВларида бизларга нисбатан тухматларга тула маколалар, оммавий «хатлар» ташкил килинди.

Хатто, БМТнинг экспертлар гурухига «Жиззах хакикати» ва «Джизакская правда» газеталарининг 12 ва 16 май сонларида «МУРОЖААТ»хам эълон килинди (Газеталар бу номга муносиб булмасада, афсуски улар шундай деб аталади: гуёки Жиззахда бошка хакикат бору, Сирдарёда бошка хакикат! Хакикатнинг маъноси хама жойда битта-ку! Хакикат номланмайди).
«Жиззах хакикати» газетасида, лаббайчи «фермерлар» ва «оксоколлар» муаллифлигида «Ит хурар - карвон утар» рукни остида «Уйнаб эмас, уйлаб ёзинг» номли маколани «Пахтакор хаёти» туман газетаси кучириб босиб чикарди.

Мен бу маколаларни укиб асло хафа булмадим, чунки туртта «фермер»нинг фикри бутун вилоят ёки туман фермерларнинг фикри эмас. «Газеталаримиз» узлари учун катта хатога йул куйишди, махаллий хукумат томонидан олдиларига куйилган максадларига эриша олмадилар, аксинча уларнинг сахифаларида босилган маколалар тескари акс садо берди. Маколалар босилиб чиккач, кайтанга газетанинг бу ахволидан одамлар кулишдилар. Биз хукук химоячиларини билмаганларга, излаётганларга таништирдилар. Боз устига, биз хукук химоячиларини, бу газеталар яхшигина рекалама килишганинг гувохи булдим. Энг кизиги, бизга фермерлар томонидан шикоят аризалар тушиши купайди. Бундан-да кувонарлиси, фермерлар туман ИИБ ходимлари томонидан килинаётган тазйиклар вактинча булса хам тухтаганлигини билдиришди ва рахматларини айтиб кетишаяпти. Бу холат мени анча рухлантирди ва биз тугри йул танлаганлигимизни узимизда яна бир бор хис килдик.

Мен бу маколалар тугрисида, туманимизнинг «кузгуси» булган, редакция биносига, хатто телефонига хам эга булмаган «Пахтакор хаёти» газетасининг редактори (бир пайтлар редакцияда бирга ишлаганмиз) Холбута Худоёров билан сухбатдашиш максадида редакцияни 17 майдан бошлаб изладим. Туман хокимлигидан, редакция каердалигини билса керак, деб Отамурод исмли йигитдан сурадим. Менга у: «Редакциянинг биноси йук, каердандир Худоёров газетани бир амаллаб чикариб келади. Очиги, билмайман» - деб жавоб берди.

Буни каранг, хафсалам пир булиб хокимликдан чикиб кетаётсам, олдимдан чикиб колса буладими!? Мен редактор Х.Худоёровдан редакция каерда жойлашганлиги, узи билан алохида гаплашиб олишим зарурлигини айтдим. Туманда якка-ю ягона булган газета мухаррирининг айтган гапи:
- Сингил, Сизни мен хурмат киламан, кечиринг илтимос, менга савол берманг, редакциянинг биноси йук, у – у – у - узим бир амаллаб кун куриб юрибман, менга тегманг илтимос, мен шошаяпман кечиринг, -деди-ю, икки кулини куксига куйиб кочиб колди.

Мен бу холдан, аввало, кулдим, туриб-туриб редакторга ачиндим, кейин менда унга нисбатан нафрат туйгуси пайдо булди. Чунки, бирорта рахбар «елкангизга чикиб турай» деса бошини тутадиган бундай кимсалардан на одамларга, на жамиятга наф бор. Бундай хол туманимиздаги, умуман жамиятимиздаги огрикли, шармандали бир холатдир.

Энди, яна маколага келсак: Бу муаллифлар яхши рукн топишибди-ю, лекин тугри ишлатиша билмабди. Чунки менинг фикрларимча: хар бир инсоннинг умри бир карвон. Шу жумладан менинг умрим хам. Айтмокчиманки, мен хам утавераман, улар хам хуриб турсин.
Яна учрашгунча хайр.

. 24 май 2007 йил.
Навбахор кишлоги, Жиззах вилояти.