Адолат ва одил суд булмаган шароитда
давлат карокчилар тудасига айланади
Августин Аврелий.
УЗБЕКИСТОН ИНСОН ХУКУКЛАРИ ЖАМИЯТИ ПАХТАКОР ТУМАН БУЛИМИНИНГ МАЪЛУМОТНОМАСИ
 12 ва 16 май кунлари «Жиззах хакикати» ва «Джизакская правда» номли вилоят газеталарида Узбекистон Инсон Хукуклари Жамияти (УИХЖ) Пахтакор тумани булими раиси Саида Курбон ва бошка инсон хукукларини химоя килувчилар шаънига тухматларга тулик маколалар чоп этилди. Бу «эстафета» таёкчаси уч кун кейин «Правда Востока» газетасига узатилди ва бу нашрнинг Жиззах вилояти буйича уз мухбири Николай Барашкин «Не водите меня по бревнам» («Мени гулалар устидан юргизманг») номли макола ёзди.
Бизнинг тахлилимиз буйича вилоят газеталарида босилган маколалар дастлаб рус тилида ёзилган булиб, сунг узбек тилига агдарилган ва унинг муаллифи айнан Н.Барашкиндир. Вилоят газеталарида босилган макола муаллифи сифатида мактаб директории, кишлок хотин-кизлар булими раиси ва бошкаларнинг исми-шарифлари келтирилган. Бизга келган маълумотга караганда, бу шахслар улар номидан макола чикарилганига хайронлик билдиришган.
«Фахрийлар» хатининг ташвиш уйготадиган томони шу-ки, унинг охирида улар тугридан-тугри Саида Курбон ва бошка инсон хукукларини химоя килувчиларнинг устидан жиноий иш кузгатишга чакирилган. Бундан «Узбекистон халки яна 37-39-чи йиллардаги Сталин репрессияларини бошидан кечирмокда» - деган хулосага келиш мумкин.
«Фахрийлар»нинг хати 24 май куни Пахтакор туман газетаси «Пахтакор хаёти» газетасида кайта босилди. На редакция биноси, на босмахонаси ва на телефони булмаган бу газетанинг редактори Холбута Худоёров билан Саида Курбон бир неча кун илгари учрашган ва ундан гаплашиб олиш учун вакт сураганда, редактор: «Синглим, мен сизни хурмат киламан, мени кечиринг, узим зурга кун кечираяпман, менга тегманг. Узр» - дея кочиб колган.
Кеча ва бугун Саида Курбон совхоз марказига «халк мухокамаси»га чакиртирилган, бирок у совет даврининг репрессив йилларида кулланилган бундай йигилишларга боришдан бош тортган. Саида Курбон 24 ва 25 май кунлари «Бечора редактор …» номли уз маколасини бир неча узбекча ва русча Интернет-сайтларда эълон килди. Биз унинг навбатдаги маколасини мухтарам укувчилар диккатига хавола этмокдамиз. Толиб Ёкубов, УИХЖ раиси
Саида Курбон Ю З С И З Л А Р
ёхуд
ТУХМАТ КИЛИШДАН КУРКИНГ «Пахтакор хаёти» газетаси мухаррири жаноб ХОЛБУТА ХУДОЁРОВГА Сиз рахбарлик килаётган «Пахтакор хаёти» газетасининг 19 май сонида бошдан оёк ёлгону тухматлар билан безалган «Оксоколлар нафратининг чеки йук» сарлавхали макола босилибди. Сиз мени яхши танишингиздан келиб чикиб, Сизга бир катор саволлар билан мурожаат килмокчиман:
- Бундай ифлос ишга кул уришга Сизни ким ва нима шунчалик мажбур килди?
- Маколада «Уз болалари ва куни-кушнилари уни хурмат килмайди» - дейилган. Болаларимда нима хусуматингиз бор?
- Болаларим ва кушниларимга уялмай-нетмай тухмат килибсиз; одам хам шунчалик тубан кетадими?
- Макола остида курсатилган муаллифларнинг юзларига «Улуг Ватан уруши фахрийлари» никобини кийдиришдан уялмадингизми?
- Нима учун Сизга бу махаллий рахбарчаларимизнинг мансабларини яшириш керак булиб колди?
- Нима учун 19 май куни чикаётган газетангизни 24 май кунигача таркатмасдан яшириб утирдингиз?
- Мансабингизни олиб куйишларидан куркдингизми?
Сиз-ку мамлакатимизда матбуот эркин эмаслигини яхши биласиз, бирок мамлакат рахбарлари (Сизнинг рахбарларингиз хам) хар кадамда огиз купиртириб: «Бизда матбуот эркин!» - деб айюханнос солишади. Кани, Сиз менинг ушбу мактубимни газетангизда чоп этиб, саволларимга батафсил, ёлгонни ишлатмасдан жавоб бериб, уларнинг иддаосини бир инкор килиб куринг-чи! Сизнинг жавобингизни мен олдиндан айтиб беришим мумкин:
- ё Сиз менинг ушбу мактубимга жавоб бермайсиз ва уни газетангизда чоп этмайсиз;
- ё уни чоп этмайсиз-у, бирок ёлгон ва тухматга тула бир «жавоб» юборасиз;
- ё тухматни давом эттириб, куркканингиздан хукук-тартибот органларига менга карши шикоят-ариза ёзиб берасиз.
Сиз, чамаси, мен келтирган охирги вариантга кул урасиз ва буни олдиндан сезиш кийин эмас. «Джизакская правда» газетасининг 12 майда чиккан сонига бир каранг-а, унда худи Сиз кучириб босган маколанинг русча матнига кузингиз тушади. Унинг охирида Пахтакор туманида яшовчи, узларини «Улуг ватан уруши» фахрийлари ва «оксоколлар» деб атаган Аббос Саллаев, Бувнисо Бегалиева, Товбой Солиев ва Умрзок Худойбердиевлар тугридан-тугри мен ва менга ухшаган инсон хукукларини химоя килувчиларни устидан жиноий иш очишга чакиришган (ихтибос): «… и очень надеемся, что они рано или поздно все-таки понесут уголовную ответственность за свои поступки» (ихтибос тугади).
«Оксоколлар»нинг бу хати Сизга 37-30-чи йилларни эслатмаяптими? «Улуг ватан уруши» фахрийларидан бир сураб куринг-а, уша даврларда канчадан-канча одамлар Аббос Саллаев, Бувнисо Бегалиева, Товбой Солиев ва Умрзок Худойбердиев кабиларнинг «донос»лари туфайли камалиб кетишган? Мен хакимда тухматларни калаштириб ёзишга мажбур килган одамлар Сизни менга карши «донос» ёздира олишмасмикин?
Тугри, ёшингиз хам 70 ни уриб куйди-ёв, Сизни тушинаман. Бу ёшда бошка иш кидириш кийин, нима килиб (хатто, тухмат килиб ) булса-да жойингиздан жилмаслик харакатини килаяпсиз, холос.
Сизга текинга битта маслахат берайми? Газетангизда ахён ахёнда тугри гаплпрни хам ёзиб туринг. Акс холда, менинг кушниларим ва болаларимга ухшаган хакикатни билиб куйганлар матбуотга ишонмай куйишади. Бу «касаллик», яъни ишончсизлик, кучайиб кетса, даволаб олишга йиллар сарфланиши шубхасиз.
Нима хакда ёзишни билмаяпсизми? Келинг, Сизга яна бир ёрдам бериб юборай. Сиз газетангизда куйидаги масалаларни кутаринг:
- нима учун ёш навкирон йигитларимиз бола чака бокиш, пул топиб рузгорини бутлаш максадларида четга, Россия, Козокистон ва бошка мамлакатларга иш излаб чикиб кетишаяпти?
- нима учун иффатли, номусли, хаёли, новнихол кизларимиз Дубайга чикиб кетишаяпти?
- нима учун банкларимизда имтиёзли кредит олиш учун навбатга турганлар мутелик даражасига туширилганлар?
- нима учун май ойининг 26 куни утаяптиямки, болалар ва кариялар нафакалири берилмаяпти?
Ана Сизга долзарб масалалар! Оддий одамлар билан гаплашинг, улар Сизга истаганингизча масала топиб беришади. Нима, буларни ёзсам ишдан кетишим керак, дейсизми? Сизга кийин экан, буни уйлаб куриш керак. Демак, олдингизда икки йул турибди: ёлгон ёзсангиз, кечагидек шарманда буласиз, тугри ёзсангиз - ишдан кетасиз. Яна бир текин маслахат берайми? Мен Сизнинг урнингизда булганимда, ишдан кетиш йулини танлаган булардим, чунки шарманда булишдан кура бу кулайрок эмасми?
Яна узингиз биласиз. Лекин шуни яхши билиб олинг: Сиз, кош куяман деб, куз чикардингиз. Калта уйламанг, Сиз ва Сизга ухшаганларнинг тутган никобини хамма хам киявермайди, Сизга ухшаб минган араванинг кушигини айтавермайди. Хаммани узингизги ухшаган букаламун деб уйладингизми? Адашибсиз! Орамизда уз фикри, дунёкараши ва акл-идрокига эгалар бор ва уларнинг сони кам эмас.
Сиз маколангизда Курбоновани кишлокдошлари, кушнилари ва хатто болалари хам хурмат килмайди дебсизми? Шуни яхши билинг-ки, жаноб Худаёров, мен Аллохдан хаммага менинг болаларимдек эсли-хушли фарзанд беришини сурайман. Кушниларимнинг купи билан 20 йиллик кушниман, Худога шукур, хурматимни жойига куйишади Бу гаплар канчалик ростлигини билмокчи булсангиз, мархамат, келинг, мен Сизга ухшаб кочмайман. Адресим хам Сизникига ухшаб тайинсиз эмас. Биласиз, чунки илгари мехмон булиб кетгандингиз. Мен хали хам уша уйда тураман Келинг, уялманг. Ё калтак еявериб, зада булиб колганмисиз? Куркманг, мен заифларни урмайман. Редактор деган никобингизни такиб келаверинг.
Бирок, бунча бухтон тукиган одамда юз нима килсин, деб хам уйлаб кетаман. Кечиринг, аччик гапирдим. Лекин, на чора, хакикат аччик булади-да! Сиз чикараётган маколангизнинг «муаллифлари» на «оксоколлари», афсус, бу тугрида билишмас экан. Мен хат «муаллифлари» мактаб директори У.Худойбердиев, кишлок хотин-кизлар булими раиси Б.Бегалиева ва О.Саллаевлар узларининг номларидан ёзилган хатдан бехабар эканлигини эшитдим. Улар хам хайрон. Бундай ишларни килиш учун юзсиз булмасликнинг иложи йук. Баракалла, рахмат Сизга!
Лекин бир нарсадан жуда хурсанд булдим . Бизнинг кишлок ёшларимиз хам Интернетдан чикаётган маколаларни укишаётган экан Бундан кейинги бериладиган маколаларимни доимо Интернетдан бериб бораман, чунки ёшларимизнинг дунёкараши, фикрларининг усиши, жойлардаги хакикий ахволни кузатиб бориши уларнинг маънавий савиясини ошириб боради. Жиззах вилояти, Пахтакор тумани, Навбахор кишлоги
|