Муаллиф
* **
(Давоми.Бошланиши аввалги сахифаларда)
* * *
-Миртемир жангалзор каби патихиб кетган хаёлларнинг кучасида адашган туйнукдан ёругликка кузи тушди. Кенгиш жой кидираётгандек ёруглик туйнукдан ичкарига окиб кириб ёйилаётганга ухшарди. Негадир Миртемир ёругликни кузи кур, холдан тойган одамга ухшатди. У тугри келиб деворга урилар ва сунгра бетон деворни пайпаслаганча "куллари тилиниб" атрофга ёйиларди. Унинг боши хам ёрилган булса керак... "Эх, алахсираяпманми? Ёки аклим коча бошладими?" Бу савол такрорланарди. Кейин ёруглик унинг калбига хам окиб кириб, коронгу хисларни "пичоклай" бошлади. Калбининг аллакаерида умид пайдо булди.

Нахотки дарров эсанкираб колдим? Йук, сунг дакикагача курашмок, курашмок лозим. Хозирги холатда тушкунликка тушмаслик хам курашнинг бир тури, енгилмасликдир. Икки орада, бир дарада колсанг хам чикиш йули бор. Сен йирткич деб юрган она бури йул курсатиши мумкин. Она Бури... Бир замонлар у боболарингни Тангри тоги орасидаги дара - гордан олиб чикканди. Эргунакон афсона эмас, хакикат. Бури йирткич эмас, дуст. Сен вахший деб юрган одамлар балки ёрдам кулини узатар.. Йук! Бундай пайтда хатто Бури хам куркади. Чунки горнинг огзида Аждахо турибди. Ямламай ютади... Аммо нега ёрдам хакида уйлай бошлади. Дарвоке, кейинги пайтда кунглидан кечгани куп утмай руй бера бошлади. Хатто уйига боскин булишини хам олдиндан сезгандек эди. Лекин... Ха, инсон боласи бошига тушганига ишонади, кунглидан кечганига эмас. Ёруглик равшанлик келтиради, умид хам шундай, дея уйларида давом этди Миртемир. Лекин бу Субхи косиб булса-чи? Я'ни алдовчи, косибларни алдовчи субх булса-чи? Унда бироздан кейин этагини тортиб олади ва бирор соат утгач хакикий равшанлик кириб келади. Куп утмай ёруглик чекинади. Демак, Субхи косиб экан...

Миртемир хаёлида узи устирган бугдойнинг хосилини йигиб олишга улгурмаган эди-ки, темир эшик очилди. У остонадаки кишини танимади. Кузлари хира тортдими, узок вакт оёгида утиргани ва хозир урнидан тургани учун боши айланиб, кузлари тиндими?, хар холда аланглаб колди.

Остонадаги киши кули билан нималардир ишора киларди.

- Миртемир ака, кетдик!

Ким бу? Нима деяпти? Туш кураяпманми? - ...

- Сизга нима булди? Уришдими?... - Нега унинг саси бу кадар паст эшитилаяпти. У пичирлаб гапираяптими ёки кулоклари эшитмаяптими?

Остонадаги одам ичкарига бир одим ташлаганда Миртемир унинг Рустам эканлигини таниди ва бирдан хурлиги келди. Кунглининг остидаги бир булокнинг кузи очилиб кетди-ю ундан пишкириб сув отилди. Аммо нимадир бу чашмадан оккан ирмокнинг йулини тусди. Ирмок куз косасида йигила бошлади. Миртемир куллари билан кузини ишкалагандек булди. Аслида куз косасидаги дарёни силиб олмокчи эди. Чунки вужудининг бошка бир еридан тошаётган нафрат уни оёкка калктирди.

- Кетдик, - деди хамон Рустам. - Миртемир ака, мени кечиринг, хаммасига мажбур эдим...

- Каёкка? - деди Миртемир нафрат билан.

- Кетишингиз керак!

- Кетиб нима киламан, огайни, сенинг кулингда улмокчиман.

- Вактимиз жуда оз. Хозир тревога бошланади. Хаммамиз ёнамиз. Хатто Лутфулло ака хам...

Лутфулло! Лутфулло... Миртемир бирдан уйгониб кетгандек булди. Бу ёруглик! Бу Бури! Демак... Кадамлар ортидан эргашиб колган хаёллар куча чангитиб чопган болалардек уларнинг оркасидан югурди... Миртемирнинг кулидан темир каби пањалари билан кисиб олган Рустам коронгу йулакда гуё учиб бораётгандек эди. Миртемирнинг оёклари гох ерга тегар, гох тегмас... Бир зумда эшик ёнидаги машинага етишди. Миртемир олдинги томонда энгашиб утириб олди. Инсон кизик. Шу ахволда унинг ёдига бир вокеа келди. Шахардан кишлокка боришда купинча акасини чакирарди. Оила а'золари купчилик булгани учун болалардан бирини машинанинг олдинига, я'ни узининг кучогига оларди.

- Мелиса чикса бекинасан, - дерди кизалогига ва кишлокка кадар уйин бошланарди. Акаси ёки узи "Ана мелиса" деса бас, кизи энгашиб оларди ва ишорат булмагунча кадар Миртемирнинг оёклари орасида утирарди. Кисилиб колди, дея Миртемир "Мелиса курмади, чик" дерди. Мана энди узи шу ахволга тушди ва "Бу жой у кадар тор эмас экан" деб уйлади.

Миршабхонадан Миртемирнинг уйига кадар икки дакикалик йул. Шу боис хаёллари яна узилди. Машина тухташи билан Рустам шофёрига:- Сен йулак бошида тур, биров келиб колмасин, - деди. Сунгра соатига караб кушимча килди: - Хозир йигитлар келиб колишади.

Кейин олдингга энгашди:

- Миртемир ака, мен эшикни очаман сиз эгилган холда тушиб, патта дарахтлар оркасига утинг. Эхтиёт булишимиз керак, каршидаги кушнингиз жосус. Биз машинани йул бошига олганимиздан кейин сиз девордан ховлига киринг. Сунг орка эшикдан Сашаникига утинг, у кутиб турибди. Уйдагиларга бирор гап айтманг, илтимос.

Миртемир Рустам хаккида хали узил кесил бир хулосага келмаганди. Лекин унинг айтганларини бажараётганди. Чунки бу сунги умид йули эди. Аммо юрагининг бир четида "Рустам ёмон йигит эмас экан. Кеча уни хафа килдим. Рол уйнаганини хеч сезмабман, хатто хаёлга хам келтирмабман", деган фикр утди.

Миртемир девордан ховлига тушаётганида, оёги тойиб кетди ва девор ёнида усган гилос огочига осилиб колди. Дарахт шохи уни бир зум тутиб турди-да "карс" этиб танасидан айрилиб тушди. Рекс кушдек учиб келиб унга ташланди ва инграй бошлади. Миртемир итни севмасди. Бу уйга кучиб келишганда ховли сохиби "Мен бу итни худди углимдай севдим. Уни сизга колдириб кетаман. Жуда хам акилли, хамма гапни тушунади. Уз исмини яхши куради. Илтимос, унинг исмини узгартирманг" деди. Ушанда сохиби Рекс билан хайрлашаркан кузларига ёш олганди. Сунг Рекснинг хам яноги хул булганди.

Рекс Миртемирнинг болаларига жуда тез урганди. Миртемир унинг ёнига якин бормасада Рекс унинг келди-кеттисига "муносабат" билдириб турарди.

Миртемир пойтахтга кучиб кетаётганда Рекс зањирларни узиб юборадигандек фарёд чекканди. Качон Миртемир бу ховлига келса Рексга "жон" кирарди.

- Ака, сиз Рекснинг ёнига бормайсиз. Биз узимизни сен деб уни сизлаймиз. Лекин барибир сизни курганда яйраб кетади, - дерди синглиси. - Келсангиз кувонади, кетсангиз йиглайди. Хатто бир-икки кун овкат емайди.

- Пойтахтда жойимиз йук, булмаса олиб кетардим, - дея куя коларди Миртемир.

Аслида эса болалигида кушнисининг ити талагани хеч ёдидан чикмайди. Ушанда каттик курккан эканми, итни курса сесканади. Шу сабаб Рекснинг ёнига борса хам орада икки кадам масофа саклаб унга гап отарди. Хакикатдан хам аклли ит. Хамма гапга имо-ишора ёки харакат билан жавоб киларди.Кеча уйни мелисалар босганда Рекс шунаканги уввос солиб йигладики, хатто ба'зи миршаблар "Хамма гапни сезаяпти. Бизбоп экан, олиб кетсакми" дейишгани кулогига чалинганди. Миртемирни олиб кетишаётганда Рекснинг кузлари махсунлашиб, овози бугилиб колгандек эди. Унинг фарёди билан зањир саслари кушилиб юракларни тилкаловчи аллакандай садога айланганди.

Мана энди у икки кулини кукка кутарганча каршисида турибди. Миртемир унинг бошини силаганди гиншиганча ерга юмаладида ховлида югура бошлади.

- Ким? - дея овоз келди ва уй эшиги очилди. Бу умр йулдоши Рохила эди.

- Мен, куркма, - деди Миртемир ва уйга кирди. - Тез бошка кийимларимни бер. Хозирок кетишим керак!

- Кандай чикдингиз? Кайси томондан келдингиз?...

Саволга жавоб бериш урнига Миртемир умр йулдошига разм солганди бир кечада чукиб колганини курди. Ранглари саргайган, лаблари эса окарган.

- Сен куркма, хаммаси яхши булади. - деди у. Бу пайт ичкаридан кайнотаси, кайнонаси, синглиси чикиб келишди. Улар худди хамма гапни биладигандек индамай туришарди. Ё туш кураётгандек хис этишарди узларини ёки вокеа уларни шошириб куйганди.

Рохила янги костюм-шимни олиб чикди.

- Бошкаси йукми?

- Кияверинг. Спорт кийимингизнинг устидан кийинг. У хам керак булади, - деди Рохила. - Болам, бирор егулик хозирлайми? - суради кайнонаси титрок овозда.

- Сув бер, сув, - деди кайнотаси унга.

Аммо Миртемир сувни хам кутмасдан:

- Хеч хафа булманглар, хаммаси яхши булади, - деди-да ташкарига отилди. Рохила оркасидан югуриб чикди. Худди вокеалар ривожини олдиндан билгандек Рекс хам оркадаги дарча ёнида турганди.

- Додлаш йук, йиглаш йук, уйдагиларга кулок сол, хупми? - деди у илк бор Рекснинг бошини силаб.

Рохилага эса бирор гап айтолмади хам. Унинг кузига бир зум тикилганди кунгилларидаги достонлар нигохлар оркали кучиб утгандек булди.

* **

Миртемирнинг Рохилага уйланиши тасодифлар билан боглик. У моддий сикинтилар сабаб дорулфунуннинг кундузги булимида укий олмади. Ота-онасининг вафот этгани, бунинг устига пойтахтда хеч кими йуклиги сабаб хам ишлаб, хам укиди. Орада армия хизматига хам бориб келди. Дорулфунунни битириш арафасида "Жумхурият" газетасида ишларди. Бир куни ма'сул котиб чакириб колди.

- Сени аскарликка узимиз кузатдик. Яна багримизга кайтдинг, - деди у. - Худди углимиздай булиб колдинг. Бош мухаррир билан гаплашдик, сени уйлантирмокчимиз.

- ...-, Нима хам дейди, индамай эшитди.

- Кушни газетада "Катта"нинг жияни ишлайди. Бир-бирингизни танир экансиз...

Миртемирнинг боши гувиллаб кетди. Ха, танийди. Лекин... У киму мен кимман, деб уйлади. Кейин катталарга куёв булганлар хаккида куп укиган ва эшитган. Ундай оилалар кулсифат куёвларни севадилар, аммо уз фикри, уз фе'ли булганларни дарров оёклари остига олиб эзгилайдилар. Йук, йук деб уйлади, колаверса кизни танийди. Совуклиги ва ёкимсиз кибори сабаб кишини узидан узоклаштиради. На самимияти бор, на мехри. Ба'зан лифтда рубару келардилар, саломлашсанг "Нима ишинг бор ?" дегандек украйиб бокарди.

- Сен ариза ёз, та'тил берамиз. Иккинчи аризани уй учун ёз. Нашриёт туй куни уй хадя килади, - деб сузида давом этди ма'сул котиб.

Миртемир уша куннинг узиёк кишлогига жунади. Вокеани акасига айтганди :

- Бошингга бахт куши кунибди, ука, - деди. - Бахт куши эмас, бадбахтлик куши, - деди у.

Гапни буришга уста булган акаси :

- У ма'нода эмас, хар икки холда хам барибир уйланадиган булибсан. Ужарлигингни биламан. Подшохнинг кизидан хам юз угириб кетаверасан. Балки сенинг билганинг тугридир.

Акаси, бу билан узи якинда иккинчи марта уйланганини эслатди шекилли. Олдинги хотини билан ажралди. Лекин учрашиб туради. Иккинчиси билан хам иш юрмаяпти.

- Бупти, - деди у. - Качон кайтасан ? Мен эртага беш - олти кизни курсатаман. Бирортасини танлайсан. Дарров туй киламиз. Мен уйланганман, деб борсанг, кутуласан. Бошка бахона билан уларнинг пањасидан чика олмайсан. Оташ билан уйнашгандек гап бу...

Хуллас, эртасига шахарнинг ун жойида учрашув белгилабди акаси. Бири кариндошларининг кизи булса, бошкаси танишларининг... Бу масалада акаси анконинг уругини хам топадиганлардан. Лекин бу "уруг"ларнинг хеч бири Миртемирнинг кунглини жиз эттирмади.

- Узинг хам осмондан тушгансанми,- деди акаси эски "Волга"сини вокзалнинг ёнида тухтатаркан. - Хаммаси аклли кизлар эди. Билмадим сенга канакаси керак.

- Майли, узр, ака, Сизни овора килдим. Мен поездга билет олай, бир йулини топарман.

- Бупти, мен хам бир жойга боришим керак. Кейин куришамиз, - акаси шундай деб жахл билан кетиб колди.

Миртемир чиптани олди-да вокзал атрофида узок вакт айланиб юрди. Поезд кечкурун соат ун бирда экан. Бирдан ёдига шу якинда яшайдиган танишлари келди. Опаси институтда бирга укиган кизнинг оиласи билан якинлашиб колишганди.

Гулсанам хола уни худди уз углидек багрига босиб, кутиб олди.

- Болам, нима биздан аразлаганмисан, нега келмай куйдинг, - Гулсанам хола шикоят кила бошлади. - Утираман, тураман сени уйлайман. Узокларда, ота-онасиз. Иссигинг бор, совугинг бор... Рахматли онанг булсайди-ю сени курсайди, углим пойтахтда укияпти, деб канча севинарди-я?!

Гулсанам хола дарров дастурхон ёйди :

- Учокда бориб келаяпсан, шекилли, акс холда бизникига бош сукардинг - деди у. - Илгари автобус, поездда катнардинг, келишда, кетишда бизни курардинг.

Хола анча гапиргач, "Хуш, энди сен гапир, нима гаплар?" - деди. Миртемир аввалига жим утирди. Кейин вокеани айтиб берди.

- Э, болам, бугун Сени Аллох бу ерга бошлаб келибди. Ана шу кучанинг муюлишидаги уйда бир киз бор. Онаси сен учун туккан. Кузимнинг остига олиб куйганман. Хеч уйлаб утирмасдан "Хуп" дегин.

- Хуп, - деди хазиллашиб Миртемир.

- Унда мен кетдим, поезд вактига кадар балки кизни сенга курсатаман.Гулсанам хола узок колиб кетмади, тез кайтди.

- Юр, - деди, - Муюлишдаги симёгочнинг остида турасан. Киз келади.

Миртемир кокиб куйилган козикка ухшаб анча турди. Одамлар тинимсиз утиб туришарди. Бир неча кизлар хам утишди. "Шу эмасмикан?" деган туйгуни бир неча марта яшади. Аммо Гулсанам холанинг узи келиб колди.

- Юр, кетдик, - деди у. - Хафа булма углим, уларга сени курсатдим. Эртага опанг келсин, бирга совчиликка борамиз, кейин сен кизни курасан. Хозир эса бориб чиптани кайтар, кейин кишлокка жуна!

- Аввал кизни курсам...

- Кизни мен куриб юрибман. У сеники - тамом. Бор, бор, кеч колма. Аммо туйда бир кийимлик меники...

- Туйда булмаса хам кейинрок.

- Кунглингни тук кил, у кизни курсанг, туйдан олдин бир эмас, икки кийимлик олиб келасан менга. Бор болам, бор.

Миртемир муюлишдаги уйга карай-карай вокзалга кетди.

Миртемир поезд чиптасини топшириш учун вокзалнинг кассаси ёнига келди. Ёз кунлари булгани учунми одам жуда куп эди. На сира бор, на тартиб, кассирларга якинлашиб булмайди. Шунга карамасдан у кулида чиптани ушлаб анча турди. Бу орада икки-уч киши "Ортикча билет бор, ким олади?" дея бир зумда чипталарини сотиб кетишди. Миртемир хам шундай деб бакирмокчи эди, товуши чикмай колди. Бурнининг усти терлади, негадир оёги калтирай бошлади. Ёдига пойтахт вокзалида чипта сотувчиларни овлаган миршаблар келди. Балки уни хам олиб-сотарчи деб ушлашса-чи? Ахир ушанда икки дустини ушлаганди-да. Улар кишлокка бориш ниятидан кайтиб, чипталарини сотишмокчи булишганди. Миршаблар кулларини кайириб олиб кетишди. Кейин тортишиб колишибди. "Миршабни хакорат килгани учун" ун беш кун камалиб хам чикишди. Вокеани Миртемир газетага ёзганди, мухаррир "Ука, биз шахарнинг эмас, кишлок масалаларини ёритамиз" дея маколасини сахифадан олиб куйди. "Миршабларнинг каттасини чакириб укитамиз, унинг узи тарбиялаб куяди колганларини" деди. Миртемир нима хам дея оларди. Факат кейин сездики вокзалдаги миршаблар бошлиги мухаррирнинг ёнига тез-тез катнайдиган булди. Сунг дустларининг кулини кайириб олиб кетганлар хам икки уч марта келишди. Мухаррир туй килганда хам улар хизматда эдилар. Шуларни уйларкан, Миртемир чиптани чунтагига кайтариб солди-да кишлокка кетди.

Эртасига акаси ва опаси Гулсанам холаникига келишди.

- Кизнинг онаси етим усган аёл. Дорилфунунда ишлайди. Огир. Тарбияга э'тибор килганлардан. У ерда куп гапирма, кизим, - деди Гулсанам хола Миртемирнинг опаси Мехринисога, - худди узи гапдан тухтайдиган, кам гапирадигандек. Аммо Гулсанам холага куп гапириш ярашарди. Товушининг ширадорлиги учунми ёки юзидаги, кузидаги мехр овозига хам кушилгани учунми ё самимияти кучлилиги учунми куп гаплиги хам бир гузаллик эди.

Миртемир акаси билан колди, бошкалар совчиликка кетишди. Саломат опа уларни илик каршилаб, ховли туридаги тахта сури томонга бошлади. Мехри хар томонга назар солди. Ховли супурилган, сувланган. Катор-катор килиб экиб куйилган гуллар ёз булишига карамай ранго-ранг очилган. Супанинг устига кутарилган ток огочи худди шамшот дарахти каби тик устирилган ва кейин кизнинг кирк кокили каби толорга тортилган.

Мехри аввалига токни кувур деб уйлади. Нега кувурларни экиб куйишибди, деб юкорига карагач, шадда-шадда хусайни, кишмишни куриб гап нимадалигини англади. Кейинчалик узлари хам янги ховлига кучиб чикгач, супаларнинг устини ток билан худди ана шу шакилда коплаттирдилар. Хозир эса "кизнинг ота-онаси тартибни севар экан" деб уйлаётганди. Ховли кичик булса-да хар турдаги мевали дарахт бор эди. Ањирдан тортиб аноргача. Хуллас, Мехринисо бир кусур кидирарди. Совчининг вазифаларидан бири кусур кидириш деб уйларди. Нима булганда хам яккаю ягона укасини уйлантиришади. Хамма нарса жойида эканлигини аввалига "Бизни кутишга хозирланишган"га йуйди, кейин эса хурсанд булди. Шу пайт ичкаридан киличдан нозик ва тик бир киз чикди.

- Ассалом, - деганди, Мехринисо :

- Ха, буйингдан айланай, - деди ва Гулсанам холанинг кулогига пичирлади. - Хола, бу кизнинг буйи узун. Аммо чиройли экан.

- Бу синглиси, - деди Гулсанам хола.

- Худога шукур, укамдан узун экан, деб куркиб кетдим.-Буйи узунлик айбми, узинг усмай колганинг учун факат буйи калталарни аклли деб уйлайсан-а, - хазил килди Гулсанам хола. Аслида буни ярим хазил, ярим чин дейиш керак. Чунки Гулсанам холанинг хам буйи узун эди.

- Амма онасининг буйи узун эмас экан. Лекин бироз семизрокми? - дея пичирлади Мехри.

- Хах кизим, хах кизим-а? Аввало яхшилаб карагин, онасининг буйи узун хам эмас, калта хам. Семиз деган сузни каердан олдинг. Онасини кур, кизини ол, деганлар. Чакконлигига кара, елиб югуриб юрибди...

- Кечирасизлар, сизларга хам карай олмадим, - дея Саломат опа уларга якинлашди. - Ишдан бугун бироз кеч келдим. Кизлар хам ишда эдилар. Ёзда уйда утирмайлик, дейишди. Каттаси каршимиздаги телефон идорасида, кичиги эса Кишмиш фабрикасида ишлади. Ишлади, деяпман, чунки буганга кадар эди. Энди укишга боришади.

- Ха, укишлар бошланишига хам санокли кунлар колди, - деди Мехри гапга кушилиб. - Укам хам биринчи сентябрда тугилган. - У нима булса хам тезрок максадга кучиш учун имкониятидан фойдаланиб, гапни укасига бурди.

- Шунаками? - Саломат опа самимий бир охангда, ажабланиш билан Мехрига каради.

Мехри бирданига алланечук булди. Бу аёлда нима бор? Кузларининг ма'нодор кулишлари кимни эслатди? Ёноклари худди буяб куйилгандек кирмизи эканлиги хам калбининг муз булиб турган жойларини эритиб юборди. Истараси иссик бу аёлнинг гапирганда кулгичлари юзига ёйилиб чехрасини ёритиб юборгани Мехрини тулкинлантирди. Ха, топди. Рахматли онасига ухшаркан, бу аёл. У эса...

- Умрингиз ухшамасин, онамга ухшатдим сизни...,- Мехрининг товуши титраб кетди. Буни хис килган Саломат опа дарров гапни давом эттирди.

- У кишини бир марта кургандим. Худо рахмат килсин, мехрли аёл эдилар. Катта опангизнинг уйидан келаётган эканлар. Рахматли кайнонамни танирканлар, эшикдан ичкари кирмай бир пиёла сув ичгандилар. "Юрагим куйди" деган гаплари эсимда...

- Ха, онам булганларида бугун узлари келардилар. Биттагина угилларини уйлантириб канча севинган булардилар. Нима килайлик-ки етим колдик!

- Сингиљон, етимлик етти кишидан бирининг кисмати, дейдилар, - Саломат опанинг хам калби юмшади. - Мен хам рахматли онамни эслай олмайман...

- Аяжон! - ошхона тарафдан келган бу сас Саломат опанинг гапини булди. У узр айтиб, урнидан турди.

- Сен совчиликка келганми ёки ма'ракагами? - дея Мехрини туртти Гулсанам ая. - Йиги-сигининг жойи эмас. Дардимизи айтайлигу турайлик!

- Дардимизи биладилар-ку, яна нимани айтамиз.

- Хали бу дардни такрор айтиш учун уч марта келамиз.

- Ун марта келсак хам бу аёл менга ёкди. Ба'мани аёл экан. Кизлари хам одобли дейишди. Буларнинг бир кариндоши мен билан ишларкан. Ундан хамма гапни суриштириб олдим.

- Нега булмаса гуручдан тош кидираётгандинг?

- Совчилик коидаси эмасми бу?

- Ишкилиб бирор совук гап айтиб куймагин-да кизим.

- Айтсам - айтмасам, иш битти, ая, киз бизники, бир хафтадан кейин туй, ана курасиз...

Бир хафта эмас, ун беш кундан кейин туй булди. Орадан ун беш йил утиб эса Рохила дарчадан турмуш уртогини узи хам билмаган бир муддатга ва узи хам билмаган бир томонга кузатмокда....
(Давоми бор)

* **