Фариштадан нима фарки бор,
Тушмаган бошидан румоли.
Уттиз бешда ёри утса хам
Ёлгиз утган - Узбек аёли!
Гамдан ковжираган жамоли,
Ёрга содик - Узбек аёли.

Яна ким бор бешик тебратиб,
Алласида дардин куйлаган,
Угилчасин тиши чиккан кун,
Букча тугиб келин уйлаган.
Она сузин юксак камоли
Туй деб яшар узбек аёли.

Кипригида яшайди хаё,
Ун еттида кенг уйга кирар.
Йулдош унинг султони гуё,
Хизматида чуридай турар.
Ёрин ранжитмаган шамоли,
Севгиси чин узбек аёли.

Йуклик келар, гам-алам келар,
Чурк этмасдан очади куксин.
Бундай иймон курмади башар,
Елкалаган тириклик юкин.
Куну-туни топган заволи,
Тиним билмас узбек аёли.

Икки булмас битта куйлаги,
Кийинтирар ярим дунёни,
Мехнат учун битган билаги,
Дурлар сочар ширин забони.
Пардозига етмаган холи,
Гулдан дилбар узбек аёли.

Умри утиб дунё курмаган,
Билган жойи таланчи бозор.
Лекин бир бор афсус килмаган,
Уйларида армоним бисёр.
Ташвиш билан банддир хаёли,
Дунёси тор узбек аёли.

Кай миллатда шундай аёл бор,
Куёш билан тенг келса мехри.
Унинг каби булса бетакрор,
Асрларга татиса сехри
Тогларга тенг номусу-ори,
Тонгдай тоза узбек аёли.

Manba:www.axabitte.com/poetru/