 Ўхшашликни кўриб,ёқа ушламай илож йўқ.Ўшанда ўзбек халқини бир худо сақлаган экан.
Чунки
агар Каримов эмас Салай Мадаминов Президент бўлиб сайланиб қолганда
борми,ўзбекнинг бугунги кўргуликлари ҳолва бўлиб қоларкан,деб қўйдим.
Салай Мадаминов Би-Би-Си радиосига йўлланган саволларни ўзига мосларини танлаб олиб,ўзига хос жавоб бериши айнан Каримов ўзи кўнглига нимани ҳуш тутса шу ҳақда гапириши каби таассурот қолдирди.Бу каби қизил гапларни Каримов ҳам тинмай сайраб ётибдику. Саволларга жавоблар ўта бемаза ва маънисиз,қуруқ сафсатабозлик эканидан келиб чиқиб,унинг тафсилотларига ҳурматли ўқувчининг ҳам,ўзимнинг ҳам қимматли вақтимнм исроф қилмоқчимасман.Зеро у катта идорада бўлдим,бу фалондақа даврада айтдим каби баландпарвоз қуруқ гаплардан не наф? Лекин Каримовга ўхшаш икки нуқтагагина тўхталиш жоиздир.Биринчиси матбуотга тўла эркинлик бермаслик хусусидаги "Эрк"чининг гапига.Яна бири "биз иқтидорга келсак ва ҳалқим,ҳалқим" каби сўзларига. Ахир халқ бир буюм эмаски уни меники,дейишга,унга эгалик қилишга.Матбуот тўғрисидаги гапга эса изоҳнинг ҳожати бўлмаса керак. Мухолифат бирлашиши хусусида ўта гўлликка олиб айтилган гапчи.Эмишки умумий бир лидер танлаш учун қурултой чақирилса экан. Демократик Ўзбекистон Конгресси бу каби имкониятни яратганда "Эрк" раиси нима қилган эди? Хуллас саволларнинг ичидан Каримовнинг тутуруқсиз ибораси билан кўп такрорланадиган "ўзига хос ва ўзига мос йўлимиз бор" каби Салай Мадаминов ҳам ўзига мос саволларни териб олиб,ўзига хос жавоб бергани яққол билиниб турибди..Улар шундай танланганки, бугунги режимни йиқиш учун аниқ бир йўл тополмаганидан "аллома"нинг ўзи ҳам чорасиз эканлигини тан олган. Менимча "Эрк"чининг бу савол-жавоблари одамлар орасида талай вақт латифанамо ҳангома бўлиб юрса керак.Чунки Каримовдан эшитилган шу каби мағзи йўқ гаплар аллақачон Афанди латифаларига айланиб бўлганлигини биламизда.
Унақа экан,одамларни ўзига эргаштира олишига ишончи йўқ киши нима қилади тахт орзу қилиб,лидерлик даъво қилиб.Мана шуниси ғоят тушунарсиз. Яна давоми ҳам бор эмиш...
Ризо Обид
|