Каримовнинг разил режими бизни ана шу оддийгина бурчимизни бажаришдан ҳам айирди.

Инсоннинг дардини инсон енгиллатади. Агар атрофингда одамлар бўлмаса, бундай пайтда дунё кўзингга қоронғу. Хайриятки дўстлар бор эканлар.
Дастлаб Демократик Ўзбекистон Конгресси фаолларига миннатдорчилик билдирмоқчиман. Улар эълон қилган ҳамдардлик менинг Ватандан узоқларда бўлсам ҳам ёлғиз эмаслигимни кўрсатди. Ҳамдардлик… хатлар…

ТАЪЗИЯ

Бугун Ватандан олисларда Ватан дарди билан яшаётган таниқли шоир, журналист ва сиёсий шарҳловчи Ризо Обидга падари бузруквори ҲАМРОХЎЖА ОБИДОВнинг вафоти муносабати билан чуқур ҳамдардлик изҳор этамиз.
Тангрининг севимли бандаси Ҳамрохўжа ота бу йил 100 ёшга кирган эдилар ва жойлари жаннатдан бўлишини, Аллоҳнинг раҳматига қовушишларини дуоларимизда яратгандан илтижо қиламиз.
Ҳаммамизга жуда баракали, савобларга тўла йўлни босиб ўтган шу улуғ инсонга насиб этгани каби узоқ, мазмунли яшаш, Ватанга шу инсон каби хизмат этишни буюрсин.
ДЕМОКРАТИК ЎЗБЕКИСТОН КОНГРЕССИ Бошқарув Ҳайъати ва адибнинг дўстлари, мухлислари.

* * *

Aziz do’stim Rizobek, bu og’ir kunlaringizda Parvardigorimiz sizga sabp-toqat bersin. Ulug’ zot - otaning joylari jannatda bo’lsin. Mening va oila a’zolarimning hamdardligimizni va chuqur qayg’umizni izhor etamiz.
Xurmat bilan Muhammad- Bobur Malikov.

* * *

Ризо ака. Хамдардлигимни кабул килинг. Падарингизнинг жойлари жаннатда булсин.
Изтироб билан, Улугбек Хайдаров.

***
Biz uchun Hurmatli va qimmatli Rizo aka!
Bir asrlik inson va sizdek Shoirni yetishtirgan hurmatli Padaribuzrukvoringizni vafot etganligi munosabati bilan o’z ta’ziyalarimni bildirmoqchiman. Aytadilar-ku, Ota o’lmaydi , u sening halol noningda va mehnatingda sen bilan birga yashaydi deb.Shunday bir kunda , siz bilan birgamiz, Hamroh’oja otamizga Alloh-u Toala’dan rahmat , makonlarini Jannat bo’lishlarini tilaymiz va duo qilamiz… ZOKIR ALI.

* * *

* * *
Assalomu alaykum Rizo aka.
Mening baxtsizlikdan xabarim yo’k edi. Ta’ziyamni kabul kiling.
So’nggi laxzalarda otangizning yonlarida bulmaganingiz dard. Ammo takdir xukmi bizdan kuchlirok.
Dardlaringizga sherikman.

Hurmat bilan Dilsora.

* * *

Hurmatli Rizobek aka!

Padaribuzrukvoringiz Hamroxo’ja boboning vafot etganlari munosabati bilan Sizga o’z ta’ziyamni yo’llayman.Yaratganni o’zi u kishini rahmatiga olsin,yotgan joylari jannatda bo’lsin.Ilohim Siz-u biz ham u kishining muborak yoshlariga yetib yuraylik.

Vatanimiz yaqin vaqtlarda qattol karimov zulmidan ozod bo’lib,Siz va Siz kabi musofirchilikda yurgan barcha vatandoshlarni yurtga qaytishlarini yaratgandan so’rab qolaman.

Sizga sabr,iroda,kuch-quvvat tilab qolaman.Hurmat bilan Erkin.

* * *

Оғир дамларда ҳамиша ҳол-аҳвол сўраб турган Жаҳонгир Муҳаммад, Баҳодир Чориев, Ҳайитбой Қўзиев, Бобур Ҳолиқназаров, Ғайрат Мирзо, Бобур Исоев ҳамда кўплаб ҳамдардлик билдириб мактублар йўллаган, йўллаётган,телефон қўнғироқлари қилишаётган узоқ-яқиндаги барча- барча дўсту биродарларга ташаккурлар.

* * *
Ватандан четда юриб падару бузрукворимиз вафотлари муносабати билан оғир дамларда ҳамдард бўлган дўсту биродарларнинг барчасига яна қайта ўз миннатдорчиликларимни билдираман.
Маъракада марҳумнинг фазилатлари ҳақида гапириш бир удумлигини назарда тутиб отамиз ҳақида икки оғиз сўз айтишни фарзандлик бурчим, деб билдим. Албатта фарзандлар ота-она олдидаги бурчларини адо этиш оғир.Шундай бўлсада…Сўз айтиш лозим деган ўй ўтяпти кўнгилдан.
Биз оилада 3 ўғил, 3 қиз фарзанд эдик. Энг кенжа синглимизнинг 6 фарзанди 2 невараси бор.Ҳаммаси бўлиб 35 неваралари,100дан зиёд эвара-чеваралари билан уйимиз ҳамиша гавжум. Дадам улар даврасида бир боладай ҳар томонлама тетик-бардам эдилар.
Бандачиликни бажо келтиришларидан уч кун аввал телефонда суҳбатлашар эканмиз,”бу ёқдагилардан ташвиш тортма,ўзингни эҳтиёт қил.Мен борман ҳеч бирларини ҳеч бир нарсага зориқтирмайман…”дегандилар.
Шу суҳбатдан уч кун ўтиб, масжидда жума намозини адо этиб,уйга келгач бетоб бўлмай вафот этганлари ҳақидаги хабарни эшитиш албатта оғир бўлди. Суянган тоғ,дейилган сўз моҳиятини ҳис қилдим.Лекин дўстларнинг далдалари бу жудоликда бардошли бўлишга мадад бўлди.
Бу дунёда ҳамма меҳмон.100 йил ва ундан ҳам кўп ёшларга кириб, умргузаронлик қилиш менинг отам каби ҳаммага насиб этсин.

Дийдор насиб этмай омонат бўлди,
Ёлғон дунё эмас,чиндан дунёга.
Алвидо айтмайман Отажон Сизга,
Тўйингиз чизгим йўқ қора бўёқда.

Сиз айтган йўлдаман сўлга боқиш йўқ,
Фақат тикка боқиб Ҳаққа бораман.
Дунё илинжида сохта сўз айтиб,
Шоҳми у, ё султон бошим эггим йўқ.

Сизнинг ўғлингизман ўзингиз билган,
Ота ўғил номини баланд тутаман.
Алвидо айтиш йўқ,сўздан қайтиш йўқ,
Сизу ҳақла дийдорлашув онин кутаман…

Дуоларини қилиб,таъзия изҳор этиб,ҳамдардлик билдирган ва билдираётган ҳамма-ҳаммага яна минг бор миннатдорчилигимни билдираман.

Ҳаммангизга раҳматлар билан Ризохўжа Ҳамрохўжа ўғли Обидов.