Россия Президенти Владимир Путин бугун Тува вилоятида бўлар экан Россия фавқулодда вазиятлар вазири Сергей Шайго билан янги ўрис ҳаммомига тушиш истагини билдирди. Путиннинг унинг билан ҳаммомга тушиш истагига жавобан вазир: "албатта қиламиз",дея хурсандлик билан маъқуллади. Бу ҳақда хабар берган ўрис телевидениеси Путиннинг ҳаммомда қанча муддат буғлангани-ю,Шайго Путиннинг орқасини қашладими ёки аксинча, тўла тафсилотларни кўрсатмади. Диктаторлар бизнингча қанча зўр бериб ҳаммомларда буғланмасинлар ёҳуд бошқа муолажалар қабул қилишмасин, барибир қонга ботган қўллари тоза бўлиб қолмаслиги аниқ. Умуман бугун Русияда одамларнинг "юрагини ёриб","кўриб қўйларинг кучимизни",дегандай ҳарбий амалиётлар кенг кўламда тажриба сифатида намойиш этилмоқда. Жумладан бугун Челябинск вилоятида ўтказилган Шанхай Ҳамкорлик Ташкилотига аъзо давлатларнинг ҳарбий-ўқув машғулотлари ўтказилди.Бу каби ҳарбий машғулот яна 17 август куни ШҲТ аъзолигига кирган Русия,Хитой,Қозоғистон,Ўзбекистон,Қирғизистон давлатлари диктаторлари кузатувида такрорланиши режалаштирилмоқда. Ҳарбий машғулотлар кўламига назар ташланадиган бўлса номи санаб ўтилган мамлакатлар халқининг қанчадан-қанча пешона тери,керак бўлса қони эвазига жамғарилган маблағлари ҳавога совурилаётганини тасаввур этиш қийин эмас. Мақсад, эмишки эҳтимоли бор террористик ҳужумлардан мудофаага доимо тайёр туриш экан. Ахир халқнинг қорнини тўйдириб қўй,ана ундан кейин ўзи ҳар қандай қўпорувчиликка сенингсиз кўкрагини қўяди. Бизнингча ШҲТнинг бу ҳарбий амалиётлардан асосий мақсади дунёга: "мана биз қандай қудратлимиз",дея ўзини кўз-кўз қилиш холос. Зеро бу билан диктаторлар истаганларича, истаган кишилари билан, истаган пайтда ҳаммомга тушиб, кўнгилхушлик қилишларига имконият кўламини кенгайтиришни бош мақсад қилиб олишган бўлса ажаб эмас.
Россия Президенти Владимир Путин бугун Тува вилоятида бўлар экан Россия фавқулодда вазиятлар вазири Сергей Шайго билан янги ўрис ҳаммомига тушиш истагини билдирди.