Машраб Юсуфжон ўғлини қамоқда қийнашгани ҳақида далил
Файзулло, “Туронзамин” мухбири

Шоир Юсуф Жумаевнинг ўғли Машраб Юсуфжон ўғли қамоқдан чиққанидан кейин аҳволи оғир бўлсада касалхонага қабул қилинишига йўл қўймаган эдилар.

25 август куни Машрабнинг аҳволи оғирлашгани туфайли касалхонага ётқизишга мажбур бўлдилар. У Қоракўл туман Нервология касалхонасига ётқизилган эди.

Касалхонада 31 августга қадар мия чайқалиши туфайли ётиб даволангач, муоалажалар тўлиқ тугатилмасдан туриб, негадир Машрабни касалхонадан мажбуран чиқардилар. Касаллик тарихидан кўчирма беришни талаб қилганда эса, унга касаллик тарихини бермасликка ҳаракат қилдилар.

Касаллик тарихидан кўчирмаа анча тортишувлардан кейин қўлга киритилди. Касаллик тарихи кўчирмасини қуйида ҳужжат сифатида илова қиламиз. Бу кўчирма диктатор қўли остидаги касалхонадан олинган бўлгани учун ҳам унда анча енгилроқ кўрсатилган бўлсада, диктатор зиндонларида қийноқ борлигини исботлайди.

Қуйидаги ҳужжатни катталаштириб ўқисангиз бунга ўзингиз ҳам ишонч ҳоисл қиласиз.