"Колхоз радиоузелидан...ие,кечирасиз "Озодлик"дан гапирамиз"
ёҳуд саҳифамизда ўтказилган сўровнома якунлари хусусида
Бундан бирярим ой муқаддам саҳифамиз орқали "Сиз кўпроқ қайси радиони тинглайсиз?" деган сўровномани бошлаган эдик.
Сабаби кўпчилик Ўзбекистон радиосини қўя турайлик,чунки уларнинг холис эмаслигига мингта важ-карсон айтишади,лекин хориждаги демократияни ёйинлаштиришга сафарбар этилган Би-Би-Си,"Америка овози","Озодлик" радиоларичи?
Уларнинг фаолиятидан нега нолишади,деган саволга холис жавоб олмоқчи эдик.
Шу ва шу каби мулоҳазалар билан беш сўров қўйдик.
Яъни,"Сиз қайси радиони кўпроқ тинглайсиз?",дейилган саволга муштарийлар юқорида номлари айтилган хориж радиолари,шунингдек Ўзбекистон радиосига ёҳуд "умуман радио эшитмайман",деган жавоб билан овоз беришлари керак эди.
Сарлавҳага нега энг кам овоз олган радиолар чиқмай "Озодлик" радиоси чиқиб қолди,деган савол ҳам туғилиши мумкин.
Ҳа,шундай эътироз билдирадиганлар бўлса улар ҳақ.Чунки биз "Озодлик" радиосини кўпчилик тинглаймиз,деб овоз беришларига умид қилгандик.Афсуски...
Қарасам Ўзбекистон радиосини кўп тинглаймиз,деганлар сони "Озодлик"дан ўтиб кетишяпти.
Шошма, мен уни озгина эшитайинда овоз бериб қўяй,дедим.
Шу кунларда Ўзбекистонда Президентликка сайлов компанияси бошланади,деган хабарлар тарқалиб қолди,"Озодлик"дагилар нима дейишяпти экан,дедимда унинг қулоғини бурадим.
Ўша овози ҳаммамизга таниш ва ҳамиша қаергадир шошиб тургандай гапирадиган Абдулла Искандар ҳаво мавжларида экан.
У сайлов ҳақидаги эшиттиришининг дастлабкисида суҳбатга Швейцариядан хоразмлик Сафар Бекжонни,яна хоразмдан аллақайси икки ҳамшаҳарини таклиф этди.
Сўнгра ,"сайлов ҳақида хоразмлик ҳамкоримиз Меҳрибон тайёрлаган лавҳага эътиборингизни тортамиз", дея эълон қилди у.Меҳрибон ҳам хоразмлик Отаназар Орипов гапларини ўзича таҳлил қилди.Майли радиода фақат хоразмликлар гапирса.Лекин гапларда маъни бўлмагандан кейин унинг нима кераги бор.Узр эшитиб қўйганим учун.
Э,яшшаворе,радиони "Озодлик" эмас ,хоразм колхоз радиоузели,дейилса ҳам бўлаверадиганку,деб қўйдим.Лекин радиони эшитар эканман айб иш қилиб қўйдимда.Чунки мен уни эшитиб қўйдим,энди унга овоз беришим керак эди-да.Ҳар нима бўлса ҳам оз-моз бошқаларидан тузукку.Ўзбек радиосини 21 киши тинглайман,деган бўлса менинг овозим билан "Озодлик" битта овоз олдинга ўтди.
"Умуман радио эшитмайман",дея 36 киши овоз беришибди.Эшитгандан нима фойда олди-қочди гаплар,дейишса керакда.
"Америка овози" ҳам дуруст,чунки Би-Би-Си ни икки киши тинглашини билдирган бўлса уларни шу бугун учинчи бир киши тинглашини билдирибди.
Нимаям,деймиз сўров натижалари шуни кўрсатди.
Лекин эгри ўтириб тўғри сўзла дейишади,агар яна шунақа сўров ўтказилиб қолса унга жавоб бериш учун мен энди бошқа озодликка овоз бераман...Лекин қайси озодликка буни ўқувчилар ҳам тушунишгандир.
Ризо Обид.
|