Ўзбекистонда гўё Президентлик сайлови бўлади , деган мазмунда хабарлар тарқалгач мамлакат ичкарисида ва ташқарисидаги диктатурага мухолифатдагилар гапнинг очиғи гўёки оёғи куйган товуқдек типирчилаб қолишди.
Ваҳоланки бу борада 1980 йилларнинг охири ва бугунги кунларгача ғоят кўп гапирилди ва айтилди.
Қанчалик аччиқ ва аламли бўлмасин қуллик азобида қолаётган ўзбекистондагилар тақдири эса ёмондан ҳам ўтиб баттар бўлганининг бугун гувоҳимиз.
Яна очиқ айтиш керакки мухолифатчиман деганлар орасида одамларни ортидан эргаштириб кета оладиган, бош бўла оладиган лидер на мамлакат ичида, на ташқарисида йўқлиги яққол билинмоқда.
Ачинарлиси ягона бош бўла олишга муносиб йўқ экан , унда бирлашиб диктатурани ағдарайлик , дейилган ҳаракатлар , таклифлар қуруқ шиор бўлиб қолмоқда.
Тўғри ,Каримов истибдодига барҳам бериш, уни тахтдан улоқтириш ҳақида кўпчилик ўз таклиф ҳаттоки дастурларигача эълон қилишди.
Хўш бу дастуру режалардан қай бири бирор ижобий натижа берди?
Айримлар қайсидир бир бошқа мамлакатларда амалга оширилган инқилоблардан ўрганайлик, деган таклифлар,мурожаатлар билан чиқса ,бошқалар "худо ҳоҳласа у жаллодни ўзи бир зумда даф қилади", дейишади.
Тўғри , биринчидан худо ҳоҳласа, деб қўл қовуштириб турилавермаслик керакмасми?
Чунки "сендан ҳаракат мендан баракот" ,дейилганку.
Кўпчилик даҳоликка даъвогарларга бу гаплар ёқмаслиги табиий.Бироқ бу менинг шахсий фикрларим холос.Чиндан ҳам диктаторлик режимини йиқитиш учун турли йўллар кўрсатилаётгани ва бугунги оғир ҳолатдан чиқишнинг турли йўриқлари устида изланиш яхши ҳаракат.Бироқ Каримов ўн саккиз йилдан буён тахтда қолиш йўлларини мустаҳкамлашга қарши сизу биз айтаётган ёҳуд таклиф қилаётган йўллар сира бас келолмаётганини қачон тан олар эканмиз?
Мен нада сиёсатчи,нада инқилобчи эмасман,аммо ўша Каримов истибдодининг миллионлаб қурбонларининг бириман.Лекин фикримча инқилобни асосан халқ амалга оширади.Лекин соатнинг мурватини бурамасангиз чиққиллаб юрмагани каби , одамларнинг ҳам инқилоб ясаб, эртанги кунини ўзгартиришга ишонч билан юриш қилиши учун ўша мурватни бурайдиган мамлакат ичида бир лидери бўлиши керак.
Бу борада ўтган кўп вақтдан буён Демократик Ўзбекистон Конгресси раиси Жаҳонгир Маматов айтган бирлашув ва биргаликда ҳаракат ҳамда мамлакат ичидан бир лидер учун имконият яратиш таклифи бугун ҳам долзарблигича қолмоқда.
Аммо энди бунга эришиш неча йил имкониятлар борлигида мурвати буралмай занглаб қолган соат каби, эрта индин диктатор тахтга навбатдаги марта ўтириши олдидан анчайин мушкул.
Лекин ҳар қандай ҳолатда ҳам ҳалқ истаса ва асосан ёшлар юрагида ҳурлик маёғи учқун берса унинг аланга олиши ҳеч гап эмас ва Каримов албатта тахтдан йиқилади.