САМАД МУРОД׃ ИМКОНИЯТЛАР ТУҒИЛМАЙДИ, ЯРАТИЛАДИ

Энди Партиянинг Жиззах вилояти бўлими номидан тарқатилган Конференция қарорига ва қарорда айнан президентлик сайловларига партия номидан таклиф этилган номзод масаласига келсак, бунинг ҳеч бир ажабланадиган ери йўқ.

Биз ЭРК демократик партиясининг VI Съездини халқаро интернет тармоқлари орқали ўтказишга киришдик. Тўғри, бу анча-мунча вақт талаб этадиган мураккаб жараён, аммо биз учун партия Съездини ўтказишнинг бошқа имкони йўқ..
Айнан шу йўлни танлашнинг бир нечта сабаблари бор.
– Ҳар қадами тиғиз назорат остида турган жойлардаги партия фаолларни бир жойга тўплаб йиғин ўтказишга тегишли органлар ҳеч қачон йўл бермайди.
– Съездни ўтказиш билан боғлиқ сарф-харажатларни молиялаш учун партиянинг ўзида маблағ йўқ.; Ўзбекистонда демократик тараққиётни қўлаб қувватлаш мақсадида халқаро фондлар ажратаётган маблағлар партиянинг собиқ раиси С. Мадаминов орқали тақсимланиб, асосан маиший лойиҳаларни молиялашга йўналтирилмоқда.
– Ҳозир республиканинг диярли ҳар бир шаҳри халқаро интернет тармоғига уланган; жойлардаги партия аъзоларининг ҳар бири истаса, Съезд ишида бевосита иштирок этиши мумкин; Съездни ўтказиш учун биз танлаган йўл нисбатан кенг аудитория тўплаш имконини беради.
– Съезд минбари очиқ; регламент чегараланмаган; нафақат эркчилар, балки холис тарафдорларимиз, ҳатто ғанимларимиз ҳам мазкур Съезд минбаридан туриб, ўз фикрини билдириш имконига эгадир;
Сўнги бандда келтирилган имкониятнинг негатив аҳамияти ҳам борлигини биз олдиндан кўрганмиз. Бу имконият кўплаб англашилмовчиликлар ҳатто, кўнгилсизликлар келтириб чиқариши мумкин Аммо, на илож. Демократия аслида шу хусусияти билан мароқлику.
Биз партия минбарини нафақат эрк фаоллари, балки бутун ўзбек халқига тақдим этдик. Эшитайликчи, халқ ўз дардлари, сайловлар, ҳукумат ва партиялар олиб бораётган ишлар ҳақида қандай фикрда.
Кутилганидек биз бошлаган ушбу хайирли ишга ўз муносабатини энг аввал ҳатто йўқ имкониятларни-да ишга солиб бизга қарши курашиб келган собиқ “дўст”ларимиз ўзларининг “холис” муносабатларини билдиришга киришди. Интернат сайтларида бизга қарши қаратилган туҳматлардан иборат хуруж бошланди.
Биз бу муҳожиротда юрган бир ёки бир нечта собиқ партия аъзоларининг субъектив муносабати ҳеч бир сиёсий аҳамиятга эга эмаслиги, партияни халқдан, халқни партиядан ажратишга уриниш жаҳолатдан бошқа нарса эмаслиги ҳақида ҳақида ўз муносабатимизни билдирган эдик.
Халқимизда жамиятни кўнгилсиз муаммолар билан таъминлаб тургувчи тоифа – бахилларнинг қилмишлари учун хос иборалари бор: “Ичолмасам, тўколмайманми?”, ёки “Менга бўлмаса, ҳеч кимга нисиб этмасин!”
Начора, бу уларнинг яшаш тарзику. Ачинарлиси шуки, бахиллик ҳам касб экан ва шу йўл билан тирикчилик кечириш мумкин экан. Мисолни ўзоқдан излашга ҳожат йўқ. Собиқ “дўст”ларимизнинг турмуш тарзига биргина назар ташлашнинг ўзи кифоя.
Аммо, бу бизни заррача ташвишга солмайди. Дунё улар тахмин қилган кўламга нисбатан жуда, жуда кенг.
Жойлардан бизга келаётган қўнғироқлар, хатлар халқнинг бизни бир нафас ҳам унутмагани; нафақат фаоллар, партиянинг оддий аъзолари ҳам жамиятдаги ижтимоий тебранишларни сергаклик билан кузатиб туришгани, ғанимларга нисбатан ҳақиқий дўстларимиз бир неча карра кўплигини кўрсатиб турибди.
Нимаям дердик, “Шолининг ичида курмаги ҳам бўлади”да.
Энди Партиянинг Жиззах вилояти бўлими номидан тарқатилган Конференция
Юқорида таъкидлаб ўтганимиздек, Съезд минбари ҳозир ҳаммага тегишли ва ҳар ким ўз фикрини билдириш имконига эга. Бошланган бу жараённи кимнингдир истак-иродасига мослаб бошқариб бўлмайди. Аммо, бизда келаётган таклиф ва мулоҳазаларни танлаб, саралаб партиянинг VI Съезди кунтартибига киритиш имкони бор ва биз албатта шундай қилишга ҳаракат қиламиз.
Келаётган ҳар бир хат, протокол ёки қарор албатта синчиклаб текшириб кўрилиб, ҳақиқийлиги ўз исботини топгандан кейингина амалий аҳамият касб этади.
Албатта, биз учун Жиззахлик биродарларимиз иродаси билан қабул қилинган қарор жуда муҳим аҳамиятга эга, бироқ эълон қилинган қарорнинг ҳақиқийлигини текшириб кўришга мажбурмиз.
Бизнинг тахминимизга кўра ҳали жойлардан жуда кўп ва хилма хил таклифлар, мулоҳазалар ва албатта бўлажак президентлик сайловларига у ёки бу қуйи партия органи номидан кўрсатилган номзодлар ҳақидаги қарорлар келиб тушаверади.
Истардикки, жойлардаги фаолларимиз кейинги масалага жуда катта масъулият билан ёндошиб, реал имкониятлар доирасида, сайлов қонунлари талабларига қатъий риоя этган ҳолда қарорлар қабул қилсалар. Акс ҳолда яхши ният билан бошланган бу хайирли иш бекорчилар учун оддий бир эрмакка айланиб қолиб, ўзининг кейинги партиявий фаолият учун жуда ката ва ўта муҳим аҳамиятини йўқотиб қўйиши мумкин.
Ўзбекистон Марказий Осиёнинг марказида жойлашган, жуда қадимий давлатчилик традицияларига ва нисбатан муҳим стратегик аҳамиятга эга бўлгани учун ҳам халқаро муносабатлар ва манфаатлар чорроасида турган мамлакатдир.
Чўзилиб кетган ўтиш даврида кетма кет туғилиб, ечимини кутиб ётган муаммолар; жамиятни бошқариш учун танланган социалистик ишлаб чиқариш муносабатлари заминида ташкил этилган бозор иқтисодиёти шундоғам мураккаб бўлган ижтмоий вазиятни янада мурккаблаштириб юборди.
Республика давлатчилик асосларини кемириб ётган инфиляция, оммавий ишсизлик, тобора чуқурлашиб бораётган коррупция ва ижтимоий норма тусини олган ҳуқуқий тангликлар и каби архи негатив ҳолатлар реал воқеликлари сирасига киради. Ўзбекистонда бошланган сайлов компанияси ушбу муаммолар панарамаси фонида кечмоқда.
Биз бу гапларни сухандонлик ҳавасида эмас, балки мамлакатда бошланган умумхалқ иродасига боғлиқ сиёсий компанияниянинг шахс эрки, ҳуқуқлари, турмуш даражаси ва умуман Ватанимиз эртаси учун ҳал қилувчи аҳамиятини таъкидлаш учун келтирдик.
Президентликка номзод кўрсатишни ихтиёр этган дўстларимиз ўзлари қўл ураётган масалага унинг келажак учун ушбу аҳамиятини бирламчи ва ҳал қилувчи фактор сифатида кўриб ёндошишларини сўрардик.
ЭРК демократик партияси ўзининг давлат мустақиллиги учун бошланган кураш жараёнида кўрсатган хизматлари, олийжаноб ғоялари ва жамиятни соғлом тараққиёт йўлига бошловчи ҳаракат дастури билан ҳалқимиз қалбидан доимий жой олган йирик халқ партиясидир.
Жамиятда шундай бир мақомда турган патия қўйган қадамлар пухта ўйланган, реал баҳоланган, аниқ натижага томон қатъий йўналган қадамлар бўлмоғи керак.
Партия номидан бўлажак сайловларда кўрсатиладиган номзод ягона бўлиши асло шарт эмас.
Партия номидан бўлажак сайловларда кўрсатиладиган номзод албатта партия раиси бўлиши шарт эмас.
Партия номидан бўлажак сайловларда номзоди кўрсатиладиган шахс, албатта ЭРК партияси аъзоси бўлиши ҳам шарт эмас.
Аммо, партия номидан бўлажак сайловларда номзоди кўрсатилган шахс юқорида таърифи келтирилган оғир ва мураккаб фаслда мамлакатни соғлом бозор муносабатлари ҳукм сурган демократик тараққиёт сари ишонч билан муваффақиятли бошқариб кетишга қодир бўлган ҳар жиҳатдан етук шахс бўлиши шарт.
Эрк демократик партияси ғоялари, кураш татикаси ва ҳаракат дастури ҳам диярли муштарак бўлган “Бирлик” халқ ҳаракати партияси билан яхши-ёмон кунларда елкадош бўлиб, ягона сиёсий платформада иш олиб боришга 2003 йил октабрида бўлиб ўтган Давра кенгаши Форумида аҳдлашиб олган эди.
Ўтган тўрт йиллик давр оралиғида мазкур демократик кучлар ассоциацияси таркибига тасодифан қўшилиб қолган ёки орқасида жиддий куч турмаган бор-йўғи сиёсий лозунг ва рангдор этикеткадан иборат ташкилотлар ўз ўзидан чиқиб кетишди.
Майдонда Ўзбекистоннинг мустақиллиги ва демократик истиқбол учун халқ иродаси билан туғилган, жамиятда реал лекторатга ва таъсир доирасига эга бўлган соғлом демократик табиатли ушбу икки сиёсий партия – ЭРК ва “БИРЛИК” қолди.
Биз ушбу хайирли ҳамкорликни олдимизда турган муҳим сиёсий компанияда ҳам ягона платформада туриб давом эттирмоқчимиз.
Партиянинг халқаро интернет саҳифалари орқали бошланган VI Съезди ўз ишини якунлаб, сайловлар муносабати билан ўз қарорини қабул қилгач, шубҳасиз “Давра кенгаши” столи атрофида яна бир бор йиғиламиз ва реал имкониятлардан келиб чиқиб қабул қилинган қўшма қарорда муштарак ҳаракат стратегиясини белгилаб оламиз деб ўйлайман. қарорига ва қарорда айнан президентлик сайловларига партия номидан таклиф этилган номзод масаласига келсак, бунинг ҳеч бир ажабланадиган ери йўқ..

ЭРК демократик партияси раиси Самад Мурод.