Ўтган гал Калишо чойхонасидаги Жамшид айтиб берган гапларни сизга етказгандим.Бу гаплардан бошқалар ҳам воқиф бўлишибди.Шу боис яна ўша чойхонадаги гаплардан бохабар бўлиб турайлик, деб сўрашибди.Ҳа, майли дедимда яна нима гаплар экан дея Жамшиддан сўрадим.Мана у нималар деди.
Ислом чойхоначининг самоварида қуруқ сув шаққиллаб қайнагани-қайнаган.Чойхўрларнинг эса гаплари ундан ваққиллаб қайнайди.Аслида уларни чойхўр дейиш ҳам унчалик тўғримасов.Чунки Қосим тажангнинг дўконидаги вино жа қиммат.Шунинг учун ҳам қишлоқнинг этагидаги вино заводда ишлаб чиқариладиганидан Сотиболди қоравулнинг қўлига беш минг сўм қистирсанг йигирма литрли канистира идишга тўлғазиб вино қуйиб беради.Аммо шаробмисан-шароб.Ман деган йигитни бир литри йиқитади.Қуввати зўр.Билмайман унга нима қўшади.
Аммо ўша винодан татиган баъзи жисми нобопроқлар аллақанақанги касаллик орттириб ўлиб кетганлари ҳам анча. Лекин буни ҳеч қайда айтиб бўлмайди.Чунки буни ичидаям сиёсат бор.Анави ярамас ичманглар деб фармон чиқариб қўйган.Лекин у баттолнинг фармони бир пул.Қайси битта фармони амал қилганки буниси амал қиларди.Шунинг учун ҳам одамлар ичишаверади.
Шулар ҳақида гаплашиб ўтирувдик ,пешонасини тириштириб Тўра пишак кеб қолди.Жўралари нима гап, кайфиятинг чатоқ деб қўлбола шаробдан икки пиёла узатишгач тили-жағи очилиб кетди. Эмишки келини яқинда кўзи ёриб неварали бўларкан.Лекин келинингиз камқон, туғруқдан олдин даволанмаса бўлмайди дейишибди.Тўра пишак бешиктўйига деб боқиб юрган эчкисини сотиб ҳозир касалхонага бориб келинини ётқизиб қайтибди.Эчкини сотганининг сабаби туғруқхонага ётишдан олдин иккита кир совун, бир жуфт электр лампочка, ўн дона шам, тўртта резина қўлқоп ва яна шунга ўхшаган майда-чуйдалар олиб дўхтирга бериш керак экан.Дори-дармонларни айтмаса ҳам бўлади.Ҳаммаси ўзингни ёнингдан.
Тўра пишак яна бир пиёла ҳалигиндан симирдида жим қолди.Гапга Нури чала аралашди. Тўра айтган нарсаларни дўхтирлар нимага олишади биламан, чунки менинг ҳам келиним кўзи ёриш олдидан ўша нарсаларни сотиб олишдан аввал улардан сўраганман.Дўхтирнинг гапига қараганда, касалхонадаги баъзи нарсаларни ювгани давлат кир совун бермас экан.Резина қўлқоп эса кам экан.Мабодо келинингизни туғдираётганда қўлқоп йиртилса янгиси запас туриши керак экан.Лампочка эса куйиб қолиши ё бўлмаса қишлоқда деярли электр токи йўқ.Худо кўрсатмасин тунда электр чироқ ўчиб қолганда тўлғоқ бошланиб қолса шам керак экан ёқиш учун... Нури чаланинг билағонлигига чойхўр...э, ҳалиги нимайди шаробхўрлар қойил қолишди-ю, лекин унга танбеҳ беришди.Чунки бу гапларни бу жойда айтдинг бошқа ерда ҳеч оғзингдан чиқарма, гапларингни ҳаммаси қип-қизил сиёсат.Гапирган сен қолиб эшитган бизлар ҳам сиёсатинг билан аралашиб анавиёққа кириб кетиб қолмайлик, дея қўлларини панжара қилиб кўрсатишди.
Шу чоқ Ислом чойхоначининг қулоғига Ғулом шапалоқ бир нима деб шивирлади.Чойхоначи шаробхўрларга яқинлашди-да: "ҳа, яна сиёсатдан гапиряпсизларми?Бу жой чойхона биласанлар-а деди-ю, уларнинг сўрисига ўтириб гап бошлади.
Умар чатоқнинг ўғли Восит васка Российга пул ишлаб келаман, деб кетганига уч йил бўлибди.Кеча Умар чатоқ ҳасрат қилиб қолди.Бола пақир анча-мунча қарз-ҳавола қилиб у ёққа етиб олибди-ю бу ёққа қайтишга йўлкира тополмаяпти экан.Шунга ҳаммамиз шу қишлоқнинг одамлари,шунақа пайтда бири-биримизга кор келмасак қачон кор келамиз.Ўшанга шу улфатлар йиғишиб унга йўлкира жўнатсак, деб қолди.
Ҳамма тўғри-тўғри деди-ю, улардан биттаси: "бу сиёсатмасми ахир", деб қолди.Ислом чойхоначи ҳалиги савол ташлаганга бир ўқрайиб қўйди. Тушунарли у айтса сиёсатмас.Чунки у ҳамма погонлиларни боқиб турадида.
Бу гал шунақа гаплар бўлибди.Жамшид шуларни айтди.
Ўтган гал Калишо чойхонасидаги Жамшид айтиб берган гапларни сизга етказгандим.Бу гаплардан бошқалар ҳам воқиф бўлишибди.Шу боис яна ўша чойхонадаги гаплардан бохабар бўлиб турайлик, деб сўрашибди.Ҳа, майли дедимда яна нима гаплар экан дея Жамшиддан сўрадим.Мана у нималар деди.