Алҳазар!
Виждону иймонини сотган Юсуф Расулов аравaни қаёққа бурмоқчи?
Каримов зулмига қарши бўлганлар ва демократия учун
курашаётганларнинг орасини бузиш билан шуғулланиб келаётган, оилавий
томондан Ўзбекистон МХХ сига бевосита боғлиқ бўлган ва сиёсий бошпана
олганда буни биздан, жамоатчиликдан, БМТ идораларидан бекитган Юсуф
Расулов журналист Алишер Соиповнинг ўлими ҳақида оламшумул «кашфиёт»
қилди.
У бир неча ҳаваскор сайтларда эълон қилган уйдирмасида жумладан шундай деб ёзади:
“uzbekcongress.org да эълон қилинган кўп сонли материалларда Алишерга
гоҳ АҚШ, гоҳ қирғиз махсус хизматлари жосуси, гоҳ Ўзбекистон Исломий
Ҳаракати, гоҳ “Хизбут Таҳрир” аъзоси, гоҳида эса “Эрк” демократик
партиясининг жанубий Қирғизистондаги вакили дея таъриф берилади”.
Демократик Ўзбекистон Конгресси бу уйдирма-буҳтонга жиддий эътироз
билдиради. www.uzbekcongress.org ёки унинг рўзномаси turonzamin.com да
эълон қилинган шу “кўп сонли” материаллар қани, қачон эълон қилинган ва
қайси бир мақолада Алишер Соиповга юқорида айтилган айблар қўйилган?
Юсуф Расулов келтирган “топилма” мисолдаги мақола эса
http://www.centrasia.ru/ сайтига оид бўлиб, биз бу сайт кимга
ишлаётганини доим фактлар билан кўрсатиб беришга ҳаракат қилганмиз ва
шу мақсадда “Туронзамин”нинг русча қисмига “Источник – ЦентрАзия” рукни
остида қўйганмиз, адресини кўрсатганмиз.
Агар Юсуф Расуловнинг нияти соф бўлганда эди у иддаосини мазкур сайтга айтган бўларди.
Юсуф Расулов бу билан ўзининг виждон ва иймонини сотиб еганини яна
бир бор исбот этди. Ёш бир журналистнинг ўлимидан ҳам фойдаланишга
уринаётган бу кимса Каримов диктатурасига бир МХХ лайчасидан ҳам кўпроқ
хизмат қилаётгани сир бўлмай қолди. Бундан туҳматчининг қилмиши
қаршисида АЛҲАЗАР деймиз.
Алишер Соипов масаласида калаванинг бир учи Расуловларга боғланади шекилли, у аравани бошқа томонга буришга интилмоқда.
“Туронзамин” ўзбек демократларининг эркин минбаридир ва бу минбарни
унга лой чаплашга уринаётган Юсуф Расулов каби бебурд кимсалардан
демократик йўл билан ҳимоя қилишга кучимиз етади.
ДЎК Матбуот хизмати ва “ТУРОНЗАМИН” таҳририяти.
