Кеча шу сарлавҳа билан ҳеч қайси фирқа ё ташкилотга дахли бўлмаган шу электрон саҳифага мурожаатга ўхшаш ёзганларимни жўнатган эдим.У бу саҳифадан ташқари бошқаларда ҳам эълон қилинди.
Албатта мурожаатим ватандошлар кўглидаги гаплар эканидан мамнун бўлдим.Шу боис ҳам иккинчи мақоламни йўллаяпман.
Муҳтарам Ватандош, бошқаларнинг орасини ислоҳ қилиш яхши, аммо ҳар бир киши энг аввало ислоҳни ўзидан бошлаш керак.
Мана масалан мен шу фикрдаман ва иложи борича бошқалар шахсига тегмаслик учун ҳаракатимни бошладим.Гарчанд ёзаётганларимда кўпчилик кишиларнинг камчилик ва иллатларини далил-исботлар билан очиб ташлашим мумкин бўлган ҳолда ҳам бундай қилмасликка ва аксинча оллоҳ берган тил ва сўз воситаси билан етказмоқчиман.
Ҳурмат ё иззат сўраб олинадиган нарса эмас.Шунинг учун кимдандир ёки нимадандир илтифот , марҳамат кутмаслик керак.Инсонмисиз, демакки ибрат кўрсатинг.Ўшанда сизни ҳурмат қилишади, иззат қилишади. Муҳтарам Ватандош, биламан, бу ақлли қаёқдан пайдо бўлди-ю бизга ақл беряпти дейсиз.
Беайб яратганнинг ўзи.Мен ҳам, сиз ҳам ва анови ҳам камчилик ва қусурлардан ҳоли эмасмиз.Шундай экан азиз ватандош келинг бошқа майда-чуйда аллақаёқдаги гапларни қўзимай ўз юмушингиз билан машғул бўлинг.Обрў-эътибор ва ҳурмат аввал айтганимдай сўраб олинмайди.
Чунки Ўзбекистонга, миллатнинг бошига зулм соя солиб ҳар онда ютиб юборишга ҳозир девданда хавфли фожеакор маҳлуқ турибди.Бир оғиз сўз билан эсада унга қарши ҳамлага отланинг.Нима қиласиз беҳуда ёзишмалару айтишмаларга киришиб.Бу дунё шунақа зиддиятли дунёки унинг ҳеч бир зиддиятини тугал ечиб бўлмайди.
Лекин миллати ва ҳалқи улуғ бўлган, донишманд бўлган ўзбеклар нега бугунга келиб ночор ва хўрликда яшаши керак?Ахир биз буюк миллат вакилларимизку.
Шунинг учун ҳам муҳтарам Ватандош, ҳар қандай майда-чуйда, нари-бери гаплардан устунроқ бўлиб, халқ учун, миллат учун бош кўтарайлик.Албатта бу борада муштни тугиш даври аллақачон етиб келиб, ўтиб кетаётганини ёддан кўтармайлик.
