Ўзбекистондан хабарлар билан танишар эканман жасоратли шоир Юсуф Жуманинг аёли Гулнора опанинг далилли мақоласини ўқиб кўргач, дангалига айтганда бу каби қаҳрамон опадан нафақат Ўзбекистон аёллари балки эркакларида ибрат олса бўлар экан, деган ўй кечди.
Очиғи қўлимиздан ҳеч нима келмаяпти, одамлар лоқайд , бефарқ деб анчайин қисиниб-қимтиниб юрамиз.
Очиғи бир қадрдонимга мактуб йўллар эканман, ўзимни қўрқмас деб ҳисоблардим, лекин Гулнора опа мендан кўра юраклироқ экан дея эътирофимни йўлладиму, кейин бундай қаҳрамон аёл ҳақида кўпчилик олдида эътироф керак деган ўй билан ушбуларни ёза бошладим.
Биз эркаклар жиммиз, беҳуда жойларда, беҳуда гаплар айтиш билан овворамиз.Гулнора опанинг жасоратидай жасоратимиз бўлганда эди ўзбек ҳалқи, ўзбек миллати бугунги аянчли ҳолга тушмаган бўларди.
Ҳа, майли бизлардаку зулмга қарши ҳаракат тугул бир оғиз сўз айтишга журъат етмас экан (ҳатто хавфсиз ҳисобланган чет эллардан бошпана олганимиздан сўнг ҳам ) ҳеч бўлмаса бундайин қаҳрамон оналарни сақлаш учун сўзимизнида нега аяймиз экан?
Ахир улар биз учун, бизнинг керак бўлса фарзандларимиз келажаги учун майдонга чиққан бир пайтда, биз нега ҳеч бўлмаса шу жасоратли аёл ёнида бўлмаса ҳам ҳеч бўлмаганда ортидан бора олмаяпмиз?
