Келмадими?

Келмадими оҳ-воҳларга чек қўймоқ пайти?
Келмадими асов отлар жиловлаш пайти?
Борку ахир ҳар нарсаниннг ўз чегараси!
Келмадими белга белбоқ боғламоқ пайти?
Етар энди шунча йиллар бўлдик саргардон,
Етар энди шунча йиллар куйладик армон.
От бечора кишнамоқда тоқатсизликдан,
Тур биродар, кетдик энди, бу қайтар замон!
Энди душман зир титрасин сени кўрганда,
Ёвузларга даҳшат солгин отга минганда,
Ҳеч аямай сирмайвергин қиличингни сен!
Душманларинг урра қочсин сени кўрганда!
Келди бугун Ватан учун қалқимоқ пайти.
Келди бугун халқинг учун куюнмоқ пайти.
Сен биласан, Вақт ва Замон сеники бугун.
Келди буюк ишга бугун қўл урмоқ пайти.