Ҳа, бизлар ҳеч биримиз бошқамизга душман эмасмиз.Ҳаммамиз ҳам Ўзбекистонда - Ватанимиздаги кишиларнинг ҳақ-ҳуқуқлари неча йилларки топталиб, оёқ-ости бўлаётганидан куюнамиз.Аҳволни ўнглаш йўлини тополмаётганимиздан жиғибийрон бўламиз.Шу учун ҳам бир-биримизни танқид қиламиз.
Афсуски кўпчилигимиз демократлик даъвосини қилсакда, аммо ўшанга яраша сўз ёҳуд ҳаракат қила олмаймиз.Сўз бир бўлмагандан кейин ҳаракат ҳам бир бўлолмайди.
Кўпчилигимиз Ватанда юриб ҳам, четда туриб ҳам демократияни ўргана олмаяпмиз.Чунки битта адашганнинг хатоларини кўрсатиб мана бундай десак дарров гап тарқалади:"фалончи пистончига қарши -душман шекилли", деб.
Инқилоблар қандай юзага келган.Бирданига, ҳамма бир бўлиб югуриб майдонга чиқиб кетмаган.Ғоявий замин яратилган инқилоб учун.Бизларда эса аниқ-тиниқ инқилоб ғояси йўқ.
Ўзбекистонга қараб юриш қилиш.Ҳалқаро ташкилотлар олдида туриш қилиш.Буларни қандай амалга ошириш керак деган аниқ режа йўқ.Режасиз ишнинг эса ҳеч бир амалга ошиш имконияти йўқ.
Ахир биз бир-биримизга душман эмасмиз.Биз танқид қиляпмизми демак нимадир камчилигингиз бор.Нимадир етишмаяпти сизда ё менда.Танқид қиляпган мен бир ўзим бўлсам майли эди.Бу бир боши гангиганда деярдингиз.Лекин кўпчилик танқид қилмоқда.Демак бунда бир асос бор.
Тўғри, Ўзбекистон ҳалқининг ҳаммасини ўз ғоянгизга ишонтира олмассиз.Энг аввало ўзингиз ўзингизга ишонинг, кейин атрофингиздагиларни ишонтиринг, ундан кейин ҳалқнинг олдига куч бўлиб чиқинг.Юринглар , кетдик дея панада ўтираверган билан иш битмайди.Буни сиз мендан кўра яхши биласизу лекин олдинга ўтишни истамайсизми ёки билмадим.Ахир орқада туриб олиб лидер бўлиш бу менинг фикримча кулгули ҳол.
Дўқ уриб гапириб ўрганиб қолганмиз.Бу ўша ҳаммамиз ҳурмат қиладиган ота-онамиздан мерос қолган хулқ бўлса керак.
Масалан, оталар болаларига:"қани олдимга тушчи ярамас", дея койишарди.Сиз билан биз ҳам одамларга қарата: "қани олдимга тушчи" дея дўқ қилаётгандаймиз.Байроқни кўтариш осон аммо уни олдинги сафда олиб бориш қийин.
Қўмондонлар пистирмада ўтириб олиб аскарларни биринчи сафга чиқариб қурбон қилиш тактикаси деймизми ё усулими аллақачон ибтидоий усулга айланган.Бугун лидерлик даъвосидаги киши "ё ҳаёт, ё мамот " дея майдонга чиқиши керак.Одамларни ҳеч қайси бир лидерлик даъвосидагилар эргаштира олмаяптилар.Демак одамларда ўша даъвогарга ишонч йўқ.Даъвогар ўзи ҳам буни ҳис қилади шекилли, олдинга чиқиш тугул юзини кўрсата олмайди.
Ёки бўлмаса яна бир тоифа йўлбошчилар пайдо бўляптики уларни ҳали ўзлари-ўзларинида англаб етмадилар.Ҳеч ким уларни танимайди.Танимаган одамига ким ишониб эргашади ахир.Шунинг учун ҳам ўзингизга-ўзингиз савол беринг аввал:"мен кимман", дея."Сен одамларни етакловчисан" деган мислсиз кучни ўзингизда ҳис қиляпсизми, кейин бир нима денг.Сизнинг сўзингизда ўзингизга ишонч йўқлиги ҳар қанча пўписа билан гапирманг сезилиб қоляптида биродар.Агар шундай куч бўлганда эди сизда одамлар сиз чақирмай туриб ҳузурингизга чопишарди.
Биз бир-биримизга душман эмасмиз.Ҳар қанақанги шивир-шивиру, миш-мишларни тўхтатишимиз керак назаримда.Бўлмаса бир киши чақиради, яна бир бошқамиз бақирамиз.Бу билан эса одамларни атрофимизга йиғиш эмас аксинча қочирамиз холос.
Сафларимиз кенгайиб боряпти дея мақтанишни бас қилиш керак фикримча.Чунки сафдагилар сони эмас сифатига боқинг.Улар сизнинг сафингизга дурустроқ кун кечирармиканман уч кун бўлса ҳам дея оч қолганидан эмас, балки аввало ғоянгизни ўйлаб ва қўллаб кираётган бўлсин.Тўғри, " аввал иқтисод, кейин сиёсат" , деган гап бор.Лекин нон ейиш учун киряптими фаол бўлмоқчи ёки фаоллик билан нон емоқчими у? Менимча бу икки ҳолатнинг ер билан осмонча фарқи бор.
Биз бир-биримизга душман эмасмиз.Балки Ўзбекистон ҳалқининг бугунги ҳолига бефарқ бўлмаганлармиз.Агар бу йўлда кимдир ўз манфаатини устун қўяр экан, биз бундайларга муросасизмиз.
Мен
инқилоб дарсидан сабоқ берувчи эмасман.Оддий кишиларнинг оддий бир вакилиман.Фақат кўнглимдан кечган гапларни айтиб қўяман холос.Қўлимдан
бундан бошқа ҳеч нарса келмайди. Ризо Обид.