Ўзбекистондан хабарларни ўқиб ё эшитиб на кулишни биласиз, на куйишни.Зулмкор ва унинг маддоҳлари туну кун мамлакатда иқтисодиёт гуркираб, халқнинг фаровонлиги кун сайин чароғонлашиб кетаётганидан лоф уришади.Уларнинг бу лофларига ҳеч ким ишонмай қўйганига анча бўлиб қолган.
Лекин сўнгги хабарлардан бири одамнинг бир томондан кулгусини қистатса, яна бир жиҳати билан куюнтиради.
ОАВлардан бирининг хабарига кўра Ўзбекистондаги Capital Bank раҳбарияти яқинлашиб қолган Каримов Президентлиги муддати узайтирилиши расман сайлов ниқоби билан ўраниши ва Янги йил муносабати билан ходимлари маошини нақд 100 килодан картошка тарқатиш орқали тантанали тарзда якунлаган.Ана энди банк ходимлари то қулупнай пишиғигача 100 кило картошкани бола-чақалари билан куйдирибми, пиширибми ейишаверади.
Кулсангиз ҳам майли, куйсангиз ҳам майли.Чунки пул ғазнаси ҳисобланган банкда маош учун маблағ бўлмагандан кейин бошқа соҳалардагилар нима қилишсин?!
Сентразия деган бир интернет тармоғини ҳеч иккиланмай Гиннесснинг рекордлар китобига киритилса бўлаверади.Нимага десангиз унга кўра Марат Зоҳидов деган бир кимсанинг ибтидоий мақоласи эълон қилинган.Нега ибтидоий десангиз, гап шундаки муаллифнинг қалами билан иншо этилган "ижодий дурдона"си гўё 1950 йилларда ёзилгану ҳозиргина эълон қилингандай таасурот уйғотади.Унга кўра эмишки Ўзбекистоннинг ҳар томонлама гуллаб-яшнашида Русиянинг роли беқиёс эмиш.Ё, тавба...
Ахир ўриснинг мужиги оёғига латта боғлаб юрган кезларда бизнинг ота-боболаримз қайиш этик кийишгандику.Ана энди кулсангиз ҳам майли, куйсангиз ҳам майли.
