Забун холимга факат итларим укинади

Ишкинг жаллод кундаси, хар нафасда жон кетар
Хижронинг бор юракни ёруг олам тарк этар.
Узун сочингдан узун хажринг, эй сочи узун,
Сочинг пойингга етар, хажринг бошимга етар.
22.02.04.

Тунсиз кунни курдим гузал юзингда
Кунсиз тунни курдим карог кузингда
Хамма оёк билан юрса дунёда
Ошиклар бош билан юрар изингда.
22.02.04.

Пахтага дог тушса хаммага аён
Қурумга дог тушса абадий нихон
Пахтани догли деб танкид килади
Қурумни догсиз деб мактайди, нодон.
22.02.04.

Миршаб кузатади кучада юрсанг
Хотин кузатади уйингга кирсанг.
Дунёнинг энг каттол миршаби хотин
Назорат килади хатто туш курсанг.
22.02.04

Хушёр бул ганиминг подшо булса хам
Хушёр бул ганиминг пашша булса хам.
Игна хам улдирар юракка кирса
Укдай йугон эмас реза булса хам.
22.02.04.

Забун холимга факат итларим укинади
Якиним мендан узок, ганимга юкинади.
Тушунмайди дустларим дардимни айтган билан
Итларим дардларимни айтмасдан тушунади.
21.02.04.

Остонангнинг тошини бошимга бермас итинг
Сангни эритар дейди сарга чиккан дил утинг.
Етмади пойингга хам, пойинг теккан тошга хам
Мендан кура бахтлидир итлари хам бу юртнинг.
21.02.04.

Уммон эди туркийлар узани эди жахон
Тошкинининг остида колиб кетарди осмон.
Букун ишгол килолмас хатто товукхонани
Букун гуё кулмакдир, узанидир кабристон.
21.02.04.

Нега пок юракка толеъ катогон
Нега пок юракка ситам хукмрон.
Хирмоннинг ичидан арслон чикмас
Хирмоннинг ичидан чикади сичкон.
21.02.04.

Тун секин утади мен учун азоб,
Тонг-чи кеч отади мен учун азоб,
Бошсиз ошга етар тункадай бокий
Бош бошга етади мен учун азоб.
22.02.04.

Хамма сотди дейсан касблари, раво
Этикдуз этигин сотгандек гуё.
Бу эл буюклиги—буюк эр бериб,
Уни сота-сота айламак адо.
23.02.04.

Кокилинг буйидир хаёт нафаси,
Хижронинг куйидир—ажал кафаси
Чинорча яшардим муяссар булса
Сен утган йулларнинг бирон бир хаси.
23.02.04.

Шоирга худо берар, ноком булмайди ганим
Нонини, ошини е харом булмайди ганим.
Тортинма туйиб егин огзингдан чиккунча е
Меники еган билан тамом булмайди, ганим.
23.02.04.

Ганим ёмон ва лекин нодон угилдан яхши.
Захар ёмон, ва лекин куз туккан селдан яхши.
Ашк аччик , аммо ёрнинг ширин сузидан ширин.
Ажал ёмон ва лекин ноахил элдан яхши.
23.02.04.