Статистика
Онлайн всего: 13 Гостей: 13 Пользователей: 0
|
Главная » 2008 » Январь » 5 » "Самарқандни соғиниб" девонидан
15.00.47 "Самарқандни соғиниб" девонидан |
Жаҳонгир МУҲАММАД
ЕТТИ МАШҲАР…
Етти машҳар бир бўлиб
БИРЛИК истаганим кун.
Бўйнимга илон каби
Ўралдинг сен- Тарқоқлик.
Аросатда бўғилиб
ЭРКни қўмсаганим кун,
Елкамда шайтон -лаъйн
Турардинг сен -Қўрқоқлик.
Бошим урилиб тошга
АДОЛАТ излаган кун,
Қиличини чархлаган
Ё дўст эди, ё ғофил.
Хоин бу олам учун
Маломат сўзлаган кун,
Сурнай чалиб тахтида
Кўз бойларди Исрофил!
Истанбул, 1994 йил.
* * *
МУРОД ЖЎРАга
Саҳар қучоғида йўқолган тушнинг,
Изларин излайди мубтало хаёл.
Жаҳл булоғида сув ичган қушнинг,
Патларин юлади саргардон шамол,
Изларин излайди мубтало хаёл.
Жаҳлини сочади Қуёш найзада,
Соянинг обрўйи ошар бемалол.
Одамлар офтобдан дилхун, дилзада,
Шаршара пойида тўкади жамол,
Соянинг обрўйи ошар бемалол.
Фозил кишиларнинг жаҳли қафасда,
Кўкрак майдонида кўкарар камол.
Бир дўстим жаҳлини илиб нафасга,
Ҳатто Тангри узра тортади савол,
Кўкрак майдонида кўкарар завол.
Ашгабат, 1993 йил.
|
|
Жойлади: Маъмур
|
Добавлять комментарии могут только зарегистрированные пользователи. [ Регистрация | Вход ] |
|