Медведев эртага президент бўлади ёҳуд хайр шоҳ , салом шоҳ!
Эртага Россияда бўлиб ўтиши кутилаётган Президентлик сайловида Путиннинг вориси Медведев Президент бўлиб сайланади.Аниқроғи у аллақачон Путин томонидан тайинланиб бўлгану шунчаки бу ҳам КГБча ўйинда.
Агар эртага Медведев Президентлик сайловида ғолиб чиқмаса мен адашган бўламан, демак Россияда чиндан ҳам демократия ғалаба қозонган бўлади.Албатта мен адашишимни истаган бўлардим бу ҳолатда.
Агар Медведев Президент бўлса мен бош вазир бўламан деган Путин ўзининг иттифоқдош диктатор ошналарининг йўлидан боришнинг ўзига хос ўрисча йўлини танлади.Яъни Президентликка учинчи марта сайланмайди-ю аммо президентни бошқариб туради.Бу оқпошшоларнинг давридан қолган ўзларининг тилида айтганда "маневр".Ёки бўлмаса ҳалиги айтилган гапда:"Хайр шоҳ, салом шоҳ!".
Сиёсатчилар башорат қилар эканлар агар Медведев чиндан мамлакатнинг биринчи лидерлигини ўз қўлига олмаса бундан буён диктаторлар отасига айланиб бўлган Путин йўриғи билан Россияда ички ва ташқи сиёсатда ҳам, иқтисодда ҳам, ижтимоий ҳаётда ҳам бўҳронлар бошланиши мумкин дея эҳтимол қилмоқдалар.Балки...
Нима бўлганда ҳам ҳали ичидагини ташига чиқармай турган Медведев тахтга келгач нималарни режалаштириб турибди ўзи билади.Аммо бир нарса равшанки у президент бўлгач ҳам қўл остидаги хом-ашёга айланган Марказий Осиё республикалари давлатлари ва унинг раҳбарларини муштига тугиб ҳаракат қилиши аниқ.Чунки мўмайгина даромад бериб турган мамлакатлар Россия учун ҳамма вақт керак.Айниқса Ўзбекистон диктатори Каримовни хийла билан осонгина қопқондан қўйвормаса керак.
Яна ким билади дейсиз, буни чархпалак дунё дейишади.Тескарисига айланиб кетиши ҳам мумкин.Чунки чархиражкафторнинг тескари айланганини СССР деган юҳо юмалаганда кўрганмизку.
