Қайроқтош мақтанди Бошқа тошларга. Мен, деди қайроқман, Пичоққа дўстман. Фориғ этиб тураман, Қайчи, болтани, Теша-ю, кетмонни Бор каму кўстдан. Тошлар жим сукутда, Одобни кўзлаб. Харсангтош қошида Қайроқтош сўзлар: Эҳ, ҳе мен бўлмасам, Пичоқ кесмайди, Қайчи қайчилигин Менсиз сезмайди. Қаранг ялтироқман, Ял-ял ёнаман, Сип-силлиқ тўкисман, Қайраб йўнаман. Пўлатми у темир, Тилломи, кумуш, Уларга фармоним: Менга буйсуниш. Қайроқтош қилични Ялаб турганди. Ханжар ҳам у томон Қараб турганди. "Қарс" этди қайроқтош, Синди-ю тушди. Керакмас у энди, Қумлоққа сингди.
Ризо Обид
Qayroqtosh
Qayroqtosh maqtandi,
Boshqa toshlarga.
Men, dedi qayroqman,
Pichoqqa do’stman.
Forig’ etib turaman
Qaychi, boltani,
Teshay-u, ketmonni
Bor kamu ko’stdan.
Toshlar jim sukutda,
Odobni ko’zlab.
Xarsangtosh qoshida
Qayroqtosh so’zlar:
Eh, he men bo’lmasam,
Pichoq kesmaydi,
Qaychi-qaychiligin,
Mensiz sezmaydi.
Qarang yaltiroqman,
Yal-yal yonaman.
Sip-silliq to’kisman,
Qayrab yo’naman.
Po’latmi u temir,
Tillomi, kumush.
Ularga farmonim,
Menga buysunish.
Qayroqtosh qilichni,
Yalab turgandi.
Xanjar ham u tomon ,
Qarab turgandi.
Qars etdi qayroqtosh,
Sindi-yu tushdi.
Kerakmas endi u,
Qumloqqa singdi.
