Осмон булут-сел бўлиб бошимга қулаётир
Лекин менинг тош бошим кўкка дош қилаётир.
Само қулаганда хам улмаган шўрлик жоним
Сенинг хиёнатингдан дод айлаб ўлаётир.
17.04.04.

«Шамман, хуфтон дилингни кундуз қиламан пургам»
Шундоқ деб, узоқ-узоқ эртак суйладинг хуррам.
Бировлар ёқа ёқа ёруғингда яйрашган,
Сен чиндан ҳам шамдирсан, ёқиб тугатилган шам.
19.04.04.

Кимга булмагин кунок, таоминг пушмон, мунгдир
Уйи кенггу калби тор, дуст хам душманга тенгдир.
Одамзот кулбасидан аждарнинг огзи яхши
Отанг хузурига бор гури тор, багри кенгдир.
20.04.04.

Шоирнинг кузими, Мозондоронми?!
Куш уммон тулкинми, куш уммон конми?!
Куш осмон чакинми, куш осмон юлдуз?!
Ёнма-ён вулконми, икки вулконми?!
21.04.04.

Лабларингда то абад лабингнинг таъми колди
Карогимда карогинг—кузингнинг шами колди.
Хижронга ташлаб кетдинг—улимга ташлаб кетдинг
Туман карра улдирдинг, куммадинг ками колди.
24.04.04.

Элга булмасман курбон, улишимга арзимас
Дуст деб, уртамасман жон улишимга арзимас.
Вах, мен мунча нокомил, хатто узим учун хам
Улмасдирман хеч качон, улишимга арзимас.
24.04.04.

Топганингни энг аввало итингга бер, содикдир
Ёрингдан хам, болангдан хам, хешингдан хам ортикдир.
Итдан ортса фарзандга бер, ундан ортса душманга
Тагин ортса дустингга—ёвдан ёв, мунофикдир.
24.04.04.

Шодликдан окизиб кузин сойини
Ахли маддох упган шохлар пойини.
Бугунки маддохлар замонавийдир
Туну кун упарлар бошка жойини.
22.04.04.

Эчкидай бу кавмнинг эркакларин эркаги
Хубобдай омонатдир юракларин юраги.
Кукман деганлари хам боткокдан баттар экан
Тубанлардан тубандир юксакларин юксаги.
23.04.04й.

Багрим ёна-ёна, дил ёна-ёна
Бир чирок топгунча булдим девона.
Парвона жонингдан умидинг булса,
Менинг чирогимга булма парвона.
23.04.2004.