Жаҳонгир Муҳаммад

Оламни сен сўрардинг

Ўзбекни ит ейдими?
Йўқ!
Еганин кўрмадим,
Ўзбекни бит ейдими?
Йўқ!
Еганин кўрмадим.

Унда не ер Ўзбекни-
Ахир у тугаб борар?
Ўзбек бир-бирин ейди,
“Йўқ!”
Деганин кўрмадим.

***

Оламни сен сўрардинг,
Энди қулдирсан бешак.
Эшакни сен минардинг,
Энди устингда эшак.

Вашингтон, 2008

***
Навбатда турасан
туғилмоқ учун.
Навбатда турасан
сўнг, ўлмоқ учун.
Бу дунё, у дунё
навбат қашқари.
Эл деб курашмоқ
Навбатдан ташқари.

22 Ноябр, 1989 йил.