Оврўпада илк бора ўтказилган афғонистонлик туркийзабонлар анжуманида ғоят кўп ижтимоий-маданий, она тили билан боғлиқ тарғибий ва ташвиқий фаолиятга оид фикр-мулоҳазалар билдирилди.
Анжуманга ўз табригини йўллаган генерал Абдурашид Дўстум Янги тузиладиган туркийлар Федерацияси мамлакат ичкарисида қизғин фаолият олиб боришига ишонч билдирган.
Ушбу анжуманни молиявий жиҳатдан таъминлаган дея таништирилган Олмонияда истиқомат қилаётган тиббиёт фанлари доктори Омон Исматий, миллат равнақи учун ўз фикр-мулоҳазаларини билдирган Маҳамадулло Ватандўст, Маҳаммад Усмон Акрам, Саидаҳмадшо Фарёбий, шоира Азиза Иноят, ёш авлод вакилларидан Жамшид Ватандўстларнинг анжумандаги чиқишлари чуқур таассурот қолдирди.
Энг асосийси эса ана шу анжумандан олинган тассуротлар бўлди.Исмини айтишни истамаганим бир миллатдош ватандошнинг ҳам эътирофича:"буларда ҳам ички зиддиятлар етарли, лекин бизникичалик эмас.Бизнинг ўзбекистонлик ўзбеклар бу қадар уюша олмасликлари афсусланарли".
Оврўпада илк бора ўтказилган афғонистонлик туркийзабонлар анжуманида ғоят кўп ижтимоий-маданий, она тили билан боғлиқ тарғибий ва ташвиқий фаолиятга оид фикр-мулоҳазалар билдирилди.