Бир неча кундан буён ишқибозлар кутаётган миллионлар ўйини деб аталувчи футбол бўйича Оврўпа футбол чемпионлиги учун мусобақалар бошланди.
Фаранг, Румин, Холланд ва Италиё давлатларидан иборат гуруҳдаги дастлабки футбол ўйини якунланди.Бу гуруҳда жаҳон чемпиони Италиё билан Холланд терма жамоалари ўртасидаги учрашувда спорт башоратчиларининг кўпчилигининг Италиё ғолиб бўлади деган қатъий башоратлари ўз тасдиғини топмади.Аксинча Лолақизғалдоқлар номи билан машҳур Холланд футболчилари анча-бунча эмас йирик ҳисобда , яъни 3:0 ҳисобида Италиё жамоаси устидан ғалаба қозондилар.
Оврўпа биринчилиги бошланмасдан ҳафта-ўн кун олдин футбол спорт байрамига тайёргарлик кўра бошлаган холланд футбол ишқибозлари бугун кўчаларда мушакбозликлар билан ғалабани нишонлашмоқда.
Биз ўзбекистонлик бўлсакда бугун Холландда яшаётганимиз боис ҳам холланд футболчиларининг жаҳон миқёсидаги мавқеига муносиб ишқибоз бўлиш учун катта ютуқни байрам қиляпмиз .
