Аҳён-аҳёнда ўзбек тилида эшиттириш олиб борадиган хориж радиоларини интернетдаги веб сайтларига кириб,уларнинг бош саҳифасидаги мавзулар сарлавҳаларига кўз ташлаб тураман.

Гарчи бу “демократия тарғиботчилари”нинг кундалик эшиттиришлари савияси ва мазмуни нақадар
“аҳамиятли ва долзарб” бўлмасин,негадир мени эшитишга ҳафсалам йўқ.Ана шу радиоларнинг веб саҳифалари билан танишар эканман,навбат “Америка овози” радиосига келди.Бош саҳифада қатор сарлавҳалар жойлаштирилган, санаб кўрсам уларнинг сони йигирмата экан.

Шулардан атиги бештаси Ўзбекистонга оид бўлиб,у ҳам гапирилавериб,ёзилавериб сийқаси чиқиб бўлган эскирган хабар ва маълумотлардан иборат.Қолган 15 таси эса чет эл воқеаларига доир хабарлар бўлиб,гўёки Ўзбекистонда бу радиодан бошқа хориж янгиликларини ёритадиган манба йўқ,гўёки ўзбеклар ана шунга зор.

Радио ўзбек тилида бўлгандан кейин шубҳасиз унинг асосий тингловчилари ҳам Ўзбекистонда,шундай экан нега энди эшиттиришнинг асосий қисми бевосита Ўзбекистон ҳақида бўлмаслиги керак.Ёки у ерда ёритишга арзигулик мавзулар йўқми…?

Саҳифанинг ўнг томонида “Сайтга қаердан кирасиз?”- деган “илмоқ” ташкил қилинибди,ҳайронман бу нима учун керак экан,қолаверса кимни қаердан кириши билан радиони неча пуллик иши бор?
Қисқаси,”демократик тамойиллар” асносида фаолият юритаётган “Америка овози” радиоси Ўзбек бўлимининг “жонкуяр,фидойи” ходимларининг демократияни тарғиб қилишдек маъсулиятли ишларида “тасанно”лар деймиз.Айни тилакни Би-Би-Си ва “Озодлик” радиоси “жонкуяр”ларига ҳам
йўллаймиз.

P.S. Ушбу қораламани ёзиб,бошқа бир русийзабон сайтга кирсам у ерда туркиялик ўзбеклар ҳақидаги туркум мақолага кўзим тушди.Ўқиб кўрсам ҳозирда “Америка овози” радиоси Ўзбек шўъбасининг мудири Жавдот Сайхоннинг отаси Собир Сайхон билан бўлган суҳбат матни экан.Бу
суҳбатни ўқиб бўлгач,демократия тарғиботи йўлида жонбозлик кўрсатаётган радио ходимларига айтган “тасанно”ларимиз бежизга эмас эканлигини англадим. Мана у ерда жумладан нима дейилган:

“- В Узбекистане много говорят о президенте Исламе Каримове. Буду откровенным – не будь Каримова, то страна давно раскололась бы на три части – Ташкент, Фергану и Бухару с Хорезмом. Только твердая рука Каримова предотвратила раскол. Будь я гражданином Узбекистана, свой голос отдал бы за него. Ему очень тяжело, он умный человек, но нехорошие люди из его окружения соорудили стену между ним и народом, наверное, поэтому он не видит, что творится в стране. Несмотря на это, его хотят показать виновником всех существующих в стране проблем…”(Фергана.ру)

Жанубий Кореадан Эркинжон.