Қишлоқдошларимдан менга етиб келган маълумотга кўра, 11 июнь куни бизнинг Бухоро вилоятидаги уйга бориб Машрабни кидириб тинтув утказганлар. Уйни тинтиб булиб опам Ферузани Бухоро вилоят Жиноят кидирув булими ходимлари калтаклаб,тазйиққа олиб, Машрабни Алишер турмадан угирлаб кетди деб ёзиб беришни талаб килишган, опам эса сизлар тухмат киляпсизлар укамни топиб беринглар деб ёзиб берган.

Шу куннинг узида кушнимиз Гани Хамроев ва амаким Мурод Жумаевлар хам калтакланган. Гани Хамроевни калтаклаб юролмайдиган даражага келтиришган. Амаким Мурод Жумаевнинг уйида эса Машраб йуколди деб кидирув эълон килинган кундан бошлаб икки нафар Бухоро вилоят жиноят кидирув булими терговчилари яшаяпти.

Улар амакимни ярим кечалар хам тургизиб калтаклаб Машрабни топ деб уз уйида тергов килишаётганидан бутун қишлоқ хабар топибди. Хозирнинг узида Гани Хамроев, Мурод Жумаев ва опам Ферузага жиноят иши очганлар.

Буларнинг хар учаласи тиббий экспертизадан утса уйда туриб утказилган кийноклар аломатларини куриш мумкин, афсуски Узбекистонда уларни экспертизадан утказишни талаб киладиган хаттоки халкаро ташкилот хам йук.

Дадамни каттик режимли зонага юбориш учун хозир Отбозор 3- сонли турмасидан Тошкентга Тоштурмага- 1- сонли хибсхонага келтиришган. Дадамнинг оёклари тирноклари купорилган, оёкларининг остига резина дубинка билан калтаклашган. Хар куни мунтазам кийноклар утказишаётган экан. Хозирда дадамнинг соглиги ёмонлашган. Огир ахволда Тоштурмада кийноклар остида сакланаётган эканлар.

Айни вактда Бухоро вилоят телевединияси Машрабга кидирув эълон килишда давом этаётган экан.

Биз хозирда дадамнинг такдиридан хавотирланяпмиз. Тошкентдан олган маълумотимга кўра, дадам Тоштурмага келтирилиб айни вактда кийнокларга солинаётган экан. Машрабни хам дадамни кочишга уринди деб Кунгиротдан Отбозорга келтирган вактларида Отбозорга олиб келган эканлар. Кейин Машрабга кидирув эълон килишди.

Бир оилага сиёсий қарашлари учун шу қадар ҳам зулм бўладими?