Дунёдаги инсон ҳақлари учун мардона курашган жасоратли шахслар учун бериладиган энг нуфузли - Мартинc Энналс-2008 мукофоти билан тақдирланган Мўътабар Тожибоева Ўзбекистон қамоқхоналаридаги тортган азоблари яралари битмаган эсада зулмга қарши кураш ва ижод қилишда ҳамон давом этмоқда.
25 август куни Марғилондаги "Ўтюраклар" клуби раҳбари, таниқли инсон ҳақлари курашчиси, журналист Мўътабар Тожибоева ўзининг қирқ олтинчи баҳорини кутиб олади.
Биз Мўътабар хонимни таваллуд куни билан барча дўстлари номидан қутлаш баробарида унинг "Қийноқлар ороли асираси" номли китобига киритилиши мўлжалланган ва ҳали ҳеч қаерда эълон қилинмаган бир парчасини унинг кўп йиллар умргузаронлик қилишини тилаган ҳолда туҳфа сифатида ўқувчилар ҳукмига ҳавола этамиз.
(Суратда:Мўътабар Тожибоева қизи Маҳлиё ва набираси Зебо билан )
Таҳририят.
* * *
...Қамоқхонада мендан Президентдан авф этишини сўраб хат ёзиб беришим учун нималар килмадилар дейсиз.
Ман узи камокдан тирик чикишимга умид хам килмай куйгандим. Кунлар, дакикаларни утиши азоб эди. Лекин уша ерда хам оллох азиз килди.
Махкумалар жудаям хурмат килишарди. Айникса принципимдан чекинмай турганим учун хаттоки муассасага ишловчи- зеклар тили билан айтганда казаларнинг энг лидерлари хам мани хурмат килишарди. Диний эътикоди учун камалган махкумаларни жуда купчилиги эса мани олдиндан билишар экан, "Сиз билан бир марта булсада учрашишни орзу килардик, лекин каранг танишишимиз, учрашишимиз каерга насиб килган экан" деб куп гапиришарди.
Мани узимни оркаворотдан таниган аёллар хам бор эди. Қўқон ҳудудидаги туманлардан биридаги жиноят ишлари судида секретарь булиб ишлаган Гулчехра исмли киз "Тоштурмада утирганимда Сизни камалганингизни эшитиб бечораларга россаям рахмим келди" дейди. "Кайси бечораларга рахмингиз келди" десам "Сизни тергов ва суд килган терговчилар билан судьяларга рахмим келди. Сизга бас келиша олармикан бечоралар деб уйладим. Бизни судга борадиган булсангиз судьяларимиз роса куркишарди. Худди Каримовни кутгандек тайёргарлик куришарди" дейди.
Мени якинларим билан учрашишга рухсат йук. Ташки дунё билан хабарлашиш имкониятидан мутлак махрум пайтларим эди. Зонага борганимга ярим йил булганда, яъни кишда, айнан мани зак ва музлаб ётган изоляторда юпун кийим ва оч холатда ойлаб камаб турган пайтлари бизнинг отрядимиздаги бир Андижонлик махкумани бир холат буйича сурок килишга Андижонга олиб кетишди. Орадан бирор ой утиб уша аёл кайтиб келди. У менга Андижонга поездда кетаётган вактида булиб вокеани айтиб берганди.
Менга нисбатан куллаётган кийноклари сир булиб колмаётганлиги ва эркаклар камокхоналаридаги махкумлар хам мени такдиримдан нихоятда хавотир олганликларидан кувондим.
2-3 та аёлларни махкумлар вагонига олиб чикишганда у ердаги вагоннинг куплаб камералари Андижон камокхонасига жазони уташ учун олиб кетилаётган махкумлар билан тула экан. Шунда эркааклар камерасидагилар "Опалар аёллар колоннасидан ким бор?" деб бакиришибди. Отрядимиздаги аёл "Мен аёллар колоннасиданман" деса "Муътабар опа Тожибоевани танийсизми? Биз радиоларда эшитяпмиз опани тинимсиз кийнашаяпти экан, изолятордан чикармаяпти экан, шу гаплар ростми?" деб сурашибди.
У аёл хакикатдан хам чидаб булмас даражада кийнаётганликларини, хатто охирги марта хушимдан кетиб йикилганимда хам судраб бориб изоляторга камаганликларини айтиб берибди.
Шунда халиги эркаклар у аёлдан колоннага яна кайтиб бориш бормаслигини сурашибди. У бирор ой ичида кайтиб боришини айтса "Бизни номимиздан опага салом айтинг. Опа бизни танимайдилар, лекин биз у кишини жудаям яхши биламиз, бардам булсинлар. Деярли хар куни у кишини озодликка чикариш учун харакат килаётганлар - журналистлар, бутун дунёдаги яхши инсонлар тинимсиз "Озодлик", "Би-Би-Си" радиоларида кучли талаблар билан чикишяпти. Опага айтинг у киши ёлгиз эмаслар, Биз хам опага сабр-бардош, етарлича токат беришини оллохдан сураб дуолар килаяпмиз. У кишини тез кунларда куткариб олишади. Бунга ишонсинлар" дейишибди.
Билсангиз бундай хабарларни хар эшитганимда бошим осмонга етарди. Инсонларга килинган беминнат ёрдам оллох томонидан кадрланаркан...
