ДАДАХОН ҲАСАН: Муҳаммад Солиҳ деган бир олифтага (5)

Ёхуд хоину сотқинликнинг асосчиси, бугун мағлуб этилган бир бечора нотовону-ногиронга ҳозирча сўнг сўз.

Соли эшитганмисан? Бузук аёлнинг иштонбоғи бўлмас экан. Мен билмаган эканман, сенда аллақачон иштон боғ йўқ экан. Анави Икром Ёқуб деган жўнатилган малокосос номидан чиқарган мақолангда мени 1992-йили МХХ га сотилган дебсан. (Мени шундай деб атайсан албатта деб мақоламнинг 2-қисмида сенга аввал башорат қилган эдим-ку).

Сен бу қилмишинг билан ўзингни яна бир бор шарманда қилибсан. Сени бу уйдирма шонтажларингга ким ҳам ишонарди? Бир ўйлаб кўрдингми? Сичқонни ўлгуси келса, мушук билан ўйнашар экан. Келиб-келиб мени сотқин хоин “қулоқ” дедингми? Эй ожизу нотовон.

Ўзбекистондаги, хориждаги курашаётган барча мухолифат аҳлини хоингга сотилгангга чиқараверсанг, ўзингга ҳам яқин кунларда навбат келиб қолгандир? Шу қилмишинг билан сен ўзингни халиям одам санаяпсанми?

Мен 1992-йили МХХга сотилган бўлсам, шу кунгача яъни интерьвю бериб сени бир оз танқид қилгунимгача ёзишмаларимиз бошлангунигача нега бу сирни мени ўзимга ҳеч қурса қулоғимга “сиз биласизми йўқми, сотилгансиз” деб шивирламадинг?! Нега кечагача мен билан салом-алик қилиб юрдинг? Бирор марта мендан хавфсирамадинг, мендан шубха қилмадинг. Мени сотқин эканимни билар экансан, мен билан нега 1993-йил охирида 1994-йил бошларида Туркияда, Америкада учрашдинг” қуюқ сухбатлашдинг? Ватанга қайтишимда эса бир қоп “эрк” газетасини юртга олиб кетинг, деб илтимос қилдинг? Мен эса бу топшириғингни рад этдим. МХХни одамига мухолиф партияни газетасини ишониб топшириб бўладими? Мен МХХнинг одами эканман, нега 1994-йил бошида мени Фарғона водийси бўйича “эрк”нинг вакили деб ваколат ёзиб қўлимга тутқаздинг. 2001-йилда эса мени Фарғона водийси бўйича регионал раҳбар деб қайта тайинладинг? Мен рози бўлдим. Бош котибинг менга шу вазифани юклади. МХХнинг одамига шундайин ключовой вазифаларни топширишга қандай журъат этдинг?
Айтдимку, сен каллаварангсан, хом калласан деб, пишмадинг, пишмадинг. Сен МХХчи ана у Адҳам Розиқовлардан кейин навбатдаги Икром Ёқубов деганни қўлида қўғирчоқ эканингни ҳам билмасанг керак. Эх, бечора бечора. Соддагина бола. Мени сотқинга чиқариб, бир нарсага эришаман деб ўйлайсанми? Сени бу гапингга ҳатто псих больницада ётган жиннилар ҳам ишонмайдику. Қачонгача қўғирчоқ бўласан? Сени Икром Ёқубов деган бола ўрта бармоғида ўйнатяптику, қачонгача қўлдан-қўлга ўтиб юрасан?
У мақолани мен ҳали ўқимадим, мақола ҳақида “узун қулоқ” гаплар келяпти, холос. Севимли авторингни ёзишича, у менинг 2006-йилдаги терговимда қатнашган эмиш, тергов пайтида МХХ терговчиси ва адвокатлар Руҳиддин Комилов, Абдумалик Абсаломовдан бошқа ҳеч ким хонага кирмаган эдику!

Сени жаноблари жаноблари демаганлар, сени мақтамаган, сенга бўлажак президентимиз деб мурожот қилмаган, сени партиянгга кирмаган, сени озгина танқид қилган, хуллас сени хуш қўрмаганларни барчаси хоин-сотқин қулоқ бўлаверса, яқин келажакда Ўзбекистонда қулоқ бўлмаган, сотилмаган биронта одам қолармикин?

Мободо бир фалокат юз бериб сен президент бўлиб қолсанг 28 миллион хоин-сотқинлар мамлакатининг хоину сотқин подшоси бўласанми? Бугун атрофингда юрган 5-6та қаланғи-қасанғи саводсизлардан бошқа ҳамма хоин-сотқин қулоқ бўлса унда ўзинг кимсан?

Ўзинг ҳам мободо главний қулоқ эмасмикансан? Ватандаги мухолифатни бўлиб, парчалаб, йўқотиб бердинг, энди мухожиротдаги пайдо бўлаётган мухолифатни ҳам бўлиб, парчалаб, тинчитиб йўқ қилиб бериш учун хорижга жўнатилган номер 1-қулоқ ўзинг эмасми?

Сени ёнингдаги ялакиларнинг ёзишича мен отарчи эмишман, тўғри отарчиман, ўзбекнинг азасидан бошка хамма маросими куй-кўшиксиз ўтмайди. Жўрахон Султонов, Хожихон Болтаев, Комилжон Отаниёзов, Маъмуржон Узоков, Фахриддин Умаров, Тавакал Кодировларнинг барчаси тўйга борган, отарчи бўлган, мен хам ўшаларнинг бириман, отарчиликнинг айби, уяти йўк, у жиноят эмас, отарчилик хоинлик сотқинлик-сотарчилик эмас, одам ўлдириш ёки босқинчилик эмас, харомхўрлик эмас, халкка халол хизмат этишдир, санъатдир.

Сен эса Соли шуни унутмагин, бирликни шу отарнинг пули билан тузганман, харакатга жуда кўп отарнинг пули сарфланган, ана шу пуллардан тўпланган йигирма минг рубл харакатнинг пулини 1989 йили сени ўзинг еб кетгансан, сон-саноксиз зиёфатларимда бўлгансан (майдакашлик бўлсада айтишга тўғри келди). Мендан пайдар-пай анашу отарнинг пулидан карзлар олгансан ва албатта уни кайтармагансан. Сен бу карздорликни алакачон унутгансан албатта.

Так-что мендан катта карздорсан, мен уларни “оларим” деган дафтаримга ёзиб кўйганман. Яна ўша И.Ёқибингни ёзишича, мени 1992 йили Ҳусниддин МХХ га тортган эмиш мен Хусниддинни 2004 йили “Озодлик” нинг Тошкентдаги офисида биринчи бор кўрган эдим-ку, минг афсус, барибир мен сенга ачинаман. Бу килмишларингни афсуски Рауф кўрмай ўтиб кетди, у бугун хаёт бўлганида башарангни туфикка тўлдирар эди. Сен бугун шу кадар аянчли киёфага кирибсан, шу кунингдан ўлганинг минг мартта яхши эмасмиди?

Сенга нима бўлди, хеч тушуна олмаяпман, авал 2000 - йилгача туппа тузук одам эдингку, кўрдингми Ватансизлик, амал мансаб дарди одамни нималар килади, сени курашмадинг деб бекор танкид килган эканман, курашадигон жойинг аллақачон колмаган эканку. Ўзингни ўзинг қийнаб шунча маломатларга қолиб нима қиласан? Айни курашадиган пайтинг ўтди-кетди, партиянгни ёшроқ бир эркчига бериб, намозингни ўқиб, диний китобларни таржимаси билан шуғулланиб, қолган умрингни осойишта, сокинликда ором билан ўтқазсанг бўлмайдими?
Барибир сендан 20 йил бадалида президент чиқмади, чиқмади. Энди эса сираям чиқмайди. Демак, президент бўлиш ғоят мураккаб, қийин масала экан. Нима қиласан 5-6та югурдакларингни ҳам, ўзингни ҳам алдаб. Уларга ”конфет” бериб? Барибир бўлмайди-бўлмайди экан-да.
Хоинлик-сотқинлик маносида гапирадиган бўлсак, бунинг бошланиши ҳам охири ҳам сени ўзинг-ку. Бу жирканч манзарани чизган ҳам, уни томоша қилган ҳам сени ўзинг.Халқимизнинг озодлик харакатларини тақа-тақ тўхтатган, демакки, халқимизга хиёнат қилган, уни озодлигининг вена қон томирига болта урган ўзинг эмасми?
Битта оргумент келтираман. 1989-йил 1- октябрь куни ўзбек тилига давлат тили мақоми берилишини талаб қилиб хозирги мустақиллик майдонига қараб бораётганимизда биз Рауф Парфи иккимиз ўшандаги “Братский” кўчасининг бошида намойишчилар сафида турганимизда сен пайдо бўлдинг. Биз сени майдонга намойишга таклиф этдик. Сен эса Америкадан мухбирлар келган. Улар мени кутишмоқда, деб баҳона ишлатиб ғойиб бўлдинг. Ўшанда 20-30 минг одам майдонга йиғилиб, митинг бошламоқчи бўлганимизда Ахмад Аъзам митинг бўлишига қаршилик қилди. Аммо биз барибир намойишни ўтказдик. Анашу кўп кишилик намойишдан чўчиб қолган юртбоши сени чақириб Пўлатовни раисликдан олиш ҳақида кўрсатма берган. Шу кундан бошлаб Абдураҳимга қарши курашни бошлагансан. Сотқинликнинг боши шу ердан бошланган.
Демак, хоину-сотқинликнинг асосчиси сени ўзинг. Ҳамммани ўзингга ўхшатасанда! Мен анави берган интервьюмни қайта ўқиб чиқдим. У ерда айнан сени ўзингни танқид қилган жойим йўқ экан. Умум мухолифатни ёппа танқид қилган эканман. Деворинг захкаш-да, ўзингга олибсан ва тўғри қилибсан. Гап эгасини топибди.
Сени интервьюмдан жириллаганингни сабабини ҳам топдим. У ерда мухбирнинг саволига “энди мухолифатдан ҳам, халқимиз ичидан ҳам президент чиқмайди”, деган менинг жавобим бор. Анашу жавобим сени миянгга қон қуйилишига сабаб бўлган. “Хозирги президент давом этади, ундан кейин қизлари бор, қизининг ўғиллари бор. Бу сулола 100йил давом этади”, деган жавобим эса сени жинни қилиб қўйган. Анашу менинг жавобларимни ўқиганингдан буён сенда уйқу йўқ, менга қараб пулемёт бўлиб отиляпсанлар.
Анави ширлотан Бобожонларинг, танга ўғриси Сафар Бекжонинг туну-кун зириллаб менга сачрашиб мақола ёзиб” таскин топишяпти, сенга бўлган садоқатларини кўрсатишяпти, шекилли, уларнинг ёзганларини Ватанда хеч ким ўкимайди, хорижда эса ёзганларидан нафратланар эканлар.
Барибир сенинг атрофингдаги лайчаларнинг барча харакатлари осмонга отилган ўқдай бекор-беҳуда кетяпти. Улар тоғ деб ўйлаган М.С. қум бархани эканлигини хануз англамаяптилар. Сени ҳаққоний қилган танқидим бугун ҳақиқатга айланди. Худога шукр мен ёлғончи, тухматчи, шонтажчи, виждони бузилган эмас эканман. Хориждаги барча мухолифат аҳли мени ёқлаяпти. Сенларнинг устингдан кулишяпти. Улар менга тўғри ёзгансиз деяптилар. Мамлакатдаги мухолифат ва ҳуқуқ ҳимоячилар ҳам мен томонда, ҳақиқат томонда. Интернет саҳифаларидаги изоҳларни кўраётгандирсан? Қандай чидаб турибсан. Шунақа, ҳақиқат аччиқдир. Аммо у синмайди. Уни синдираман деганларнинг ўзи синади. Шак-шубхасиз.

Сен энди минг чиранма, чиранма, барибир фойдаси йўқ. Бундан буён энди барча харакатларинг, чиранишларинг зиёнингга ишлайди. Ҳаммасини бой бердинг, бутун бир мухолифат ахлини бошини айлантириб, умрини хазон килдинг. Сен мағлуб бўлдинг. Бунга ҳам ўзингнинг молбошлигинг. Ранг ажратолмайдиган далтоник эканинг сабабдир. Буюк бир қудратни, мислсиз тўлқинни йўқотдинг. Энди кеч. Энди ўз феълингдан кўраверасан. Кечагина Абдураҳимнинг устидан кулар эдик, бугун эса, деб сени устингдан кула бошладик. Абдураҳимдан сени “устун”лигинг у ҳар ҳолда митингларда қатнашар эди. Нутқ сўзлар эди. Ташкилотчилиги бор эди. Сенда эса афсуски, совуқ сумбатдан ўзга ҳеч нарса йўқ. Сен харакатнинг биронта ҳам намойишида қатнашмагансан. Бугун эса фақат рўйхат тузиб, мухолифат аҳлига фақат мағзава оғдаришдан бошқа иш қилмаяпсан. Буни сиёсий кураш дейдиларми?
Хориждаги мухолифат аҳли қўлидан келгани қадар курашяпти, улар харакатни тўхтатганлари йўқ. Улар ҳалол курашяпти. Биз уларни кўриб, кузатиб турибмиз. Сенда эса фақат иғво, фисқу фасод, тухмат, уйдирма, ғийбат, қоралаш, мағзава оғдаришдан бошқа биронта фаолиятингни кўрмаяпмиз. Сен ўзингни ғоят тубанлашиб кетганлигингни нахотки сезмаяпсан? Сиёсий кураш бундай бўлмайди шекилли.
Энг аввал курашнинг барча кўриниши Ватанда кечмоғи лозим. Четдаги халқсиз, эл улуссиз курашнинг барча кўриниши мухолиф партиянинг иши эмас. Хорижда ҳам тузуқ-қуруқ фаолият қилмадинг. Ўз китобларингни бошқалар номидан чиқардинг. Бугун эса бир қўлингда диний китобларни таржима қиляпсан, бир қўлингда эса хоин-сотқин қулоқлар рўйхатини тузяпсан. Шонтаж ва монтаж ишлари билан шуғулланаяпсан. Шу курашми?
Сени бугунги аянчли ахволга тушиб қолишингга анови ялақи савод-савиясиз шотирлар сабабчи. У бечоралар сени ҳалиям президент бўлади деб сенга умид боғлаб” йўқ чучворани хаёлан санашяпти. Ўшалар сени охир-оқибат бузишди. Йўқса авваллари хейла дуруст эдинг, жумладан ерда юрар эдинг. Бугунгидай осмонда эмас эдинг. Ўшалардан бири анови очкарик Қудрат “озодлик”деган шарманка радиога ишга қабул қилинибди. Демак, радио ҳам Бобожоновларнинг оилавий радиосига айланибди. Улар яқинда Хоразмдан амма-холаларини ҳам кўчириб боришса керак. Мана энди кўрасан. Эфир кечасию-кундузи сендан бўшамайди. Эшитувчиларнинг меъдасига янада тега бошлайсан. Бу сенга минус бўлади, ҳеч қачон плюс бўлмайди, албатта. Сен балки қўлингдан келгани қадар нималарнидир қилишинг мумкун эди. Сени курашлардан совутиб, чалғитганлар сени харакатдан тўхтатганлар яъни, сени бевақт “ўлдирган”лар ҳам анашу радио ва ундаги қариндош фаррошларинг бўлди. Ўшалар сени жамоатчиликдан ажратди. Дўстларингдан айирди.Она Ватандан жудо килдилар, сени манқуртга айлантирдилар. “Мақтов ширин оғу, ширин ўлдирар” деган Рауфни унутдинг. Бугун не тил билан айтайки, саробга айландинг. Бугун сен қўл оёғи кесик, жонсиз бутсан. Қараб турасан. Аммо англамайсан. Фарқ этмайсан, гунгу-лолсан бечорасан охир-окибат! Мен ҳам бугун сенга бефарқ боқиб Б.Б.Е. деб ўз йўлимда этавераман. Лекин сен ҳам, шотирларинг ҳам ҳар бир гапига жавоб олмай қолмайдилар. Мени узоқда деб билмаларинг, мен жуда яқиндаман, Ватаннинг ўзидаман…

(Ҳозирча охиргиси тугади).
1-ДЕКАБР 2008-ЙИЛ