Салай Мадаминовнинг янги ёлғонлари ёҳуд ўзбекистонликларнинг ҳаммасига Очиқ Хат
“Озодлик” радиосининг ўзбек бўлимини ёлғонлар ширкатига айлантириб бўлган Салай Мадаминов жаноблари энди ўрис тилидаги шўъбасини ёлғонлар билан суғоришга киришганга ўхшайди.

Балки Мадаминов “ўзбеклар ўрис тилини тушунмайди ёки Ўзбекистонликлар “Свобода”ни тинглаб ўтирибдими” дея оғзига эрк бериб кечаги интервьюсини эҳтимол арзон-гаров пуллагандир.Ёки бўлмаса “аллақаерда мухолифат бирлашаётибди экан” дея ҳукуматни сергаклантириб , қатағонларни кучайтириш учун “дон” сепаётгандир.

Азиз Ватандошлар!

Ёзаётганларимни бежиз Очиқ Хат деб атамадим.Чунки “Эрк” фирқаси деб аталаётган гуруҳ раҳбари Салай Мадаминов ( лақаби Муҳаммад Солиҳ )кейинги пайтларда ўзини мухолифатчиларнинг лидериман дейишдан истиҳола қилмай қўйгани майлига, аммо ҳукуматга мухолифларни ўзининг ёлғонлари билан таҳликага қўйяётгани хавфлидир!

Шунинг учун ҳам ҳамма Ўзбекистонликларга Очиқ Хат билан мурожаат қилмоқчи бўлдим.

Авваламбор Салай Мадаминовнинг  "СВОБОДА" (www.svobodanews.ru )радиоси бошловчиси Александр Гостев дастурида иштирок этган Андрей Шарий исмли мухбирига берган интервьюси билан танишинг-да, кейин нима демоқчилигимни англаб олишингиз осон бўлади.

Энг қизиғи кечагина ва бугун ҳам “Бирлик” асосчиси, мухолифат намоёндаларидан бири Дадахон Ҳасанни ва бошқа ҳамма мухолифат етакчилари-ю, фаолларини “қулоқ”, “айғоқ”чига чиқарган ва кўпчилик мухолифатчилар, ижодкорлар, сиёсатчиларнинг кескин норозилик чиқишларига сабабчи бўлган бу кимса қайси юз билан бугун мана бу ёлғон сўзларни “Свобода” радиосида сўзлаяпти׃

Андрей Шарый: А на что вы конкретно рассчитываете? Оппозиция раздроблена, вы живете в изгнании. Каримов очень крепко там все держит, контролирует. Как вы намереваетесь, как возможно практически изменить ситуацию?

Русча саволнинг эркин таржимаси: Мухолифат парчалаб ташланган, сиз қувғиндасиз, Каримов у ёқда ҳамма нарсани маҳкам ушлаган ва назорат қилмоқда, аниқ нимага ишонасиз, ҳозирги мавжуд ҳолатни қандай ўзгартириш мумкин?

Мухаммад Салих: Сейчас уже стали консолидироваться те силы, которые были разобщены в начале 90-х годов, даже в конце 90-х годов. Мы разделялись раньше на демократическую оппозицию, на религиозную, на экономическую оппозицию и на оппозицию внутри правительства. Теперь из этих всех групп создается некая коалиция. Конечно, они еще не объявили о своем объединении, но сейчас идет такая консолидация антикаримовских сил, скажем. Я не говорю, что это чисто демократическая сила. Все те, кто против каримовского режима, поняли, что надо объединяться - и старые коммунисты, и даже религиозные лидеры, которые умеренные лидеры, не радикальный. Внутри Узбекистана очень сильные группы есть, которые действительно имеют влияние над народом. Мы ведем переговоры. Мы ведем диалог с ними…

Русча иқтибоснинг эркин таржимаси: 90 йиллар, ҳатто 90 йиллар охирида бўлинган кучлар бирлаша бошладилар.Бизлар илгари демократик мухолифат, диний, иқтисодий мухолифат ва ҳукуматнинг ичидаги мухолифатга бўлинган эдик.Энди бу гуруҳлардан шундайин бир коалиция тузилмоқда.Албатта улар ҳали ўзларининг бирлашганларини эълон қилмадилар, лекин айтадиган бўлсак ҳозир Каримовга қарши кучлар бирлашуви бўлмоқда.Мен булар тоза демократик кучлар демаяпман.Ҳамма , ким Каримов режимига қарши бўлса бирлашиш кераклигини тушундилар - қари комммунистлар, ҳатто диний етакчилар, радикал бўлмаган осуда лидерлар ҳам.
Ўзбекистоннинг ичида ҳақиқатан ҳам халққа таъсир этадиган ғоят кучли гуруҳлар бор.Биз ҳозир улар билан ўзаро келишувлар, мусоҳаба олиб бормоқдамиз…

Мен унинг интервьюсини вақтимни увол қилиб тўлалигича таржима қилиб ўтирмоқчи эмасман.Фақат унинг бир ёлғони минг ёлғонни бошлаб келаётганидан ҳайратланмаганимни айтмоқчиман.Чунки у такрор-такрор кўпчилик айтиб келаётгандай ёлғонлар билан яшаётгани майли-ю бошқа одамларни ҳам чалғитмоқда.Нафақат Ўзбекистонликларни балки хориж матбуоти орқали энди бошқа мамлакатдагиларни ҳам чалғитишга киришгани ғоят хавфлидир.

Азиз Ватандош, мана ўзингиз айтингчи Салай Мадаминов ( майли ўзи истагандай Муҳаммад Солиҳ ҳам бўлақолсин ) қачон, қаерда мухолифатни бирлаштириш учун ташкилланишни, бирликни тарғиб қилиб бир консолидация тузди.Яна нимаймиш, бирлашаётганлар ҳаммаси ҳам демократлар эмас балки турли тоифадаги кишилар, биз улар билан келишувлар, диалоглар олиб бормоқдамиз, деган мазмундаги ёлғонни едирмоқчи бўлган кишини нима деб аташ мумкин?Фақат астағфуруллоҳ дейишдан бошқа илож йўқ.

Ахир улар демократлар бўлмаса ўзининг интервьюсида айтаётган демократик жамиятни қандай қуриш мумкин? Ёки бўлмаса кеча-аввал куни “Озодлик” радиосининг ўзбек шўъбасига интервьюда “…Каримов бизга фақат қуролли йўл билан ҳукуматни ағдаришдан бошқа йўлни қолдирмади…” деган мазмунда гапирган кимсанинг қай сўзига ишонса бўлади?Ахир иккиюзламачилик ва ёлғончилик, алдамчилик ҳам эви биланда.

Азиз Ватандошлар!

Салай Мадаминовни ёлғон гапириб жамоатчиликни алдашига чек қўйиш керак менимча. Акс ҳолда яна неча йил шу ёлғонлар ҳисобига ўзбек халқи ёруғ кунларни кўрмай юраверади.

Унинг 90 -йилларда парчаланган кучлар бирлашяпти деган гаплари рост бўлишини албатта биз ҳам истардик. Ва бу оддий кишиларнинг кўп йиллик орзуси бўлиб қолган.Лекин афсуски у айтаётган бирлик, ҳамжиҳатлик ( консолидация ) қани?

Муҳтарам Ватандошлар!

Бундай сув юзидаги пуфакча каби зум этмай “пақ” этиб ёрилиб кетадиган  ёлғонлардан кимга наф?

Агар у бирлашишни истаса Каримов душманларини Каримовнинг “қулоқлари” деб ҳақоратлаб, уларга туҳмат қилармиди?

Ўзбек мухолифати лидерлари бирлашмоқда деб сарлавҳа қўйилган суҳбатга. Хўш қайси лидерлар? Ким ким билан бирлашмоқда? Агар бирлашиш ҳақида гап бораётган бўлса бу хусусда сўз айтиш ваколатини унга ким берди?

Ахир Каримовнинг шунча ёлғонлари, лаққилатишлари етмагандай энди сохта мухолифатнинг сохта “лидери”нинг сохталиклари қурбони бўлиб юравериш керакмасдир ?

Бу саволлар сизни ўртамаётган бўлса ўзингиз биласиз. Мени ўртагани учун сизга очиқ хат ёздим.

Ризо Обид