Статистика
Онлайн всего: 1 Гостей: 1 Пользователей: 0
|
Главная » 2008 » Декабрь » 6 » ҲАЖВ
|
Оҳ, ўзимнинг бахтим!
 — Бўлди, ортиқ бундай яшолмайман! — деди Рихсивой бир куни. — Виждоним
йўл қўймайди. Ташлаб кетаман бу хотинни! Бошқа ўзимга ўхшаганини
топаман. Лекин қандай қилиб? Канадай ёпишволган бўлса. Ҳа, айтганча,
бунинг йўли бор-ку!
У
нимадир эсига тушгандек, соатига қаради. Тўққиздан ошибди. Демак,
хотини сменадан қайтгунча улгуради... Рихсивой аввалига икки юз грамм
ароқ ичди. Пиёз, орқасидан саримсоқ пиёз, унинг кетидан балиқ газак
қилди. Энг сассиқ сигаретдан роса чекди. Ў, энди унинг оғзидан шундай
ёқимсиз ҳид таралардики, хотини яқинлашибоқ бурнини жийириши, эридан
кўнгли қолиши аниқ эди. Бу эса, шундай ажойиб аёлни тинч қўйишига
бахтига йўл очишига баҳона... Йўқ, яна яхшилаб терлаши ҳам керак.
Баданидан ҳам ёмон ҳид таралсин. Шундай қилди ҳам. Сўнгра икки йилдан
бери ювилмай жавонда ётган пайпоғини, кир-чир кўйлагини топиб кийди.
Атайин оғзидан сўлакларини оқизиб, иякларига, бўйниларига суртди...
Хотинининг сменадан келиши арафасида подъездга чикдида, тўппа-тўғри
остонага худди ғирт маст каби чўзилиб ётиб олди... Орадан беш дақиқалар
ўтиб кутгани — хотини Холой кириб келди. Эрининг бир аҳволда ёт ганини
кўрди-ю... Негадир қотиб-қотиб кулди.
— Вой ўзимнинг артистгинам-ей. — дерди кулгидан ўзини тўхтатолмай у. — Ўхшатибсиз!.. Роса ўхшатибсиз!
Рихсивой
эса, ҳамон турли бемаза қилиқлар қилиб хотинининг кўнглини айнитишга,
шу бахона юз буришига эришишга уринарди... Натижа чиқавермагач, даст
ўрнидан туриб нолий кетди:
— Эҳ, қанчалар камбағалма-ан! Мен...
Касал бўп қолдим, хотин! Энди ўзимнинг эркаклик бурчимни ҳеч қачон
бажара олмайман! Ташлаб кетишга мажбурман сени! Сенинг бахтингга
арзимайман.
Холой кула-кула уни кўтариб ичкарига олиб кирди. Аввал
яхшилаб ваннада ювинтирди, тоза либослар кийдирди. Сочларини тараб, ана
ундан сўнг бағрига босди.
— Оҳ, ўзимнинг бахтим! Бу нима қилганингиз? Лекин... Сиздан зўр артист чикиши мумкин. Ўлай агар, ролни қотирдингиз!
Рихсивой беихтиёр йиғлаб юборди. У пешонасига биргина аёл билан яшаш ёзилганини энди-энди тушуна бошлаганди.
СОБИР,
Тошкент.
|
|
Жойлади: Маъмур
|
Добавлять комментарии могут только зарегистрированные пользователи. [ Регистрация | Вход ] |
|