Маст туялар
 Сарлавҳани ўқиганингиз ҳамон туянинг орзуси ҳаммом, деган гап
ёдингизга тушгандир.Ҳа, туя ҳаммомни орзу қилади. Ҳозирги пайтда кўплар
худди туя каби орзу қиладилар, аммо худди туя ҳеч қачон ҳаммомга туша
олмагани каби улар ҳам орзу қилиб, лўкиллаб, манзилга ета олмай
юраверадилар. Эҳҳе…ҳали яна қанча орзу
қилишади экан, фақат яратгангина аён. Аммо ундайларнинг бўталоқлари ҳам
туя ҳаммомни орзу қилган каби орзуда ўтиб кетишлари аниқ.
Бечоралар ўзларининг ногиронликларини қаёқдан билишсин.Том кетган
аллақачон. Баъзилари телефонда бир киши билан гаплашиб (телеконфренция)
ўзини Ўзбекистон қолиб бутун дунё ҳукмдори деб ҳам атаб юбораверади.Буш
билан вино ичдим, Обама билан ош едик ҳам деяверади.Хуллас оғзига не
келса шуни дейди.Чунки том кетганда.
Яна биттаси “нуқул, мен айтгандим шундай бўлди, бундан кейин мана
бундоқ қилса мен айтгандай адашмай юраверади” деб қўяди. Ундайларнинг
баъзиси ёш аммо хумбош, бошқа бири эса асога таяниб, кўзойнак тақадиган
ёшдан ўтиб кетиб ҳам ҳануз ўз йўлини топа олмаганини тан
олмайди.Шундайлигини тан олса шайтон елкасидан тушиб орқасига ўтиб олиб
ҳазил қилиб қўйишидан чўчиса керак.
Яна бир бошқаси соқолини патак қилиб олиб, кўзини қурбақаникидай лўқ
этиб нуқул ёлғон тўқиш билан машғул, аммо ора-чора “воҳ оллоҳ” деб
қўйишни унутмайди.
Бу томи кетганларга ишонган беш-олтита бўталоқлар ҳам бор.Улар сарбон
туяларининг букрилиги тузалмас бўлса ҳам қинғир-қийшиқ жойларини
этаклари билан бекитиб тирикчилик қилишади.Бундай туямижозларни маст бўлган
туяларга қиёсласа бўлар.Чунки масттуялар атрофида нима бўлаяпти
аҳамияти йўқ, лўкиллаганча оғзидан кўм-кўк кўпик сачратиб чопиб
бўкирганча ҳаммомни орзу қилишда давом этаверади.
Томи кетганларга қараб туриб ота-буваси карнайчи ўтганмикан бу туямижозларни деган ўй кечади кўнгилдан.
Ҳа, айтгандай ер юзида турли туман нусхаларнинг тури
кўп.Ўзбекистонликлар орасида ҳам шунақанги туямижозлар бўлса нима
қилибди? Ҳечқиси йўқ албатта. Аммо туямижозлар каби айрим уларга
эргашган бўталоқмижозлар ҳам ҳаммом орзусида эканликлари чатоқ… Ризо Обид
|