2008 йил 16 апрель куни укам Бобурни Қоракўл туман ИИБ бошлиғи Алижон Назаров Қоракўл туман ИИБга чақирган.Бобур амаким Мурод Жумаев билан биргаликда Қоракўл туман ИИБга борган.

Рохат Жумаеванинг айтишича, Алижон Назаров Бобурни кўриши билан ҳеч сабабсиз уни ҳақорат қилиб, “Ҳа яна қўмсаяпсанми, сал бизга қарши қадам қўйсанг уч минут ичида ўша ерда бўласан” деб айтган.

Бухоро туман судининг қарорига кўра, Бобур уч йил муддатда уй қамоғида ўтириши лозим экан. Бу уй қамоғи даврида Бобурни назорат қилиш Бобур ва дадамга қарши кўрсатма берган “жабрланувчи”- туҳматчи Алижон Назаровга топширилган.

Ҳозирда Бобурга касалхонага бориб даволанишни ҳам тақиқлаб қўйилган. Бобурнинг соғлиги оғир ахволда, хотирасини деярли йўқотган, бизга айтишларига қараганда ҳатто унинг танасида жароҳат излари ҳам мавжуд.

Бобурнинг паспортини Қоракўл туман Прокуратураси қонунга зид равишда Қоракўл туман ИИБ бошлиғи ўринбосари Алижон Назаровга берган.

Аммам Рохат Жумаеванинг айтишига қараганда, Алижон Назаров Бобурнинг паспортини чўнтагида кўтариб юрган экан. Буни Қоракўл Марказий касалхонасида шифокор бўлиб ишлаётган аммам Рохат Жумаева Алижон Назаров уриб фалаж қилган ҳозирда Қоракўл туман нервология касалхонасида беҳуш ётган Жумаев Хусниддинни даволаётганда кўрган.

Алижон Назаров касалнинг қариндошларига чўнтагидан нимадир чиқариб бермоқчи бўлган, чўнтагидан паспорт тушиб кетган, паспортни олиб бериш баҳонасида аммам паспортнинг ичига қараган, қарасаки паспорт укам Бобурники экан. Аммам Жумаева Рохат паспортни бермайман, бу менинг жиянимники деса, аммамни ҳам ҳакорат килиб, кўлидан тортиб олиб кетган.

Бугунги кунда Ўзбекистонда вазият шу ҳолатга келганки, бегунохлар назоратга олинади, гунохкор, порахўр Али Назаровга ўхшаганлар бировни ўлдирса ҳам ҳеч ким сўрамайди ва бегунох, ҳақиқатни айтганлар устидан назорат қилаверади.