Ота-боболаримиз, момоларимизу оналаримиз қарғанинг қағиллаши шум хабардан дарак, дея бу жонзот бирор-бир дарахтга ўтириб олиб қағилласа ҳайто хуйт дея қўришган.
Сиз эътибор берган бўлсангиз Ўзбекистонда ҳукумат идоралари ҳудудида ғоят кўп қора қорғалар қағиллашиб баланд-баланд дарахтларга қўниб олган.Қора қарғаларни ҳокмиятда ўтирганлар қўримайдилар.Назаримда улар бунга кўникиб кетишган. Қора қарғалар ҳам ҳам қаерда қўланса қон ҳидини сезишса ўша жойга қўнади ёки шум хабарлар қаердан кўп тарқалса ўша жойда макон топадилар деган гапда жон борга ўхшайди.
Мен ҳар-хил башорат ва шу каби турли олдиндан дарак берувчи ҳолатларга унчалик ишонмасдим.Лекин ҳаётдаги кузатишларим бунинг аксини тасдиқлагандай гўё.
Чунки Наманган вилояти ҳокимияти биноси марказда жойлашагани боис одамлар масофани яқинлаштириш мақсадида бирор жойга бориш учун ўша бино олдидаги йўлдан ўтишади.Ўша жойдан ўтаётганларнинг кўпчилиги билан учрашиб қолганда гаплашишга тўғри келиб қолса суҳбатдош:"келинг шу хоситясиз ерда турмайлик.Бирортаси чиқиб келиб хархаша қилиши мумкин.Ундан ташқари қаранг қора қарғаларнинг кўплигини" дея хавотирланганининг гувоҳи бўлганман.
Ҳа, чиндан ҳам Ўзбекистон ҳукуматини бошқараётганлар бошида қора қарғалар айлана бошлаганига анча бўлди.Аммо афсуски улар бунга худди ўша қарғалар каби бепарво.
