Фазлиддин, Бухородан
Бухоро шахрининг Отбозор турмасида тўрт ойдан ортиқ вақтдан буён ётган миллий шоир Юсуф Жумаевнинг соглиги ёмонлашган. Шундан кейин шоирни Бухоро вилоят Марказий касалхонасининг юрак касалликлари бўлимига олиб борганлар. Юрак касалликлари буйича муолажа олган шоирни нервология бўлимига хам олиб ўтиб даволаганлар. Вилоят касалхонасидаги номини ошкор қилмасликни сўраган докторнинг айтишига қараганда Юсуф Жумаев касалхонага чўлоқланган холда кириб борган. Унинг бир оёги йиринглашиб шишиб кетган экан.

Бу вокеалардан кейин биз шоир билан боглик холатни ўрганиш учун Бухоро вилоят Отбозор турмаси рахбарларига мурожаат қилдик. Улар бизга жавоб беришни исташмади ва бизнинг айтганларимизни рад хам қилишгани йўқ. Биз шоир Юсуф Жумаев билан Отбозор турмасида учрашиб чиққан шоирнинг опаси Рохатой Жумаевадан охирги кўрганингизда шоири замоннинг соглиги қандай эди деб сўраганимизда у қуйидагича жавоб берди:

-Мен кўрганимда унинг ранглари сарғайган, соч сақоли оппоқ эди, рухий ва жисмоний қийноқлар ўтказилгани рангидан сезилиб турарди. У бизнинг олдимизга хам бир оёғини зўрға босиб юриб келди. Менинг назаримда у соглигидан фақат бизни уйлаб шикоят қилмади, у хар доим ўзидан бошқа хаммани ўйлайди.

Биз шоирнинг Бухоро турмасидан яқинда чиққан ўғли Бобир билан ҳам сухбатлашишга харакат қилдик, аммо уни Қоракўл туман ИИБ чақирганликлари сабабли у билан боглана олмадик. Шоирнинг қариндошларининг айтишига қараганда Бобур қамоқдан чиққандан буён бир кун хам уйда тинч ўтира олмаган, уни ҳар куни Қоракўл туман ИИБга чақириб тергов қилишаётган ва Ватандан чиқиб кетган оила аъзоларини Ўзбекистонга чақиришни таклиф қилишаётган эканлар.

ИИБ ходимларидан бирининг номини ошкор қилмасликни сўраб айтганларига кўра Бобурни ҳар кун паспортингни олиб кет деган бахонада чакиришиб, лекин паспортини бермай қайтариб юбораётган эканлар. Бунга сабаб Бобур Европа иттифоқи санксияларни қайта кўриб чиқиши муддатидан илгари паспортини олса Европа давлатлари ва Америка Қўшма Штатларининг элчихоналарига бориб, турмадаги дадасига, укаси Машраб ва ўзига ўтказилган қийноқлар ҳақида гапиришидан хавотирланаётган эканлар.

Айни вактда шоирнинг тортиб олинган мол-мулкини Бухоро вилоят хўжалик суди орқали хужжатлаштириб расмийлаштиришган. Хозирги кунда шоирнинг ерлари шоирни сотган сотқинлар орасида тақсимланган. Юсуф Жумаевнинг уч қаватли уйини шоир доимо ёмон кўрган, Махаллага — МХХнинг айғоқчиларига — халқнинг сотқинлари тўдасига идора қилиб беришга қарор қилинган.

Шоирнинг тақдири билан боглиқ янгиликлар билан келгусида хам таништириб боришга харакат қиламиз.