Зиндондаги буюк фикр соҳиби ЮСУФ ЖУМА мақолалари (9)
ТАҲРИРИЯТ׃ Ўзбекнинг буюк фикр соҳиби Юсуф Жуманинг барча мақолаларини “ТУРОНЗАМИН” интернет сайтида эълон қилиш баробарида Демократик Ўзбекистон Конгресси ўз кутубхонаси хазинасига жамлаган.
Бугун ғоят долзарб бўлган Юсуф Жума асарларини биз ҳам эълон қилиб борамиз.
Бизнингча
демократия даъвосидаю аммо диктатор Каримовга ялтоқликни тарғиб
қилаётганлар Юсуф Жума асарларини эълон қилишга бошлашса қилган
гуноҳларидан бироз фориғ бўлишармиди.Майли ундайларнинг ўзига ҳавола.
Бизнинг саҳифада ўзбекнинг буюк фикр соҳиби Юсуф Жума асарлари билан танишинг.
* * *
Ислом Каримовнинг тиққиси
– Нега мени ҳар куни тинимсиз калтаклаяпсиз. Айбим йўқ, туҳмат билан қамаганларинггиз камми?
– Айбинг йўқми?
– Айбим йўқ
– Отанг ким?
– Юсуф Жумаев…
– Айбинг мана шу! Юсуф Жумаевнинг ўғли бўлганинг сени керак бўлса ўн кун калтаклашимизга етиб ортади…
Бу Сухбат ўғлим Машраб билан «Отбозор» турмасининг опер гуруппа
бошлиғи Отабек Бадалов ўртасида бўлиб ўтган. Ўғлимни 21 кун «Отбозор»да
дубинка билан темир билан калтаклашган. Бошига, ичига, буйраги устига,
оёқлари остига тиззасига дубинка билан калтаклашган. Ногирон ўғлимни
қийноққа солишди. Юрагимни суғуриб олиб 21 кун калтаклатди қутурган
Каримов.
Буни «Озодлик»нинг «Поёнсиз интернет оламида дайдиманг» деб
минғирлайдиган Ҳурмат Бобожон ва Каримов яллачилари билан ёшлар вақтини
безаб келаётган Самандарлар ҳис қилмайди. Кўчасидан шамол эсса баҳона
қилиб ҳорижга қочиб, озодликни онасининг уйига айлантирди. Тўрт қатор
шеър ёзолмайдиганлардан, ҳатто Андижон қирғини ҳақида икки қатор шеър
ёзолмаганлардан ҳатто четда туриб қутурган Каримов жиноятчи эканлигини
айтолмаганлардан қаҳрамон ясаб, пир ясаболди қочдиларни доллар қилиб
юрган кимсалар ҳис қилмайдилар. Бир икки совуққина хабар беришдию,
тинчишди. Билмадим қутурган Каримов уларнинг оғзига нима тиқди?!
Ахир бутун мамлакат аҳлини инига тиқиб овозини ўчирган бир пайтда
ПИКЕТ қилишга журъат қилиш ўлимни бўйнингга олиш билан баробар. Қоракўл
туман ИИБ жиноят қидирув бўлими ходими Абдулатиф : Президент Андижон
ахлини қириб ташлади, битта оила нима бўлибти деган ўғлим Машрабга. Бу
қутурган Каримов сўраётган Ўзбекистон.. Прага эмас, Озодликнинг минбари
эмас! Нега сен прагада туриб сукут сақлайсан. Нима Каримовнинг тиққиси
шунчалар ширинми?!
Ўғлингни биз қамамадик, биз калтакламадик дейишларинг аён. Ё
қўнғироқ қилдик, тушолмадик дейишларинг ҳам мумкин. Юракдан истаганлар
қўнғироқ қилиб топдилар. Ахир Сизларга ўғлимни қийнаётганлиги тўғрисида
маълумот бориб турдикку. Сизларни эса Руслан Чагаев сариқ бўлганми,
йўқми кўпроқ қизиқтиради. Дунё хабарларида Руслан Чагаев,
эшиттиришларда Руслан Чагаев, ёхуд аллақандай футболчилар. Самандар
“Озодлик”ни Каримовнинг спорт каналига айлантирди. Ота ўғилда, келин
куёвни ҳам «Озодлик»да тиклайди. Лекин мен ва менга ўхшаганларга
келганда сукут сақлайсизлар. Жиноятчи жиноятини сукут сақлаб томоша
қилиб туриш ҳам жиноятдир. На илож, ихтиёрларинг ўзларингда. Сизларга
қутурган Каримов тиққиси ёқиб қолган экан, оғзинггиздан чиқарманг
буюрсин!
Юсуф Жумаев.
14.08.07.
|