ЮСУФ ЖУМА

13 май, 2005 йил, Андижон қирғини…

13 май 2005 йил…

Бу санани хар дамда эслаб тур узбек!

Бу санани унутма, дунё! Унитма инсоният!

Балки дунё унитар, йук-йук, дунё унутмайди. Вакти вакти билан эслаб туради. Ахир Европа, Европанинг 26 мамлакати дод деб юборди. НАТО дод деб юборди. АКШ сенаторлари Тошкентга учиб келдилар, дод дедилар. Бирок мусулмон дунёси жим. Бирон бир араб мамлакати дод демади. Икки мусулмон мамлакати бирлашиб дод деганини эшитмадим. Балки мен эшитмагандирман, ахир дунёнинг бир чеккасидаги бир кишлокиман. Бирок дунёдан хабардорлар хам дейлик Эрон билан яна бир ислом мамлакати бирлашиб, норозилик билдирганини эшитмадилар. Чеченистоннинг конуний президенти, Ватан ва озодлик курашчиси Аслан Масхадов улдирилганда хам Европа нарозилик билдирди. Польша хукуматига минг куллук, очикдан очик Путиннинг конхур хукуматига норозилик билдирди. Тагин Польша хукумати Узбекистон диктаторини судга тортишни талаб килди.

13 май 2005 йил Андижон.

Мен дунё хакида гапираётиб уялиб кетаман. Дунё катта холамизнинг эри эмаску ундан бизнинг дардимизни чекавер деб талаб килсак. Узимиз-чи, узимиз?!

13 май 2005 йил Андижон.

Гудаклар отилди.

Хоразмда туйлар булиб утди.

Бухорода туйлар булиб утди.

13 май 2005 йил Андижон.

Оналар отилди, хатто хомиладор оналар отилди.

Самаркандда туйлар булди.

Тошкентда туйлар булди.

Сурхону Кашкадарёда туйлар булди.

Коракулда, бизга кушни кишлокда туй булди.

Озодликнинг узбек журналистлари айрим далилларни йиглаб укишди.

Мамлакатда куша-куша карнайлар куйилиб халк-узбек туйлар утказди.

Андижон фожеасидан кейин атайлаб килгандай «Машъал» радиоси хар куни соат ун бешта кам ун туртда бир отарчининг «Кудажонлар уйнасин» кушигини такрор-такрор эшиттирди. Хар куни, мунтазам. Хатто май тулиб июнга утди соат иккига якин тагин «Кудажонлар уйнасин»

Келин куёв бахтига

Кудажонлар омон булсин.

Келаси йил неваралар туйида

Кудажонлар омон уйнасин.

Мана шундай сатрлардан иборат кушик. На оханг ва на кофия бор бу «шеър»да. Тагин мотам кунларида. Нима бу азадорлардан кулишми?!

«хузурбахш кушиклар, шодлик тароналари». Ё тавба! Ё фалак! Минг лаънат!

Балки тасодифан шундай булгандир дейишинггиз мумкин. Дейлик, кудажонлар уйнасинни «Машъал» тураларидан бири яхши курар. Атайлаб килмагандир дейишинггиз мумкин. Йукса Озодлик мухбири ва ахли Андижоннинг гувохлик беришича куча буйлаб утаётган, никоб кийиб олган кули кон жаллодлар—аскарлар, Андижон халкига тиржайиб утишган. Рузи Махшаргача унитманг, тиржайиб утишган. Хак деб майдонга чикканларни отганлар азадор Андижон халкидан кулиб утишган. Ё фалак, бундай тубанликни бизнинг юртдан бошка яна кайси юртда кургансан.

14 майда кушни кишлокка жанозага бордим. Бир муаллима огир касаллик туфайли оламдан утди. Мархумани эндигина кабрга куйиб келиб, вакти вакти билан куръон тиловат килиб туришардилар. Янги одам келса бир икки оят укишар, кейин яна гийбату миш-мишлар колган жойидан давом этарди. Мен даврага якинлашаётганда Озодлик радиоси хакида гап кетаётганини эшитдим. Мархуманинг эри сурида утириб олиб, ОЗОДЛИК радиоси хакида тиржайиб (тагин тиржайиш, нима бало бу миллатнинг бир кисми жинни булиб колганми) лоф урарди. Озодлик журналистлари кушиб-чатиб гапирар эмиш. Йукса уларга пул каёкда эмиш…

Бу кимса шунчаки оддий одам эмас, укитувчи, ёши хам анчага бориб колган. Хозиргина умр йулдошини тупрокка топширган кимса. Ё тавба, нахотки шундай бемаъни гапларни кунглинг кутарса. Ахир ерга хазонни эмас рафикангни куйиб келдинг. Тиржайганинг етмаганидек, СНБнинг малайларидек хакни айтганларга бухтонинг нимаси?

13 май 2005 йил Андижон.

Халкни отган, етим есирларни отган аскарлар Андижон кучаларидан тиржайиб утаяпди. «Машъалда» кушикчилар тиржайиб, «Кудажонлар уйнасин»ни куйлашяпди.

Аёли улган кимса аёлининг жанозасида тиржайиб «Озодлик»ни гийбат килмокда.

Бу жинни кавмнинг носоглом президенти хар йил 9 май хотира куни хотира майдонига келади. Мустабид пойида Эркин Вохиду Абдулла Орифлар тиржайиб кул ковиштириб турадилар. Диктатор хар гал иккинчи жахон урушида фалонта узбеклар халок булди деб тиржайиб куяди. Диктатор тиржайганда унинг ялокхурлари хам тиржайиб куядилар.

Республика прокурори 13 май Андижон вокеалари муносабати билан матбуот анжуманига кутилмаганда И.Каримов кириб келади. Хакикатни айтаётган хорижий журналистлардан даргазаб булиб келган мустабид анжуман охирида яна тиржая бошлайди. Жанозада тиржаяди, мотам кунида тиржаяди.

Мустабид маддохи Эркин Вохид телеэкранда тиржайиб гапирди. Етмиш яшар йигитча байрамона кайфиятда ёшларимизни ёвуз кучларга бермаймиз деб гапирди. Андижон мазлумлари унинг назарида ёвуз кучлар. Яна бир маддохи, малайи Абдулла Ориф мазлумларни жужалар деди. Тиржайиб гапирди.

13 май 2005 йил Андижон.

Халк отилди. Андижон Антлантидага айланди. Атлантида сув остида колган булса, Андижон кон остида колди. Андижон кон уммонига гарк булди.

Халкни тинч намойишчиларни –мазлумларни отишга ким буйрук берди.

Мустабид Ислом Каримов буйрук берди. Бу дунёга аён. Бу хакикатни хамма билади. Буни билиш учун вали булиш шарт эмас. Бу хакда гапирмокчи эмасман.

Хуш, жаллодбоши буйругини кимлар бажарди.

Биров БТРларни минган армия дейди.

Биров Алматовнинг миршаблари дейди.

Биров Иноятов СНБси дейди.

Биров Армия, СНБ, МВД дейди.

Албатта, хамма хак. Хеч ким эътироз билдирмайди. Мен эса халкни халк отди дейман.

Менга эса хамма эътироз билдиради. Халк узини узи отадими?!

Ха, отади! Андижонда отдику!

Халк уч кисмдан иборат:

1.Мазлум кисм

2. Хоин кисм

3.Томошабин кисм

Бизда, яъни мустабид сураган юртимизда доим мазлум кисми ахолиси камалади, таъкиб килинади, отилади.

Хоин кисми хамиша таъкиб килади, камайди, отади.

Томошабин кисми хамиша томошабин. Аслини олганда мазлумлар отилиб турганда томошабин булиб туриш хам жиноятдир. Афсуски, бунга карши хатто дунёнинг адолатли конунларида хам жазо йук.

Купинча хоин кисм томошабин кисмни узига малай килиб олади. Дейлик, Абдулла Ориф мазлумларни жужалар деса, бу хоин кисмга томошабинлар карсак чалади. АОрифга чопон кигизишади.

Алкисса, халкнинг мазлум кисми бизнинг кавмда хамиша –хамма замонларда кам сонлидир. Шу боисдан хамиша маглубдир. Томошабинлар хам уларга карсак чалиб тургач янада куп сонли булиб хамиша голибдир. Тагин менга эътироз билдирадиганлар купаяди. «нахотки, одатдагидек ошириб юборди».

Энг яхшиси ракамлардир. Икки карра икки турт десам хеч ким эътироз билдирмайди. Далилларга кулок тутинг:

Хожи, кахрамон, давлат арбоби Абдулла Орипов рахбарлик килаётганУзбекистон Ёзувчилар уюшмачсида мингдан ортик аъзоси бор. Майли мингта дейлик, мингта классик!

Классиклигини тасдиклайдиган аъзолик дафтарчаси бор. Шу мингтадан факат икитаси очикдан очик Андижон киргинини коралади. Дадахон Хасан ва Гулчехра Нуруллаева. Бошкалар ё хоин, ё томошабин кисмга киради. Халкнинг, келинг яхшиси ракамларга кайтайлик. Мингтани юз фоиз деймиз. Мингта ёзувчи юз фоиз булса, демак унта бир фоиз. Мазлум тамони бир фоиз хам эмас. Бир фоизнинг ундан иккиси. Менинг бу далилимга хеч ким эътироз билдирмайди. Зиёлиларнинг зиёлилари булган классикларнинг 99,8 фоизи ё хоин, ё томошабин.

Хатто мен хурмат киладиган Миразиз Аъзам хам «Озодликка» «Андижон хакида маълумот ола олмадим», деди. Бу гапига ишонмадим. У хам томошабинликни танлади.

Аввал Ватан кейин жон деган Жамол Камол куйиниб гапиргандай булди. Отда вакти мустабид пойини ёстик килган Жамол Камол отдан тушгач, «Аввал халк, кейин жон», демокда. Унинг самимийлигига шубхам бор. Майдалашмайлик. Далилларга эътибор беринг: битта хам буйрукни – золимнинг халкни отиш тугрисидаги буйругини бажармаган харбий хакида хеч ким эшитмади. Битта хам СНБ ходими халк тамонга – мазлумлар тамонга утмади. Битта хам миршаб мазлумларни химоя этмади. Холбуки, Украина ва Гурузияда бутун-бутун армия кисмлари, миршаблар халк томонга утдилар. Биздай шарманда булган миллат дунёда борми?!

Ёраб, нетайин не юз каролиг булди, деяётгандай Мирзо Бобир. Золим Каримов Хатто урис боскинчилари килмаган жиноятларни килди. Улар Дукчи Эшонни болалар куз унгида осган эдилар. Лекин болаларни осмаганди. Бу жаллод – ИКаримов отишни болалардан бошлади. Хатто ёруг дунёни курмаган хомилаларни отди. Хомилаларни халкка отдирди. Хоин кисмига отдирди.

Халкни халкка отдирди. Халкни халк отмаганда битта куркок, юраксиз мустабид тахтдан кетарди, кон тукилмасди.

Халкнинг мазлум кисми отилди, шахидларни эслаб шу мазлум кисми йиглади. Кузларининг конлари сой булиб окаётган мазлумлар, халкнинг хоин кисми БТРларда тиржайиб утди. Томошабин кисми киргинни тиржайиб томоша килди.

13 май 2005 йил Андижон.

Кимдир узини сиёсатчиман деб айтиши учун давлат рахбари булиши керак. Камида бир партиянинг, ё бир ташкилотнинг рахбари булиши керак. Энг камида лидерларидан бири булиши керак.

И.Каримов сиёсатчи! Чунки у давлат рахбари.

А.Пулатов сиёсатчи! Чунки у «Бирлик» рахбари.

М.Солих сиёсатчи! Чунки у «ЭРК» рахбари.

Бизда сиёсатчилар анчагина. Узларини сиёсатчиман дейдиган инсон хукуклари химояси билан шугулланувчи ташкилотлар рахбарлари хам бор. ИКаримов сиёсатчилига караб хулосага келсанг, сиёсатчи дегани калла кесарлар бошлиги эканда дейсан.

А. Пулатову М. Солих сиёсатчиликларига караб хулосага келсанг, сиёсатчи дегани халкни тескарига бошлайдиган, башоратлари хеч качон тугри булмаган фолбиннинг узгинаси эканда дейсан. Бу икки собик биродарлар, фолбин сиёсатчилар 2003 йилда партияларининг курултойларини утказдилар. Иккаловининг хам курултой учун ёзган нуткларини укиганман. Иккови хам хаммани хукумат билан, шахсан хурматли президентимиз билан мулокотга чорлашганди. Бу гоя 2003 йилнинг кузида «САЁХАТ» мехмонхонасида утган Пулат Охуннинг анжуманида хам бош гоя булди. Пулат Охун хам «БИРЛИК» лидерларидан. Демак, у хам сиёсатчи.

Хуш, Каримов билан мулокотдан натижа чикмаслигини, унинг истеъфосини талаб килишни бош вазифа килишимиз керак деган Елена Урлаева ким? У сиёсатчи эмас, у бир фаррош.

Фолбин сиёсатчилар нохак булиб чикдилар. Шунинг учун хам сиёсатчиларда.

Елена хак булиб чикди, шунинг учун хам у сиёсатчи эмас «фаррош».

Майли утганларни—уларнинг хатоларини санасак бесанок булиб чикади. Улар хеч качон бирон хатосини тан олмадилар. Аслини олганда хатоларини, жиноятларини тан олмайдиганларни сиёсатчи дейдилар. Елена Урлаева ва менга ухшаганлар сиёсатчилар эмасмиз, биримиз фаррош, биримиз чупон, хуллас гунохкор бандалардирмиз.

Бас, бу бисмиллохдан муддао нима?!

13 майда Андижон киргинидан дунё ларзага келди, факат Бирлик лидерлари огизларига талкон солиб олдилар. Хатто куролли кузголон деб коралаганлар. Улар демократларда. Улар икки юз йилда бир тугиладиган дахолар. Бутун дунё дод дегач ноиллж садо бера бошладилар. Узбекистонни боткокдан чикаришнинг йули «БИРЛИК»ни руйхатга олиш эмиш. Ё фалак, кули кон Каримов уларни руйхатга олса олам гулистон. Фолбин сиёсатчи (мени фолбинлар кечирсин, купинча улар башорати тугри чикади) икки юз йилда бир тугиладиган сиёсатчи. Андижон мазлумларининг кони билан «БИРЛИК»ни руйхатга олдирмокчи ва Узбекистонда демократия курмокчи. Иккинчи фолбин сиёсатчимиз М Солих тинч инкилоб, адолатли сайловлар йулини курсатди. Майдонга бир бурда нон сураб чиккан мазлумларни отган мустабид, эртага халкни отмаслигига кафил була оладими?!

Хам БИРЛИКнинг хам ЭРКнинг лидерларидан, демак «сиёсатчи», кахрамон, буюк хофиз ДАДАХОН ХАСАН хам: халк денгиздир, халк тулкиндир, халк кучдир, деб халкни майдонга таклиф этди. Менга ухшаган гул бандалар, гунохкор бандалар сиёсатчиларга эътироз билдириш гунох эканлигини билсам хам, яна халкнинг отилишига йиглаб утирмаслик учун дахоларимизга эътироз билдираман.

Биламан, халк майдонга чикканда «БИРЛИК» хам, «ЭРК» хам катакка кириб кетади. Нега Галима Бухарбаева Андижонга борди Васила Иноятова бормади, Отаназар Ориф бормади. Бир замонлар Горбачёв даврида катакдан чиккан кахрамонлар 15 йилдан буён катакдалар. Фарзандлари чикмайди. Узлари чикмайдилар. Халк чикади. Купларининг фарзандлари хорижда, купларининг фарзандлари узлари билан катакда. Бир имкон тугилса бир огиз гапириб, укейин йиллаб чиллага кириб кетадилар. Буёги куриниб колган Каримовга халкнинг мазлум кисмининг кучи етмайди. Бу гапни 2003 йил Европада Тикланиш ва Тараккиёт Банкининг йигинида айтганман. На суд, на намойиш йули билан халк Каримовни енгга олмайди. Дунё бу натовон халкка ёрдам берсин деганман. (Ушанда хам Абдурайим Пулат Банк йигинини олкишлаган эди).

Ракамларга, аникроги сон санокларга эътибор беринг. Факатгина Ички Ишлар вазирлигига карашли 800 мингдан бир миллионгача ходим борлиги айтилади. СНБ, Прокуратура, Армия, Хокимимят ходимларини хам кушганда дахшатли сон пайдо булади. Бу хали хаммаси эмас. Сон санокка эътибор беринг, бешафкат сон санокка эътибор беринг. Майли сонларни камайтира колайлик. Диктаторнинг барча зуравон кучларида бир миллион ходим хизмат килади дейлик. Хар бир ходимнинг оила ва якинлари яъни унинг хисобидан яшаётган, уни куллайдиган, унинг ишдан кетмаслиги учун диктаторни ёклайдиган унта одами булса ун миллионлик дахшатли ракам пайдо булади. Хали бунга халкнинг томошабин кисми кирмайди. Мана шу боисдан хам И.Каримов карийб 20 йилдан буён тахтда. Бир замонлар 90-йиллардаТолиб Ёкубов «Бирлик»нинг «Мустакил хафталигида» бир макола ёзган экан. Якинда кайта укиб чикдим. Толиб Ёкубов миршаблару, айгокчиларнинг чириб кетган диктатурани химоя килаётганига хайрон булади. Мана орадан 15 йил утди. Бирок чириб кетган диктатура хамон хукмрон.

Халк уч кисмдан иборат булганидек мухолифат хам уч кисмдан иборат. Мазлум кисми Елена Урлаевадек мазлумлар озодлиги учун мудом мазлумлар ичида. Утдан хам сувдан хам хайикмайди. Собитхон Устабоевдек диктатор Каримов истеъфосини сураб бир узи куча юриши килади, камалади. Хоин кисми мухолифат ичида юриб, сирини олиб, сотади. СНБнинг маълум максадларга каратилган фиску фасодини дину имон, озодлик шиори остида таркатади. Битта мисол Каримов демакротия калкони булган Гарбу, АКШдан бутунлай юз угиришга узок муддат тайёргарлик курди. Айрим мухолифат вакиллари хам бу йулда хизмат килдилар. Хар даврада, хар ерда, хар даврада диктатор Каримовдан АКШ ва яхудийларга карши ташвикот олиб бордилар. Бу гоя Каримов ва унинг ташкилотларидан чиккан гоя. Бундай ташвикот Каримовга кул келди. Бундай ташвикот халк учун хиёнатдир. Тагин Узбекистонга АКШ сенаторлари етиб келди. Андижон киргинидан даргазаб булишди. Эрон сиёсатчилари эмас АКШ сиёсатчилари етиб келишди. Хатто Эрон элчиси Каримовнинг уйинчок текширувига рози булиб, конхур хукуматнинг уйинига кушилди. АКШ дод демокда. Европа дод демокда. Мусулмон дунёси уятсизларча сукут сакламокда.

Мен жуда хурмат киладиган Толиб Ёкубов Эрон радиоси мухбирининг «Андижон фожеасида нега Россия ва Хитой Каримовни куллаяпди?» деган саволига жавоб берар экан, Россия ва Хитой бир четда колиб, асосан АКШга нисбатан айбнома укиди. Тугри Толиб Ёкубов катта ташкилот рахбари, демак М.Солих ва А Пулатовлар даражасида «буюк» сиёсатчи. Бирок нафакат Андижон киргини, инсон хукукларининг барча масалаларида АКШни РОССИЯ ва Хитой билан ёнма-ён куйиш ноинсофликдир. Нахотки, сиёсатчиликнинг юкори чуккиси ноинсофлик булса?!

Нега Толиб Ёкубов Каримов тузган уйинчок текширувга АКШнинг эмас, Хитой, Россия, Эрон элчихонаси кушилганини айтмайди. Хеч булмаса миллат такдири хакида гапираётганда бегараз булайлик. Инсоф билан айтиш керак Грузия ва Украина рангли инкилоблари АКШ сиёсатининг, Ж.Буш сиёсатининг окибати эмасми?! АКШга суянмаса Узбекистонда демократия булмайди. 26 миллион халк кучага чикса хам булмайди. Факат Каримов хукумати эмас, Москва ва Пекин хукумати хам бу халкнинг демократияда яшашига карши. АКШ ва ЕВРОПА демократиянинг икки канотидир.АКШ хукумати, сиёсатчилари мустакил, халкаро терговни талаб киляпди. АКШ Каримовга нисбатан бир зум хам хайрихох булган эмас. Эсланг, Гулнора Каримова масаласи бекордан бекорга юкори даражаларда курилган эмас. Уша дакикалардан бошлаб маккор диктатор Россия ва Хитой багрига узини ура бошлади. Яна бир гапни очик айтиш керак АКШ мухолифат томонда хам ёругликни кам кураяпди.

Мухолифатнинг томошабин кисми халкнинг томошабин кисмига кушилиб, сандалининг остига кириб, бола чакаси билан хотиржам томоша килмокда. Яхши кунлар келса улар сандалининг остидан чикиб тахтга интиладилар. «Биз хакикий мухолифатчи эдик» дейдилар. Шу уринда тахт хакида бир огиз суз: тахт хали бушагани йук. Бушамаган тахт учун мухолифат дахолари бир бирларини емокдалар. Улардан купчилиги Жахонгир Мухаммад чакиригига кушилмайдилар. НЕГА?!

«Бу чакирик Жахонгирдан чикди, тахтни Жахонгир эгаллаб олмасин» деган хавотир боис кушилмайдилар. Бошка сабаб йук. Тахт бушаган булса хам майли эди, бушамаган тахт учун кураш.

Мен ун миллионлик Каримов тарафдорлари хакида гапирган эдим. Тагин томошабинлару ит мушук мухолифатчилар. Томошабин мухолифатчилару уларнинг аталахурликдан бошка нарсага ярамайдиган болалари Каримовнинг тахтдаги умрини узун килмокдалар. Бу куп милёнлик халк хакида нарози булиб шеър ёзсанг, айрим дахоларнинг халк парварлиги тутади. Нега сен халкни хакорат киласан, сен балки туркмандирсан, балки арабдирсан, балки яхудийларга сотилгандирсан. Нега АКШга кетмайсан, дейишади.

Халк майдонга чикканда кочиб колишади. Дарвозаларини кулфлаб аталахур фарзандларини хам узлари билан сандали остига оладилар, ёхуд хорижга чикариб юборишади. Андижон болаларини кирилаверсин, Фаргона болалари камалаверсин, Коракул болалари захарланиб, кувгин килиниб, яраларидан йиринг окиб юраверсин. Улар хисобига тахт бушасин. Кейин майдонга чикишни биздан курадилар. Горбачёв замонида чиккандек чикамиз. Халк майдонга чик, болаларингни хам олиб чик. Конхур Каримов отади. Нима булса булсин тахт бушасин, деб уйлашади улар.

Жахонгир Мухаммаднинг ИАК асарида бир дахшатли манзара бор: кочиб юрган Мурод Жураевнинг угли касалхонада сирли равишда оламдан утади. Каримов жанозага келган отани ушлаб камамокчи булади. Мухолифатчининг угли шу максадда улдирилган булиши мумкин. Мухаммад Солихга Жахонгир Мухаммад бахтикаро отага таъзия билдиринг деб, кунгирок килдиради. Мухаммад Солих таъзия билдиргач тиржайиб дейди: Ахмок йиглаяпди. Водариг, сафдоши углининг жанозасида тиржайиб кулади. Каримов жанозада тиржаяди. Маддохлари А.Ориф ва Э.Вохид тиржаядилар. Котил аскарлар Андижон халкига тиржаядилар. Булар майли мухолифат пешвоси хам тижаяди. Ё фалак…

Яна оз сонли мазлумлар майдонга чикса, яна киргин барот булса. Яна тиржайсалар, гудаклар кони эвазига тахтни олсалар.

Бир она конидан синса бедодлик

Бир гудак конидан унса озодлик.

Уларга умр бер, эй парвардигор,

Майли мен кул булиб утайин абгор.

Кизалок жон берса толеъ бахт кулса

Етимлар отилса озодлик булса

Уларга умр бер, эй парвардигор,

Майли мен кул булиб утайин абгор.

Номард, халк кирилса, сен колсанг омон

Озодлик шаробин айласанг уммон.

Хуни эвазига мазлумнинг, хайхот,

Килиб олмокчисан юрт тахтини от.

Майли элни эрк деб майдонга бошла

Сафларнинг бошида сен кадам ташла.

Бахт бир сенга эмас элга буюрсин

Хурлик деб ут кечган хурликни курсин.

Дунё, аввало Европа тугри йулни танлади. Халкаро мустакил текширув масаласини кутариб чикди. Бунга Каримов кунмайди. Хуш, нима килмок керак?!

Халкаро микёсда, БМТ даражасида куриб чикиб, Каримовга нисбатан куч куллаш керак. Узбекистонга нисбатан эмас, Каримовга нисбатан куч куллаш керак. Сиёсатчи Солих нималар деяпсан, Каримовни эмас сиситемани йук килиш керак дейиши мумкин. Тагин Узбекистонни хонавайрон килмокчимисан дейишлари хам аён.

Жаноб сиёсатчи! Хеч качон Узбекистон Ирок булмайди. Каримовнинг сиз айтган системаси, «буюк кушини», Алматовчилару Иноятовчилари факат оч юпун мазлумларни отишга кодир. Бошка нарсага ярамайди. Халкаро куч каршисида таслим булишдан бошка чоралари йук. Вактинчалик бошкарув кенгаш тузилади, кейин адолатли сайлов булади. Дунё демократиясига таянмасак, денгиз халкни мустабидга, мустабидбаччаларга отдираверамиз. Дунёга хориждаги узбеклар 13 май 2005 йил Андижон киргинини дод деб эслатиб туришлари лозим. БМТнинг бош идораси олдида дам олиш куни эмас иш кунлари намойиш килиш керак. Чодирлар куриб ётиб олиш керак. БМТнинг бош идораси, Ок уй Узбекистонда жойлашган эмаску. Чилладан чикинг хориждаги узбеклар. Мабода пулларинггиз булмаса, мен молларимни сотиб, пулини юбораман. Елена Урлаева фаррошлик килиб топган пулларини туплаб юборади. Худога минг шукрки мен хечкимдан грант олмаганман, олганимда хаммасини сизга юборардим.

13май, 2005 йил Андижон киргини. Бу санани, бу жумлани рузи махшаргача унутма,узбек. Ёзиш имкони булган барча жойга ёз. Аввало калбингга ёз, хотирангга ёз, хаёлингга ёз, кузларинг карогларига ёз.Уйингнинг эшигига ёз, болангнинг сумкасига, дафтарларининг, китобларининг муковаларига ёз. Кучаларга, деворларга ёз. Тогларнинг тошларига уйиб ёз, учмасин. Отилган гудаклар сувратини чиз, отилган хомиладор она сувратини чиз. Конга ботган Андижонни чиз. Сувратларнинг остига хам 13 май 2005 йил Андижон киргини деб ёз. Бу сoн, бу жумла озодлик марсиясидир. Сенинг марсиянгдир. Мактаблар пештокларига ёз. Юртнинг байрокларига ёз. Паспортингга ёз, хар гал кулингга олганда ёдингга тушсин. Миршаблар текшириш учун олганда ёдига тушсин. Дунё буйлаб юрганда курганлар сурасин. Сен тушунтир. Токи дунёда бундай киёматкайта такрорланмасин.

13 май, 2005 йил, Андижон киргини.

Бу санани, бу жумлани унутма, узбек.

Сени мудрокликдан куткаради.

Сени куркокликдан куткаради.

Сени таркокликдан куткаради.

Шахидлар рухини шод этади.

Юртни обод, сени озод килади.

13 май, 2005 йил, Андижон киргини.

Бу сана, бу жумла унгингда хам, тушингда хам укийдиган оятинг булсин.

Юсуф Жумаев.

10 июнь. 2005 йил

http://www.uzbekcongress.org/