Юсуф ЖУМА

Халқ ва оқ эшак

Онча юзсизлик улусдан курмишам, гар берса даст,

Истарамким, курмасам харгиз бани одам юзин. Алишер Навоий

Хотирам нихоятда ёмон. Баъзан кечаги курган одамимни букун эслай олмайман. Айникса СНБ тергов изоляторидан чикканимдан кейин шундай булиб колди. Соглигим, куриш кобилятим, хотирам кескин ёмонлашди. Мустабиднинг жаханнамига бир тушиб чиккан одамнинг холи менинг холимдек булади. Мустабид мени зиндонда захарлатди. Бутун вужудим йиринг булиб окди. Беш йилдан буён окмокда. Хотирам хам соглигимдек ёмонлашмокда. Хотирам нечоглик ёмонлашмасин кечган хаётимдаги айрим дамлар, курган айрим вокеаларим мармарга уйиб ёзилган хатдек хотирамдан учмас булиб колган. Хатто олис болалагимда юз берган булса хам. Нега кеча курганимни букун танимайман, нега 36 йил илгари курганим букунгидек ёдимда. Бу саволга жавоб беролмайман. Гап бу саволга жавоб топиш хакида хам эмас. Гап сарлавхадаги сузлардан хам маълум. Халк ва ок эшак хакида.

Ун бир ун икки яшарлик вактим. Сахар туриб қуй бокардим. Кейин мактаб, кейин – пешин колхоз даласида онамнинг номига ишлар эдим. Шу пайтлар иш хакига ун берарди. Унни кишлогимиздан беш олти километр наридаги колхоз омборидан олиб келардик. Оиламизга унни мен эшакда олиб келардим. Унни кундузи эмас кечкурун беришарди. Чунки кундуз пахта даласида ишлаш керак эди. Ишдан колиб унни олишга хеч кимнинг хакки йук эди. Алкисса унга бордим. Колхоз омбори олдидаги майдонга купчилик йигналган. Колхоздаги барча кишлокдан одамлар келган. Чоллар йигитлар, хатто аёллар хам бор. Лунда килиб айтганда халк унга келган. Бу халк орасида танишларим куп. Мен хурмат киладиган обрули одамлар хам бор. У пайтлар мен хаммани, халкни жуда хурмат этардим. Тангридан кейинги уринга халкни куярдим. Мен улуг билган халк келган, факат омборчи йук, мудир йук. Бутун халк бир одамни, омборчини кутарди. У йук. Халк узок кутди. Кун буйи далада куллардек ишлаган халк узок кутди. Бир соат кутди йук, икки соат кутди йук, уч соат кутди йук. Халкнинг сабр косаси тулди шекилли норозилик саслари эшитила бошлади. Кимдир омборчини угри деди. Кимдир омборчининг онасини йуклади. Кимдир отасини… бу угрининг корни туйган, халкни фалонига куйган, уни йукотиш керак!

– Умр буйи омборчи булиб ноннинг гулини егач бизни писанд этармиди, хе онасини…, хе отасини..

–Бу угрини каматиш керак!

–Тугри айтасан каматиш керак! Мен эллик кило ун олса у олдига бир куийиб бирюз эллик кило килган. Муттахамни каматиш керак!

– Э менинг хакимни хам шундай умарганкаматиш керак!

– Каматамиз, э онасини.., хозир келсинёкасидан оламиз!

–Уриб тишини синдирамиз, менинг ризкимни еган тишини уриб синдирамиз!

– Хозирок раисга борамиз ё бу угрини бушатсин, ё икковини хам прокурорга берамиз!

–Керак булса Тошкентга борамиз, керак булса Москвага борамиз!

–Керак булса Брежневга кирамиз!

– Хозирок ёкасидан оламиз!

Халк жунбушга келди. Овози осмонга етди. Хамма газабланган. Мен уйлардим омборчи келса халк уни улдиради. Шубхасиз улдиради. Анави Норкул тога зур одам экан, Кандим тога хам зур одам экан. Иккови бутун халкни жунбушга келтирди. Угри омборчига карши хак гапни айтдилар. Юзлаб одам бир одамни тилка пора килишади.

Бир пайт коронгиликдан таниш йутал эшитилди. Омборчи хамиша калта йуталиб юрарди. Таниш йутал ана энди киёмат бошланди деб уйлардим. Таниш йутал, бу йутални хамма танийди. Таниш йутални эшитган исёнкор халк тинчиди колди. Сукунат ва таниш йутал колди оламда. Халкнинг овози учди. Йуталдан йуталгача орада пашшаларнинг хам овози эшитиларди. Коронгиликдан омбор олдига чирог ёругига ок эшак минган омборчи кириб келди. Тамом киёмат бошланади деб уйладим. Харакатга келган халкнинг кулларига караб. Бирок барча куллар кукракларига келди. Халк кулни кукракка куйиб омборчига эгилиб салом берди. Ассалому алайкум, Салимбой ака!

Хайбати отдек ок эшакда туриб Салимбой ака бош иргади. Тагин йуталиб тупуриб куйди. Омбор ёнидаги тут олдига келиб омборчи эшакдан тушди. Ок эшакни одатда шу тутга богларди. Хамма ок эшакдан тушган Салимбойга караб югурди. Тамом киёмат бошланди. Халк унга алдаб салом бериб уртага олиб Салимбойни улдирмокчи деган хаёлга келдим. Бутун халк Салимбойга карб югурди. Мендан бошка хамма югурди. Бир бирини туртиб, суриб хамма Салимбойга караб югурди. Лекин хамон олдда Кандим тога билан Норкул тога борардилар. Бу икки исёнкорлар бошлиги халк етиб келгунча омборчини бир ёклик килишади деб уйлардим мен. Аввал иккови, кейин бошкалар ок эшакнинг арконига ёпишдилар. Нима бало уриб улдирадилар деб уйласам, ок эшакнинг арконда бугиб улдирмокчиларми дейман. Балки осарлар, хамма арконга ёпишдику деб уйладим

–Салимбой ака, овора булманг эшакни мен боглайман, — деди биринчи булиб Норкул тога.

–Йук, узим, — деди Кандим тога.

–Йук, мен боглай колай!

– Йук мен

–Менга беринглар узим…

Бутун халк аркон талашарди. Ок эшакни тутга боглаш учун аркон талашарди. Омборчи – бутун колхоз каъбаси ок эшакни халкка колдириб, дарвозани очди. Бу вокеани тез-тез эслаб тураман. Кимдир халк улуг деса уша ок эшак ёдимга келади. Кимдир нега халкни ерга урасан деса уша ок эшак куз унгимдан утади.

Кишлогимнинг ёнбошида аэродром бор эди, хамон бор. Бу аэродром оркали самолётлар ёрдамида пахтага бутафос сепиларди. Бутафос хиди хамон атрофни босиб ётибди, хамон пахтага шу ердан химикатлар сепилади.

1975-76 йиллар студент талаба эдим. Кишлогимизнинг «жасур» одамлари аэродромга карши юкорига ариза ёзиб беришимни сурашди. Сен аризани ёзсанг бутун кишлок имзо куяди. Бутафос сепишса ана чулдан жой килишиб сепишсин. Бирок бизни захарлашмасин, керак булса Рашидовга кирамиз. Курсатиб куямиз кимлигимизни. Мен рози булдим, арзнома тайёр. Бутун кишлок эмас энг жасурлари имзо чекишди. Хатни Тошкентга юборишди. Текширувчилар келишди, хамма имзо куйганлардан тушунтириш хати олишди. Энг жасурлари биз билмаймиз, бу хатни Юсуф Жумаев ёзган, Юсуф Жумаев жавоб берсин биз хатнинг мазмунини тушунмай кул куйганимиз учун партиядан кечирим сураймиз, деб ёзишди. Мен эса ок эшакни эсладим. Шундан сунг ок эшакни ёдимга соладиган бесанок вокеаларни бошдан кечирдим, бошимдан кечирмокдаман.

1946 йил биз – Бухоро Педагогика институти талабаларини Навоий шахри якинидаги бир колхозга пахта йигимига олиб боришди. Мен укийдиган факултет талабаларини бир кишлок одамларининг уйларига жойлаштиришди. Ёнма ён икки козон овкат пиширишади. Бирида укитувчиларга, бирида биз студентларга. Укитвчиларга хил-хил гуштли овкат, талабаларга куртлаган макарондан овкат тайёрланарди. Мен билан бир уйда яшаётган укитувчилардан бири челакда овкат олиб борди. Овкатдан курт пашша чикди. Бир оз карам, сув, макарон, курт-пашшадан иборат совет студентининг пахта теримидаги овкати.

Ха, совет студенти! Хозир Шуро даври дейдилар. У пайтлар Шуро сузи ишлатилмасди. Совет ишлатиларди. Менимча уша давр тарихини ёзаётганлар советни совет деб ишлатишлари даркор. Советга албатта изох бериш керак СССРми СССР дейиш даркор. Тарихни хатто сузлар оркали хам бузмаслик керак. Совет хукумати, совет халки, совет студенти, …

Алкисса, куртни пашшани, яна бошка хашоратларни куриб овкатни емасликка карор килдик. Куз окшоми, хамма оч, хозиргина пахтадан кайтган холсиз студентлар нима ейишни, нима килишни билмасдилар. Мен тилга кирдим, сукутдан нон чикмайди. Челакни олиб барча курс студентларини йигнаб, укитувчилар яшайдиган жойга борамиз, бизга ажратилган гуштни узлари еб бизни бундай хурлашга хеч кимнинг хакки йук. Кетдикми?!

–Кетдик, — деди уйдагилар. Кейин бошка уйда яшайдиган студентларнинг олдига бордик. Мен юкорида айтган гапларимни такрорлардим. Хамма мени макуллади. Хамма кушилди. Юзлаб йигит кизлар, барча курс талабалари кушилди. Кузнинг аёзли, ёмгирли кечаси лашкардай булиб совет укитувчилари, совет амалдорлари турадиган кошонага йул олдик. Декану партком рахбарлигида айшу ишрат килаётган укитувчиларнинг рангги окариб кетди.

–Нима бало, стачками, — бакирди декан. Мен челакни курсатдим:

–Куринг, курту пашшаларни куринг, хар кун шундай овкат чайнаймиз! Кани адолат?!

– Нима-нима, совет замонида адолат йук дедингми, шундок мул кулчилик замондая, сенинг жойинг институт эмас сенинг жойинг ерда, — ушкирди декан.

Мен хам буш келмадим, купчилик мени куллаб турди. Бундай холдан ютмаслигини билган совет домлалари, амалдорлари бошкача йул тутишди.

–Майли ахволни яхшилаймиз, хамма жой жойига! Биз масалани урганамиз. Челакни колдиринглар, бундай овкат пиширганлар жазоланади.

Биз адолат урнатилишига ишониб таркадик. Вокеанинг кизиги кейин бошланди. Рахбарлару, укитувчилар уйма уй юришди, бу челак кайси уйники?

– Жумаев Юсуф яшайдиган уйники.

– Демак стачкани Жумаев Юсуф яшайдиган уйдагилар бошлаган.

– Ха улар бошлади.

–Сизлар нега кушилдинглар?!

–Кечиринг, энди кушилмаймиз!

–Демак, сизларни Жумаев Юсуф бу йулга бошлаган?

– Ха уша бошлади. Качонгача куртли макарон еймиз, деди

–Биров шундок деса ахмок булиб кушилаверасизларми?!

Хамма уйларда шундай сухбатлар булиб утган. Айбдорлар аниклангач мен яшайдиган уйга келишди. Газабланган рахбар укитувчилар мен билан бирга турадиган ундан ортик студентни тергов килишди.

–Кимсан? Каердансан? Нега бу ахмокона стачкага кушилдинг?! Шу килмишинг учун сени институтдан хайдасак нима киласан?!

Хамма кечирим суради. Куртли макарон еб аёзли кунларда пахта тераётган бахтикаролар кечирим сурарди. Навбат менга келди:

–Кимсан?!

– Юсуф Жумаевман!

–Нима?!—газабланди декан Хайруллаев—Юсуф Жумаев?!

–Ха ростдан Юсуф Жумаевман.

– Сен кимсанку, узингни Юсуф Жумаевман дейсан?! Хаммага ухшаб Жумаев Юсуфман десанг булмайдими?! Нима килиб койил килгансанку, Юсуф Жумаевман дейсан?!

–Килмаган булсам киламан! Лекин хозир хам Юсуф Жумаевман!

–Нимага талабаларни стачкага бошладинг? Бунинг сиёсий жиноят эканлигини биласанми?!окибати нима булишини биласанку.

Тонг отарли шундай «тергов» булди. Эрталаб бутун факултет студентлари йигналиб якуний мажлис булди. Хамма кечирим суради. Мени охиригача куллаб биттаю битта киз колди. Розия Ражабова!

Ха битта Розия колди. Колганлар мени сотди. Халкнинг онгли кисми булган студентлар шу булгач, зиёлилари булган профессорлари – укитувчилари шу булгач халкдан не гина. 1976 йилнинг аёзли куз кечаларида ок эшакни куп эсладим. Бу халк талабаларига карасам ок эшак ёдимга тушади. Зиёлиларига карасам ок эшак ёдимга тушади! Халкнинг узига карасам тагин ок эшак куз олдимга келади.

Халк ва ок эшак. Кейинчалик бу халкнинг дахоларини хам курдим, пешволарини хам якиндан билдим. 2003 йил ноябрида фалончи дахонинг уйига боришимни айтишди. Хам ифтор, хам бирликнинг фалон йиллиги. Мен шундок хам уша фалончи дахоникига бормокчи эдим. Фалончи дахо йикилиб касал булган, даволанаётган эди. Мен хурмат киладиган дахонинг уйида мен хурмат киладиган анча кишилар йигналган эди. Ҳам ифтор, хам Бирликнинг фалон йиллиги. Очик дастурхон атрофида, тагин руза ойида, тагин рузадорлар орасидаман. Бу даврада Америка Овозининг мухбири хам бор. Мухбир Бирликнинг фалон йиллиги буйича рузадорлардан интервю олаяпди. Хамма бир гапни такрорлайди: «Бирлик тузилгани яхши булди, тепасига фалончининг келгани ёмон булди. Фалончи айтганди Бирликка фалончини катта килиб хато килдинглар у КГБнинг одами».

Хамма уша КГбнинг одамига тош отдилар. Мен бир чеккада индамай утирдим. Албатта, ифтор дастурхони атрофида ёши бир жойга бориб колган рузадор кимсаларнинг ёлгону тухматдан иборат гаразли сузлари асабимни какшатарди. Халкнинг дахолари шу булса бизнинг юртда минг йилда хам адолату озодлик булмайди деб уйлардим. Лекин бир чеккада жим эдим. Мухбир Сиз хам бир нима денг деди.

–Кераги йук,– дедим, –хамма гаплар гапирилди, гапиришим шарт эмас!

–Йук, гапирмасанггиз булмайди, — деб туриб олди, мухбир. Мен бор гапни гапирдим:

– Фалончи КГБ экан нега хамманг унинг этагидан ушлаган эдинглар, руза ойида шундок гаплар жоизми?! Очиги бундай халкнинг ичида мусулмонлар борлигига ишонмайман. Агар чиндан мусулмонлар булса, бундок тухматона гаразли гапларни, ёлгонларни гапиргунча нега турмаларда тириклай чириётган мусулмонларнинг ёнини олиб майдонга чикмайди?!

Хамма гапимдан газабланди. Турда утирган, ёши саксондан ошган Олим Каримов мени хакорат килиб, урнидан турди.

– Мен бундай кофир билан бир даврада утирмайман,–деди. Газаб билан урнидан туриб, йикилиб тушди. Майли Сизлар утиринглар, мен чикиб кетдим деб чикиб кетдим. Майли ёлгон, тухмат, гараз сузларни тасбех килганлар мусулмон булса, мен кофир була колай…

2006 йил март ойида Коракул туманидаги Човли фукаролар йигинининг казо казолари маишат килишади. Ха казо казолари! Фукаролар йигини рахбарлари хам, миршаби хам казо казоларга киради. Ахир йигин рахбарлари СНБ агентлари эканлигини дунё билади. СНБ агенти—айгокчисининг хар кандай жинояти ёпиб юборилади. Хатто одам улдирса хам бундай кимсалар Узбекистонда ардокланади.

Алкисса, маишат куюк булади. Маишатда Навоий турмаси казоларидан бири полковник хам булади. Алкисса маишат фукаролар йигини рахбарининг укаси булмиш шу палковник шарафига уюштирилади. Маст полковник чуян исмли йигитни тико машинаси билан босиб улдиради. Бу жиноят полковник шарафига ёпиб юборилади. Ишдан оч кайтаётган шурлик йигит ичи ёрилиб ичига арок куйилади ва у айбдор деб топилади. Мен бу хакда тегишли идораларга мурожаат килдим, котил жазоланишини сурадим. Шурлик йигитнинг отаси арзимаган 400 000 (турт юз минг) сумга углини сотди. Даъвом йук деб ёзиб берди. Бу пулга бозорда бир сигир бермайди. Менинг харакатларим натижасида фукаролар йигини раисини ишдан бушатишди холос. Куп утмай унга ундан юкорирок лавозим беришди. Тагин тико русумли давлат машинасини беришди. Бунга хайратланмаса булади. Бу Узбекистон хукуматининг сиёсати. Бирок турт юз минг сумга - уч юз АКШ долларига углини сотган ота инсонни хайратга солади. Эх бу халк.. дея газаблана бошлайсан. Кимдир Ватанпарварлик килади, нима битта ота шундай килган булса бутун халкни айблайсанми?!

Аслида шу халкпарвар 20 миллион халк улдирилса хам чурк этмайди. Нега бундай деб менга ухшаб идорама идора юрмайди. СНБ рахбарларидан бири Гайрат Шомуродов бировнинг машинасида маст холда Коракулнинг Дурман кишлогида куппа кундузи куни бир болани босиб майиб мажрух килди. Мен бу хакда энг юкори идораларга мурожаат килдим. Майиб булган боланинг отаси майиб булган булса менинг болам майиб булди, Юсуфга нима, — дебти. Мана халк.

Бузокнинг пулига углини сотаётган халк!

Тагин куз олдимга ок эшак келади.

Нега халк улсин халксиз колай, деб шеър ёзгансан,деди кейинги сухбатларимиздан бирида дахолардан бири. Нега сизлар шеърнинг бир сатрига ёпишиб олдинглар, шеърни тулик укинг, шеърнинг узида Сизнинг саволинггизга жавоб бор.

Шеър халкнинг букунги холига очик куз билан карашга, бошка озод халклардай озод булишга чорлайди. Бу кунингдан улганинг яхши дейди.

– Тугри, сен шоирсан, сенинг халкка колган кунинг йук. Бизнинг эса халксиз кунимиз утмайди. Шеърингни кушик килсам халк мени ёмон куриб колади.

– Халк узининг кимлигини яхши билади. Сизлардан яхши билади. Шеърларимни Озодликдан эшитиб хурсанд булади. Биз чиндан хам шундай халкмиз дейди. Шундай шеърларимни излаб топиб укишга уринади. Шундай шеърларим учун мени хурмат килишади. Уни мактаб ёзган Эркин Вохиду Абдулла Орифларни оналаб сукишади.

Киш кунларидан бирида 2003 йилнинг охирларида уша дахони йуклаб бордим. У мени илик кутиб олди. Мен Тошкентга БиБиСи радиосининг юбилейи муносабати билан боргандим. Юбилейдан кейинги кеча дахонинг уйига боргандим. Илик кутиб олган мезбон эрталаб тунини тескари кийиб менинг ёкамдан олди. Албатта тегишли идоралардан уша тунда мезбон дахога кунгирок булган. Менинг бу уйда булишим уша идораларга ёкмаган. Шу боис мезбон мендан кутулиш учун яна уша дейдиёни бошлади.

– Нега халкни хакорат киласан, бизнинг боримиз шу халк. Яхшими, ёмонми узимизники. Нега Халк улсин деб шеър ёзасан. Одамлар бу Юсуф Жума арабми, ё туркманми деб айтаяпди. Туркман булсанг Туркманистонга, араб булсанг Арабистонга, ёки уша инглизларинг сени яхши куради, Америкага кет.

Мен айтадиганимни айтиб дахонинг уйидан чикиб кетдим. Ё тавба, халкни киргин килаётган СНБ халкпарвар. СНБ сузи билан мени хакорат килиб уйидан хайдаган кимса халкпарвар, мен халк душмани. Дахоси шу булган халк нима булади. Тагин куз олдимга уша ок эшак келади. Куп утмай уша дахо бошига СНБ кора кунларни солди. Мададга она халки эмас уша инггилизлар етиб келдилар.

Ёраб, нафакат хукумат тамони, мухолифат томонининг хам айримлари менинг «инглизларимга» нафрат билан курашади. Шу уринда хукуматнинг огзи булган, тили булган Абдулла Орифнинг Адабиёт газетасида демократ булай деб итим билан бир хонада ётайми деб ёзгани эсимга тушди. Нахот демократияни ити билан бир хонада ётиш деб тушунса шоир. Йук, у демократияни яхши тушунади. Бирок билиб туриб демократияни хакорат килади. Бу эса жохил кимсанинг гунохидан минг карра огир гунох. А. Ориф юкоридаги сузи билан нимани наззарда тутаётганини яхши биламан. А. Ориф итлар билан бир хонада ётмаса хам кавмининг киз жувонлари итлар билан бир хонада ётиб туриб юрибдилар.

Букун Узбекистонда юз бераётган ахлоксизларга шайтон хам ёка ушлайди. Дунё фохишаханаларини инглизлар эмас узбек аёллари тулдирди. Бу Каримовлару Абдулла Орифлар сиёсатлари окибатларидир. Уз келинлари билан ушланган номозхон кайноталар бизда, синггилари билан зино килган акалар бизда. Кизлари билан зино килган оталар бизда. Зинокор кавмга айланмокда кавм. А. Орифга карасам тагин уша ок эшак куз олдимга келади.

Халк ва ок эшак.

Айрим халкпарварлар нега халкка тош отасан ахир сени хам шу халк тукканку дейишади.

Эй биродарлар!

Дейлик туккан онажонингиз дунё фохишахоналарини тулдирса, хой, онажон фохишаликни бас килинг, десангиз онажонингизга тош отиш буладими?!

Ё рахмат, онажон, бир кунда унлаб эркакларни кабул килдингиз сизга койил дейсизми?!

Хар куни унлаб эркаклар билан ётиб турган эй улуг онажоним деб касида ёзасизми?!

Дейлик, не-не азиз инсонларни гурух-гурух булиб сотаётган онажонингизга, хой онажон соткинлик килманг хиёнат энг огир гунох дейсизми, ёхуд ахиллик билан айгокчилик килаётган, хоинлик килаётган улуг онажоним деб касида ёзасизми?!

Оммавий маддохлик, оммавий айгокчилик, оммавий жахолат боткогига ботган онажонингизга, уйига ут тушган онажонинггизга эхтиёт бул боткокка чукиб кетасиз, уйинггиз ёнаяпти, кузинггизни очинг дейсизми, ёки балчикка ботаётган, уйи ёнаётган улуг онажоним деб Эркин Вохиду Абдулла Орифдек касида ёзасизми?!

Узбекистонда СНБ ва хоким идоралар халкни менга карши гиж-гижламокда. Бунинг боиси аён хукумат кули билан мени бугсалар шарманда буладилар, халкнинг кули билан бугсалар, бизда айб йук, нима килган булса халк килди дейдилар. Хукуматнинг бу компаниясига айрим мухолифатчиларнинг кушилганига хайрон коламан. Мени танкид килаверсинлар, менга тош отаверсинлар бунга карши эмасман, лекин мустабид хукумат ва унинг СНБси тамонидан туриб тош отсалар бу хиёнатдир. Бунга афсусланаман.

«Озод Овоз» сайтида углим Алишернинг кетмон билан чопиб ташланганини ер учун жанжал деб ёзган Бобомурод Абдуллаев. Холбуки, Алишерга СНБ малайлари нега суикасд уюштирганини Б. Абдуллаев яхши билади. Миршаблар тамонидан улдирилган Олотлик Нодир Зомонов… маколанинг хакикий муаллифи ким эканлигини СНБ яхши билади. Гарчи маколани Бобомурод Абдуллаев угирлаб уз номидан эълон килган булса хам, бу иш Алишернинг иши эканини Бу иш АКШ давлат департаментигача етиб бориб Узбекистоннинг мустабид режимини шарманда килганини СНБ яхши билади. Алишернинг давлат котиллиги, давлат рахбарлари тамонидан ташкил этилган одам савдоси ва бошка жиноятлари хакида ёзганлари, тегишли идоралар билан юзма-юз очикчасига курашгани боис унга суикасд уюштирилди. Б. Абдуллаев маколасини угирлагани етмаганидай унга карши ёзди. Хукуматнинг айби йук ер масаласида халк билан кир пичок булаяпти деган маънода.

Холбуки, мен ва оилам ун минглаб одамларга аник масалада ёрдам берганмиз, бераяпмиз. Ха ун минглаб! Кимнидир миршаб зулмидан, кимнидир хоким зулмидан, кимларнидир зуравон идорлар зулмидан химоя килганмиз. Ёниб турган оловга узимизни уриб бировларнинг кунига яраймиз. Кейин роса жабрини тортамиз, халк эса одатдагидай кочиб колади. Биз «Эрк»нинг бош котиби Отаназар Орифдек биз миллионларга ёрдам бераяпмиз, уз партия аъзоларимизни химоя килишга вактимиз йук деб чиллага кирмаймиз. Одамларни каматишдан ва чиройли баёнотлардан бошка нарсага ярамайдиган «Эрк»ка ухшаган партиялардан фаркли уларок оиламиз имкон даражасида одамларнинг кунига ярайди.

Юкорида ун минглаб деб ибора ишлатиб лоф урганим йук. Эхтимол бошка пайтда керак булса санаб берарман. Хозир гап бу хакда эмас. СНБга журавоз айрим сафдошларнинг халкпарварлиги Мухаммад Солихнинг Ватанпарварлигини, халкпарварлигини эслатади менга. М.Солих хакида гапирган Москвалик хукук химоячиларидан бири М. Солих аввал мустакиллик кейин демократия деган эди, мана букун укалари зиндонда, уша сузларидан пушаймон булса керак деб самимий гапирган. Бу гапга М. Солих одатдагидай носамимий муносабат билдирган. Йук пушаймон эмасман, Ватан мустакиллиги менга хар нарсадан баланд деган маънода гапирган. Ватанпарваликка каранг, мустакилликпарварликка каранг.

Тугри М. Солих Ватанни мустакилликни севади, бирок узини мустакилликдан хам, Ватандан хам, укаларидан хам яхши куради. Йукса уларсиз хам бундай семириб юрмасди. Юкоридаги гапни Ватан мустакиллигини укалари хаётидан баланд куйгани учун айтаётгани йук, узининг хаклигини, хеч качон хато килмаслигини собик сафдоши Каримовдай худо эканлигини исботлаш учун айтаяпди. Йукса, кайси Ватан мустакиллиги хакида гапиряпти. Узбекистон И.А.Каримов билан мустакил буладими?! Утган ун беш йил ичида Узбекистон бир кун хам мустакил булгани йук. Бир кун Москва куйнида, бир кун Пекин куйнида, яна бир кун яна бошканинг куйнида. Ахир М.Солих буни пайкамаслик даражасида ахмок булмаса керак.

Якинда Андижон бахонасида чет элга кетганлардан бири чет элда ташкилот тузибди. Бу «кахрамон» очган сайтида Юсуф халкни нега сукади, халкдан нима истайди деб ёзган, СНБ сузларини такрорлаган. Мустабид мени жисмонан йукотмокчи, йукотиб мен эмас халк йукотди демокчи. Мухолифатчи «дуст»лар хам шу максадга хизмат килишяпди. Узларини мухолифатчи деяётганлар мустабиднинг ок эшаги – катогонига, кора ниятига хизмат килмасликлари керак. Айрим мухолифатчиларни уйласам ёдимга уша ок эшак тушади.

Озодлик радиоси курултойида Темур хужа Узбекистон парламентида Россия Узбекистоннинг Каримов тамонидан кушилишига депутатлардан кимдир карши чикишига умид килганди. Ёппасига макуллашига ишонмаганди. Ёппасига маъкулланди. Халк хам жим.

Халк рози, ихтиёри подшода. Хохласа Узбекистонни жаханнамга кушмайдими?!

Кимдир халкни окласа хам ёдимга уша ок эшак тушади.

Кимдир халкни кораласа хам ёдимга уша ок эшак тушади.

Ранги ок булса хам эшак эшакдир.

Ранги кора булса хам эшак эшакдир.

Лекин менинг ёдимга уша ок эшак тушади.

Уша халк! Уша ок эшак!

Юсуф Жумаев
2006 йил август.
uzbekcongress.