Статистика
Онлайн всего: 1 Гостей: 1 Пользователей: 0
|
Главная » 2009 » Март » 4 » Шеърият
|
Дилсора ФОЗИЛОВА
Тошдан садо
Юрагимда ғавғо бор,
Йўқ зоримни англаган,
Дунё кўзи кўр бозор,
Нигоҳлари занглаган.
Эҳ кўзгу, сирли кўзгу,
Мадҳ этдингми расмимни,
Жонимга солиб оғу,
Ағёр олди қасдини.
Ҳей кўзи оч, тош-кўнгли,
Кўзим кундай ёриди,
Қўш ўғилга - шох ўғли,
Билсанг қанча зориди.
Сув тубида ётибман,
Ҳасан-Ҳусан бешикда,
Ёр қўйнида ёсуман,
Дўст-у ёр хор эшикда
Мавжлан ҳовуз мавжлан-ей,
Акс эт сувнинг тубини,
Ғофил ёрим кўрсин-ей,
Ҳасан-Ҳусан ўғлини.
Кун ўтади, тун ўтар,
Қаро ғамга ўралдим,
Йўлим тўла ёв азал
Мен шох қизи яралдим.
Тиллақошли ёсуман,
Сенда шох қиз қалби йўқ.
Тожу тахтга ишқ бекам,
Муҳаббатнинг гарди йўқ.
Дил кўзи кўр шаҳзодам,
Алп ўғлингга онаман.
Умр ғамда ўтса ҳам,
Достон бўлиб қоламан...
Юрагимда ғавғо бор,
Йўқ зоримни англаган...
Урсам тошдан садо бор,
Садо бермас тинглаган...
Юрагимда ғавғо бор...
Канада,2009.
|
|
Жойлади: Moderator
|
Добавлять комментарии могут только зарегистрированные пользователи. [ Регистрация | Вход ] |
|