Ислом Каримов! ЮСУФ ЖУМА қаерда?

(Turonzamin).Ислом Каримовга қарши чиққани учун аввалига очиқ зонага деб ҳукм чиқариб, жаҳон жамоатчилигини лақиллатгандан кейин Жаслиқ лагерига зиндонбанд этилган буюк шоир Юсуф ЖУМАни ҳеч кимга кўрсатишмаяти ва у ҳақда маълумот ҳам беришмаяти.

Жаслиқдан келган собиқ маҳбуслардан бири шоир оғир қийноқлар остида эканлигини, аҳволи жуда ҳам оғирлигини айтгач, унинг яқинлари бориб, ҳолидан хабар топмоқчи бўлишганда учрашув ҳам беришмаган ва унинг саломатлиги ҳақида маълумот ҳам.

Шоирнинг яқинларидан бири Тошкентдаги идораларга кириб чиққани ва бу ердан ҳам маълумот ололмаётганини бугун мухбиримизга билдирди.

Бу эса жиддий хавотир уйғотмоқда ва ҳақли равишда Юсуф ЖУМА қаерда деган саволни ўртага қўймоқда.

Бугун миллат шоири тақдиридан бефарқ бўлмаган ҳар бир киши “Ислом Каримов! Юсуф ЖУМА қаерда?” деб сўраши керак!