Ўзбекистонда Рустам Ҳамроқулов деган қизиқчи бўларди.У Наманган вилоятининг Поп тумани Санг қишлоғидан чиққан энг иқтидорли санъаткорлардан бири эди.Умри қисқа экан навқирон ёшида автоҳалокат туфайли оламдан ўтган.
Дарвоқе унинг фарзанди Самандар бугунги кунда замонавий қўшиқчиликда машҳур.
Ҳозир биз ота -боланинг санъат йўллари ҳақда тўхталмоқчи эмасмиз.Аввал бошда қизиқчини эслаганимиз боиси шуки унинг ичакузди ҳангомалари кўп эди.Масалан ўшалардан бири ақли ноқисроқлардан олинган иншо ҳақда.Уни қизиқчи бундай айтиб берганди:
"Бир куни ақли ноқисроқлар ўқийдиган мактабнинг она тили ва адабиёт ўқитувчиси ўз ўқувчиларидан бир эркин мавзуда иншо ёздириб кўрайчи, булар қандай фикрлайди экан, дея синов бошлабди.Ақли ноқисларнинг ҳар бирига дафтар тарқатиб, қўлига қалам тутқазиб истаган мавзунгизда иншо битинг дея топшириқ берибди.
Улар иншо битишаётган кез домла уларни кузатиб турибди.Ақли ноқисларнинг бари домла яна бир нима дермикан, дея анқайишиб ўтирганмишу биттаси мукка тушиб тинмай дафтарга бир нималарни ёзармиш денг.Домлани у ақли ноқис нималар иншо этаётгани ғоят қизиқтириб қўйибди.Ҳамма ёзган иншосини топшириб бўлгач анча вақт ўтиб, охирида ҳалиги узоқ иншо этган ҳам дафтарини ўқитувчига келтирибди.Домла азбаройи қизиққанидан шошиб- пишиб дафтарни очиб ўқий бошлабди.Иншо мавзусини "От миниб Парижга йўл олдим" деб қўйибди.Ҳов бу қизиқку, дея домла иншони ўқишда давом этибди."Такаранг- такаранг -такаранг -такаранг-такаранг..."Ўн икки варақли дафтарнинг ҳамма саҳифасида "такаранг -такаранг- такаранг..." дея ёзилиб охирида бир жумла "От миниб Парижга етиб келдим" деб якунланибди денг.
Домла ақли ноқис ўқувчисини яна бир синай дея савол ташлабди: