Хотира оқшоми
Кеча 13 Май оқшомида АҚШ пойтахти Вашингтонда таниқли адиб ва
журналист Жаҳонгир Муҳаммад ҳамюртларини Хотира оқшомига тўплади.
Туркия туркларининг ошхонасида бўлган бу маросимда Андижонда ўлдирилган
бегуноҳ инсонлар, мухолифат сафларида курашиб оламдан ўтганлар ва
мухолифат фаолларининг дунёдан бевақт кўз юмган яқинлари учун хатм
туширилди, тўпланганлар уларни дуо қилишди ва номларини ёдлаб
билганлари билан ўртоқлашдилар.
Адиб Жаҳонгир Муҳаммад бошқарган маросимда мухолифатнинг таниқли
намояндалари Ёдгор Турлибеков, Бобур Маликов, Ўзбекнинг қаҳрамон шоири
Юсуф Жуманинг жасур аёли Гулнора Олтиева ва бошқалар сўз олиб, бугунги
воқелик ҳақида гапирдилар.
Маросим ярим тунга қадар давом этди ва йиғилганлар буюк шоир Юсуф
Жума тезроқ озод бўлиши учун тинмай ҳаракат қилиниши кераклигини яна
бир марта урғуладилар.
Бобур Холиқназар.
|