Ўзбекистон Ички Ишлар Вазирлиги тизимида кўп йиллар Каримовга садоқатла хизмат қилган милиция подполковниги вафот этгани муносабати билан ИИВ матбуот маркази таъзиянома тарқатди.
Марҳумнинг бир учи "мухолифатчи"лардан бирига яқин бўлгани учун деярли барча ўзбек "мухолиф демократлар"и ҳам аза тута бошлашди.
Ўлганлар ҳақда ёмон гапириб бўлмайди.Бу биз ўзбекларнинг бағрикенглик ҳислатларимиздан бири.Ажабмаски эрта ўтиб индин йиллар давомида халққа зулм ва зўрлик, жабр ҳамда ҳўрлик етказган диктатор оламдан ўтса одамлар: "энди қандоқ кун кўрамиз" дея қўлларига рўмолча олиб йиғласалар ва унга жаннатдан жой сўраб илтижо қилсалар.Зеро бундай ҳол тарихда рўй берган.
"Халқлар отаси" аталган Сталин вафот этганда ҳам ҳамма одамлар ҳўнг -ҳўнг йиғлаб, кўз-ёшлар тўкиб аза тутишган дейишади.
Биз ҳам юқорида айтганимиз кечирувчан ўша ўзбек миллати вакилларимиз, шундай экан оламдан ўтган ҳар қандай марҳумнинг гуноҳларини енгил қилишини яратгандан сўраб қоламиз.