Меҳр ва яхшилик қолади Мен хикоя килмокчи булган вокеага анча йил булиб, ёдимдан хам чикиб кетган эди. Лекин якинда Махмуджон исмли акамларнинг вафотларидан кейин бу вокеа такрор ва такрор хаёлимдан утаяпти. Шунинг учун шу вокеани кискача килиб сузлаб бермокчи булиб, кулимга калам олишга жазм килдим. Мен асли Тошкент шахрининг кадимги махаллаларидан бирида узига тук булган оилада таваллуд топганман. Отамиз Абдугофирака (Аллох рахмат этган булсин) шу махалланинг баобру кишиларидан булганлар ва махалланинг барча тую маъракалари уларнинг иштирокларида ва маслахатлари билан утар эди. Айтишларича, мен оиланинг биринчи ва эрка угли булганим учун тугилганимда отамиз жуда катта шодиёна билан махаллага ош берган эканлар. Уша кунлар кушнимиз Мирзаканинг оиласида хам катта хурсандчилик булган экан-уларнинг оиласида хам угил тугилан ва исмини Махмуджон деб куйишган экан. Лекин, бахтга карши Махмуджоннинг онаси - Бахри-ая бирнеча кундан кейин огир бетобликдан бандаликни бажо келтиради ва бир ойлик чакалок етим колади. Мирзаканинг оиласига огир кунлар бошланади. Онадан эрта ажраб колган чакалок эса хеч нима емас,йигидан хеч тухтамас эди. Бизлар якин кушни булганимиз учун ва бу огир ахволдан оиламизнинг хабари булгани учун Отамиз билан Зарифа онамиз (Аллох рахмат этсин) маслахатлашиб, етим колган Махмуджонни уз угиллари билан кушиб, эмизиб куришга Мирза акадан рухсат сурашиш максадида Мирза аканинг уйларига чикишибдилар. Аввалига Мирзаака «йуге, Абдугофирака, келинойимларни огир холатга куйиб нима киласиз. Абдумалик углингиз шундогам йиглайвериб, янгамни жуда кийнаб юбораяпти. Агар яна устига – устак Махмуджон булса, жуда кийналиб коладилар» - деб, рози булмабдилар. Лекин шу куни кечкурун Махмуджон йиглайвериб, шишиб кетибди. Хеч ким, хеч нима килиб, овута олмабди. Шунда вакт анча кеч булишига хам карамай, Мирза ака чакалокни бизникига олиб чикибдиларда, онамизга тутказиб куйиб: - Келинойи, илтимос, нима килсангиз хам чакалокни тинчлантириб беринг. Хаммамизни кийнаб юборди. Хеч кимга кунмаяпти – дебдилар. Онамиз рахматлик хам кукракларини тутган эканлар, чакалок худди узини онасини эмгандек эма бошлабди. Бироздан кейин корни туйган чакалок хам ухлаб колибди. Шу кундан эътиборан Махмуджонга менинг онам оналик кила бошлабдилар-мени корним очганда, мен билан бирга Махмуджонни хам эмизар эканлар. Шу тарика бизлар бир онани эмиб, тугишган ака-укадек бирга катта булдик. Мендан Махмуджон бир неча кунлик катта булгани учун мен уларни «Махмуджон – ака» - деб катта булдим. Кейинрок эса биз яшаётган уй ёнидан катта йул тушадиган булиб, Мирза аканинг ховлилари бузиладиган булди ва улар Тошкентнинг бошка кисмидан ер олишиб, уй куришди. Сунгра улар кучиб кетишди. Лекин, уларнинг оиласи бизнинг оиламиз билан худди кариндошлардек булиб кетишганлиги сабабли туй-хашамларда, хайит кунлари купгина совга – саломлар билан албатта табриклаб келишар эди. Хар гал Махмуджонакамлар уйимиздан кетаётиб: -Онажон, рахмат Сизга. Аллох Сиздан рози булсин. Берган сутингизни оклашга харакат киламан. Сиз хам мендан рози булинг-деб, онамиздан дуо олиб кетар эдилар. Йиллар утди. Махмуджонакамлар укишларни битириб, олим булиб етишдилар, хаттоки уз сохаларида Академиклик унвонига хам сазовор булдилар. Мен хам институтни муваффакиятли тугатиб, кейинчалик катта бир корхонага узок йиллар рахбар булиб ишладим. Шунга карамай, орамиздаги самимий муносабатлар, бир-биримизга булган мехр – окибат, хурмат, ота-оналаримиз тириклигида кандай булган булса, шундай саклаб колишга харакат килганмиз. Якинда Махмуджонакам (Аллох рахмат этсин) бандаликни бажо келтирдилар. Вафот этмасларидан бир оз олдин бизникига мехмон булиб келган эдилар. Шу кун якшанба булганлиги учун бизлар анча махалгача сухбатлашиб утирдик, ота-оналаримизни эсладик, ешдикдаги ажойиб дамларимиз хам эсга олинди. Фарзанд-ларимиз хакида, уларнинг муваффакиятлари, келажаги хакида хам фикр алмашдик. Сухбат орасида Махмуджонакамлар чукур уйга толиб, менга ниманидир айтмокчи булдилару, лекин кузларига ёш келиб, бироз вакт жим утирдилар, кейин эса титрок ва паст овоз билан: -Абдумалик, ука. Мен Сиздан узр сурашим керак. Кандай сурашни хам билмай колдим. Ёдингиздами, ёшлигимизда бизларнинг кушнимиз Зебихоланинг бир туп ёнгокларининг катта бир шохи бизнинг ховлимизга тушиб турар эди. Айни ёнгок пишиги пайтда Зарифа онамиз (Аллох рахмат этган булсин) пишган ёнгокларни тердириб, Зеби холанинг рад этишига карамай, унга олиб чикиб берар эдилар. Шунда бизлар болалигимизга бориб шу ёнгоклардан олганимизда: - Болажонларим, бу ёнгоклар кушнимизнинг дарахтидан. Улар шу ёнгокларни сотиб, пулини тирикчилик учун ишлатишади. Бировнинг хаккини узидан сурамасдан олса, гунох булади,тушундингларми?.Буни хеч качон унутманглар-дедиларда ,уйларидан кулларида бирнечта ёнгок олиб чикиб,бизларга берганлар.Зарифа онамизнинг шу килган ишлари ва бизларга айтган гаплари мен учун умр буйи сабок булиб келаяпти. Сиз яхши биласиз, биз бир онани бир вактда эмиб, катта булдик. Зарифа онамиз (Аллох рахмат этган булсин) бизларни бирхилда тенг куриб, узгача мехр билан эмизиб, катта килдилар. Мана иккаламиз хам шундай юкори даражаларга эришдик. Албатта, бунда Онамизнинг хизматлари бекиёсдир. Шу вактгача менда муштипар Онамиз кунгилларини ололмадиммикан, деган армоним бор. Шу билан бирга Сизга насиб этиши керак булган ризкингизни хам Аллох менга насиб этган экан, мен олганман. Гохо Сизни курганимда дилимдан «укамнинг насибасини еб куйганман» деган хаёл утиб, узимни узим кийнайман. Ука, энди бизларнинг хам беш кунлигимиз борми-йукми, Аллох билади. Мендан рози булинг». Махмуджонакамлар шу сузни айтар эканлар, мени багриларига босиб, овозларини чикармасдан йиглар эдилар. Уларга кушилиб, кузимда ёш, менга хам йиги келаверди. Кунглимиз бироз таскин топгач - Махмуджонака, илтмос, ундай деманг. Ахир, Аллох хамманинг ризки-насибасини Узи билиб беради. Инсонлар факат шунга сабабчи буладилар, холос. Иккаламиз хам Зарифа Онамизга карздормиз, албатта Онамизни Аллох уз рахматига олган булсин . Энди факат ибодатларимизда онамиз хаккига дуо килиб турсак,шоядки рухлари шод булса,-дедим мен. Шу сузлардан кейин Махмуджон акамлар кетишга мендан жавоб сурадилар. Мен эса улардан бизникида ётиб колишларини сурадим. Лекин, уй ёлгиз эканлигини ва уз уйларига урганганликларини бахона килиб, « Уз уйим - улан тушагим» – деб кулимсираб, хайрлашиб кетдилар. Шу кеча уйларига боргач, юраклари безовта килаётганлиги хакида угилларига шикоят килибдиларда, чунтакларидан валидол донасини тиллари тагига ташлаб олиб, хоналаридаги диванга бироз ёнбошлабдилар. Бундай ахволни курган фарзандлари дарров тез ёрдамга кунгирок килиб, чакирибди. Тез ёрдам келганда юрак уриши анча сусайиб колган экан. Тез ёрдам зудлик билан акамларни огир ахволда касалхонага олиб кетган. Лекин, афсуски, акамлар касалхонада бандаликни бажо келтирган эдилар. Шу кундан бошлаб, менинг хаёлимга шу фикр келадики, Махмуджон-акамлар бир нарсани сезиб, бизникига хайрлашгани келган эканлар. Ха, хаёт шундай экан. Хеч ким, хеч качон нима булишини билмас экан. Хар бир дакикамизни ганимат билиб, инсонларга мехр-окибатли булиб, яхшиликлар килиб яшашга улгуришимиз керак экан.
